মন্ত্রীমন্দল

কেবিনেৎনা ভারত অমসুং জাপানগী মরক্তা “স্পেসিফাইদ স্কিল্দ ৱর্কর”গী মতাংদা খুৎশম্নবগী মেমোরেন্দমগী খুৎয়েক পীনবগী অয়াবা পীখ্রে

Posted On: 06 JAN 2021 12:05PM by PIB Imphal

প্রধান মন্ত্রী, শ্রী নরেন্দ্র মোদীনা লুচিংবা কেন্দ্রগী কেবিনেৎনা “স্পেসিফাইদ স্কিল্দ ৱর্কর”গী পান্দম ফংনবা পথাপ অমা নীংথিনা পাংথোক্নবা খুৎশম্নবগী বেসিক ফ্রেমৱর্ক অমগী মখাদা চত্থগদবা ভারত অমসুং জাপান সরকারগী মরক্তা থবক তৌমিন্নবগী মেমোরেন্দম অমগী খুৎয়েক পীবগী অয়াবা পীখ্রে।

অকুপ্পা ৱারোলশিং:

হৌজিক লৈরিবা থবক তৌমিন্নবগী মেমোরেন্দম অসিনা ভারত্তগী স্কিল লৈরবা শিন্মীশিং থাবা অমসুং লৌশিনবগী মতাংদা ভারত অমসুং জাপানগী মরক্তা খুৎশম্ননা থবক তৌমিন্ননবা ইন্সতিত্যুস্নেল মেকানিজম অমা শেমগনি। শিন্মীশিং অসি জাপানগী অখন্নবা সেক্তর ১৪দা থবক তৌনবগীদমক্তা স্কিল অমসুং জাপান লোলগী তেস্ততা মাই পাকপা ওইগদবনি। মসিগী ভারতকী শিন্মীশিং অসিদা জাপানগী সরকারনা “স্পেসিফাইদ স্কিল্দ ৱর্কর”গী থাক্তা জাপান্দা লৈবগী অয়াবা পীগনি।

থবক ওইনা পাংথোকপগী থৌরাং:

এম.ও.সি. অসিগী মখাদা হীরম অসিগী থবক তৌবগী থৌওংশিং য়েংশিন্ননবা জোইন্ত ৱর্কিং গ্রুপ অপমা শেমগনি।

অচৌবা চৈথেং:

মেমোরেন্দম ওফ কো-ওপরেসন (এম.ও.সি.) অসিনা ভারত্তগী জাপান্দা চৎলিবা মীওই অমগা মীওই অমগা পাউ ফাওনবগী মওং হেনগৎহনবগা লোয়ননা শিন্মীশিং অমসুং প্রোফেস্নেলশিংনা চত্থোক-চৎশিন তৌবদা নুংঙাইহনগনি।

বেনিফিশরীশিং:

সেক্তর ১৪দগী, হায়বদি নর্সিং কেয়র, বিলদিং শেংবা, মেতেরিএল প্রোসেসিং ইন্দস্ত্রী, ইন্দস্ত্রীএল মেছিনরী মেন্যুফেকচরিং ইন্দস্ত্রী, ইলেক্ত্রিক অমসুং ইলেক্ত্রোনিক্স ইনফোর্মেসনগা মরী লৈনবা ইন্দস্ত্রীশিং, কন্সত্রক্সন; জহাজ শাবা অমসুং জহাজকা মরী লৈনবা ইন্দস্ত্রীশিং; ওতোমোবিল ঙাক-শেনবা; এভিএসন; লোজিং; লৌউ-শিংউবা; ঙা-য়োকপা/ফাবা; চানবা অমসুং থক্নবা শেম-শাবা ইন্দস্ত্রীশিং অমসুং ফুদ সর্ভিস ইন্দস্ত্রীশিংগী স্কিল লৈরবা শিন্মীশিংদা জাপান্দা থবক তৌবগী খুদোংচাবা ফংবা হেনগৎহনগনি।

*****



(Release ID: 1686493) Visitor Counter : 42