এভিয়ান ইনফ্লুএঞ্জা (এ.আই.) ভাইরস অসিনা হৌখিবা সেনচুরি অসিদগী অচৌবা থৌদোক মরি থোক্তুনা মালেম পুম্বা চহি চা কয়া অমা শন্দোক্তুনা লাক্লি। ইন্দিয়াদা অহানবা ওইনা এভিয়ান ইনফ্লুএঞ্জা অসি ২০০৬তা শন্দোকরকখি। লায়না অসি ইন্দিয়গী ওইনদি মীওইবদা নাবগী পাউদম লৈত্রি মরমদি মসিগী লায়না অসি অয়াম্বনা শাদা নাগনবা ওই। হায়রিবা এ.আই. ভাইরস অসি পক্লবা শা-উচেক অসিগী পোত্থোক চারুবদগী মীওইবদা লানশিনবগী খুদম হৌজিক ফাওবদা লৈত্রি। বাইও সেক্যুরিতি প্রিন্সিপল অসিগী শিল-লাংবা অসি শিজিন্নদুনা ইশানা ইশাবু লু-নান্না লৈবা অমসুং শেংদোকপা অমসুং দিসইনফেক্সন প্রোতোকোলস, লোয়ননা থোং-থাকপা অমসুং পোৎ লীবগী মওং, হায়রিবা অসিনা এ.আই. ভাইরস অসি ঙাকথোক্নবগী অমত্তা ঙাইরবা পাম্বৈনি।      

ইন্দিয়াদা, লায়না অসি মরুওইনা নিংথম থাদা হায়বদি সেপ্তেম্বরদগী ওক্তোবর -মার্চ ফাওবদা ইন্দিয়াদা পাইরক্লিবা লমকোই উচেকশিংনা শন্দোকপনি। মসিগী মতুংদা লাকপা মীওইবনা শন্দোকপা (শেৎন-চান্নগী মওংদা) অসিদি হায়বা ঙমদ্রি।

মালেমদা এ.আই.না শন্দোরকপগী অকিবা অসি য়েংলগা ভারত সরকারগী দিপার্তমেন্ত ওফ এনিমেল হজবেন্দরী এন্দ দাইরিয়িং (দি.এ.ঐচ.দি.)না ২০০৫তা থৌরাং অমা লৌখৎখি হায়রিবা অসি ২০০৬, ২০১২, ২০১৫ অমসুং ২০২১দা লৈবাক অসিদা এভিয়ান ইনফ্লুএঞ্জা ঙাকথোক্নবা স্তেত সরকারনা হন্না য়েংশিল্লি। (দি.এ.ঐচ.দি.গী ৱেবসাইত: https://dahd.nic.in/sites/default/filess/Action%20Plan%20-%20as%20on23.3.15.docx-final.pdf10.pdf)।  

মখা তানা পোস্ত ওপরেসন সরভিল্লেন্স প্লান (পি.ও.এস.পি.) ২০২০দা এভিয়ান ইনফ্লুএঞ্জা আউতব্রেক কন্ত্রোল লোইরবা মতুংদা লৈবাক অসিদা এ.আই. লৈত্রে হায়না ২০২০গী সেপ্তেম্বরগী ৩০দা লাওথোকখ্রে।

নিংথম থাদা থেংনখিবা লায়না অসি থেংনখিবা য়েংলগা, মতম মতমগী ওইবা পাউতাক কয়া অমা স্তেত/য়ু.তি.শিংদা নিংথম থা অসি লাকত্রিঙৈদা তঙাইফদনা য়েংশিনগদবা, য়াম্না কুপ্না য়েংশিনবা, চংগদবা পোৎলম থমজিনবা (পি.পি.ই. কিত অসিনচিংবা)। অতৈ পোৎলম দিপার্তমেন্তনা স্তেত/য়ু.তি.শিংদা পীরিবা মতেং অদুদি

• • তেক্নিকেলগী মতেং মদুদি : আই.সি.এ.আর.-এন.আই.ঐচ.এস.এ.দি., ভোপাল
  • কুল্লিং অমসুং কম্পেসেসনগীদমক ফন্দিং মতেং স্তেত/য়ু.তি.শিংদা
  • এ.এস.সি.এ.দি. স্কীমগী মখাদা স্তেত্তা ফন্দিং
  • ভেত্নরি ৱার্ক ফোর্সকী ত্রেন্নিং
  • আর.দি.দি.এল.এস./সি.দি.দি.এল. কনখৎনবা মতেং

শেমদোক্লবা পাউতাক/ই-পাউ অসি স্তেত অমসুং য়ু.তি.শিংদা ২২.১০.২০২০দা পীখ্রে।

হৌজিক্কী শন্দোরক্লিবা

আই.সি.এ.আর.-এন.আই.ঐচ.এস.এ.দি.গী পোজিতিব সেম্পলস য়েংলবা মতুংদা, এ.আই. অসি মখাগী স্তেতশিং অসিদগী রিপোর্ত পীরি (ইপিসেন্তর ১২) -

• • রাজস্থান (ক্বাক) – বারান, কোতা, ঝালাৱার
  • মধ্যা প্রদেশ (ক্বাক) – মান্দশৌর, ইন্দোর, মালৱা
  • হিমাচল প্রদেশ (লমকোই উচেক) – কাঙ্গরা
  • কেরলা (য়ুমগী উচেক-ঙানু) – কোত্তায়াম, অল্লাপুঝা (৪ ইপিসেন্তর)

লোয়ননা, হায়রিবা লায়না অসি শন্দোরক্তনবা ২০২১গী জানুৱারীগী ১দা পাউতাক অমা রাজস্থান অমসুং এম.পি. স্তেত্তা থাখ্রে। স্তেত মধ্য প্রদেশ অমসুং রাজস্থানদগী ফংবা পাউ মতুং ইন্না এভিয়ান ইনফ্লুএঞ্জাগী নেস্নেল এক্সন প্লান অসিগী লমজিং লমতাং পায়খৎলি। অতোপ্পা অমনা ২০২১গী জানুৱারীগী ৫দা ঐচ.পি.দা পাউতাক অমা থোক্তুনা লায়নাশিং অসি উচেকশিংদা শন্দোক্তনবা খোঙথাং লৌখৎলি। রিপোর্তকী মতুং ইন্না কেরলানা ০৫.০১.২০২১দগী চেকশিন থৌরাং লৌখৎখ্রে।

ভারত সরকারগী দিপার্তমেন্ত ওফ এনিমেল হজবেন্দরী অমসুং দাইরিয়িংনশু ফিবম অসি য়েংশিন্নবা কন্ত্রোল রুম অমা নই দিল্লীদা হাংদোক্তুনা লৈরি অমসুং স্তেত ওথোরিতিনা লৌখৎফম থোকপা নুমিৎ খুদিংগী ওইবা চংগদবা অমসুং চেকশিন থৌরাংগীদমক থম্লি।

শোকহল্লবা স্তেতশিং অসিদা শন্দোরক্লিবা লায়না এভিয়ান ইনফ্লুএঞ্জা অসি ঙাকথোক্নবা অসিদা য়াওরিবা অসি পোলত্রী ফার্ম বাইওসেক্যুরিতি কনখৎহনবা, শোকহল্লবা মফমশিং দিসইনফেক্সন তৌবা, অশিবা উচেক নিংথিনা ফুমজিনবা, মতম চানা খোমজিনবা অমসুং হেন্না কুপ্না য়েংশিন্নবগীদমক সেম্পল লৌবা অমসুং মখা তানা কুপথনা য়েংবা। ফোরেস্ত দিপার্তমেন্তশিংগা খুৎশম্নবা মসিনা মতম চাদনা উচেকশিং শিরকপদা রিপোর্ত পীবা। অতোপ্পা স্তেতশিং অসিদসুমতম চাদনা উচেকশিং শিরকপদা রিপোর্ত পীনবা অমসুং খুদক্তা চেকশিন থৌরাং লৌনবা খংহনখ্রে।

*****