ইন্দিয়ন রেলৱেজ অসিনা লৈবাক অসিগী লোজিস্তিক্স সেক্তরগী য়াংলেন শরু ওইদুনা লাক্লি। ইং ২০২০দা মখোয়গী থবক খুদিংমক লোকদাউনগী মনুংদা লৈখ্রবসু, ইন্দিয়ন রেলৱেজনা লৈবাক অসিগী ফ্রৈৎ ত্রান্সপোর্তেসনগী মতাংদা লেপ্পা লৈতনা সেবা তৌখি। ইন্দিয়ন রেলৱেজনা সেপ্তেম্বর, ওক্তোবর, নবেম্বর অমসুং দিসেম্বর ২০২০দা থংন-থংননা খ্বাইদগী পোৎ য়াম্না পুবা ঙম্বগী মাই পাকপা ফংবা ঙমখি।

ইন্দিয়ন রেলৱেজনা কস্তরমরগী হেন্না খনবা থৌওং শিজিন্নদুনা মসিগী ফ্রৈৎ পুবগী থৌওংদা ত্রেদিস্নেল সেগমেন্ত খক্তদগী হেন্দোক্তুনা অনৌবা কস্তমরগী পুক্নিংসু চিংশিনবগী তৌওং অমা চত্থদুনা “ফ্রৈৎ ওন প্রাইওরিতী”গী পোলিসী অসি চৎনখি।

কস্তমরগী সেবাবু অনৌবা থাক অমদা পুখৎপহী ৱাফমদা খোঙফম চেৎপা ওইনা, রেলৱেজ, কম্মর্স অমসুং ইন্দস্ত্রী, কঞ্জ্য্যুমর এফিয়র্স অমসুং ফুদ অমসুং পব্লিক দিস্ত্রিব্যুসনগী মন্ত্রী শ্রী পিয়ুশ গোয়লনা ইন্দিয়ন রেলৱেজকী ফ্রৈৎ ব্যুজিনেস দিভেলপমেন্ত পোর্তেল অমা ঙসি (৫/১/২০২১) লোঞ্চ তৌখ্রে। পোর্তেল অসি “ৱান স্তোপ – সিঙ্গল ৱিন্দো”গী ৱাখল্লোন চেনবা ফ্রৈৎ কস্তমর্শিংগী তঙাই ফদবা কয়াগী ৱারোইশিন ওইরগনি।

মন্ত্রীনা হায়খিবদা, ইন্দিয়ন রেলৱেজ অসি ভারতকী অশাংবা উমসুং অপাকপবু শম্নরিবা মিৎনা উবা ফংদবা লং অমনি হায়খি। লোকদাউন মনুংদা, ইন্দিয়ন রেলৱেজনা খ্বাইদগী লুবা মতমদা লৈবাক অসিগী কাচিন কোয়া খুদিংদা তঙাই ফদবা পোৎলমশিং য়ৌহন্দুনা লৈবাক অসিগী সপ্লাই চেনবু লেপ্তনা মথৌ তৌহন্দুনা লৈবগী থৌওংদা খোঙফম চেৎপগী মতিক অদু উৎখি। অনৌবা পোর্তেল অসি রেলৱেজকা কারবার তৌমিন্নবা লাইহন্নবগী হীরমদা হান্না লৈখিদ্রিবা অমা ওইরগনি অমসুং মসিনা মসিগী ক্লাইএন্তশিংদা খ্বাইদগী ফবা সেবা ফংহন্নবা হোৎনগনি। হৌখিবা চহি ৬ অসিদা প্রধান মন্ত্রীগী লুচিং মখাদা রেলৱেগী হীরম খুদিংদা অহেনবা ওইনা চাউখৎপগী ফিভম উবা ফংখি হায়না মন্ত্রীনা হায়খি। ইন্দিয়ন রেলৱেজ অসি তুংগীদমক্তা শেম শাবা লোইরে। ইন্দিয়ন রেলৱেজনা মখোয়গী সেবাশিং অসি ফগৎহন্নবা খোঙফম চেৎলিবা অসি লেংহনবা ঙম্লরোই। রেলৱেজকী মশক থোকপা অসিদি অতৈ মীওইদগী হেন্না ফবা নত্তে, অদুবু খ্বাইদগী ফবা ওইবনি।

পোর্তেল অসি ইন্দিয়ন রেলৱেজকী ৱেবসাইত্তা চঙদুনা শিজিন্নবা য়াগনিঃ

https://indianrailways.gov.in/#

নত্ত্রগা

https://www.fois.indianrail.gov.in/RailSAHAY

খ্বাইদগী অহানবা মখল ওইবা ফ্রৈৎ পোর্তেল অসিনা মখোয়গী থৌওংশিংবু কস্তম্নর সেক্ত্রিক ওইহন্নবা থবক পায়খৎখ্রে; লোজিস্তিক্স পীবা মীওইশিংগী মমল হন্থহনখ্রে, সপ্লাইয়রশিংগী ওনলাইন ত্রেকিং ফেসিলিতী পীখ্রে অমসুং পোত্থোক পুথোক-পুশিন তৌবগী থৌওংসু লাইথোকহল্লগনি।

ফ্রৈৎ ব্যুজিনেস দিভেলপমেন্ত পোর্তেল অসি ঐখোয়না হকথেংননা তৌবা থবকশিংবু ওনলাইনগী থৌওংনা মহুৎ শিলহনবা মী অমা অমগগী মরক্তা থেংনদ্রগসু য়ানবা মওং শেম-শাবনি। পোর্তেল অসিবু কারবার তৌবদা লাইহনবগী ৱাখল্লোন্দা য়ুম্ফম ওইদুনা মসিগী হান্না লৈজরিবা কস্তমর খক্তা নত্তনা অনৌবা কস্তমরশিংগী পুক্নিংসু চীংশিন্দুনা মখোয়গী তঙাই ফদবশিংদা মিৎয়েং চঙদুনা মনুং-মপান ফাওনা উবা পথাপ অমা লৈহনবগা লোয়ননা প্রোফেস্নেল ওইবা সেবাশিংসু পীনবগীদমক্তা শেম শাখিবনি।

কস্তমরশিংদা কান্নবা

পোর্তেল অসিবু কারবার তৌবদা লাইহনবগী ৱাখল্লোন্দা য়ুম্ফম ওইদুনা মসিগী হান্না লৈজরিবা কস্তমর খক্তা নত্তনা অনৌবা কস্তমরশিংগী পুক্নিংসু চীংশিন্দুনা মখোয়গী তঙাই ফদবশিংদা মিৎয়েং চঙদুনা মনুং-মপান ফাওনা উবা পথাপ অমা লৈহনবগা লোয়ননা প্রোফেস্নেল ওইবা সেবাশিংসু পীনবগীদমক্তা শেম শাখিবনি।

থৌরম অসিদা রেলৱে বোর্দকী চেয়রমেন অমসুং সি.ই.ও., মকোক থোংবশিং, ব্যুজিনেসকী মকোকশিং অমসুং মলতি মোদেল লোজিস্তিক্স সর্ভিস প্রোভাইদরশিংগী ওফিসিএলশিং, হৱাই-চেংৱাই, স্তীল, ওতো, থুম্নচিংবা কম্মোদিতী সেক্তরশিং অমসুং অতোপ্পা স্তেক হোলদর্শিংনা শরুক য়াখি।

থৌরম অসিদা শরুক য়ারিবা ইন্দস্ত্রীগী মীওইশিংনা রেলৱেজপু কোবিদকী মনুংদা পোৎচৈ অমসুং চিঞ্জাক পীবা মীওইশিংদা তোঙান-তোঙানবা ইন্সেন্তিব পীবগী খোঙথাং পায়খৎখিবগীদমক্তা থাগৎখি। মখোয়না হায়খিবদা, অনৌবা পোর্তেল অসি প্রধান মন্ত্রীগী দিজিতেল ইন্দিয়া মিসনগী মতুং ইনবনি অমসুং মসিনা ফ্রৈৎ থবকশিংদা য়াম্না পাক-চাউনা লাইহনবতা নত্তনা মসিদা চঙবা শেলসু হন্থহনগনি হায়না হায়নখি।

পোর্তেল অসিগী মশক থোকপা মওংশিং অদু মখাদা পীরিঃ

ক) রেলগী ওইনা অনৌবা ওইবা

মসিগী পোর্তেল অসিনা ইন্দিয়ন রেলৱেজকী তুংদা কস্তমর ওইরকপা য়াবশিংবু তরাম্না ওক্লি, ঐখোয়গী ফ্রৈৎকী কারবার অসিবু শক্তাক্লি অমসুং তোঙান-তোঙানবা কান্নবা কয়া অমা তাক্লি, মখোয়শিংদা খ্বাইদগী চান্নবা তর্মিনেল অমসুং পীরিবা লোজিস্তিক্সকী সেবাশিং, অচুম্বা ৱেগন খনবদা, ওইবা য়াবা মমল তাকপা, মখোয়গী পোত্থোকশিং পুথোক-পুশিন তৌবদা চঙগদবা মতম খঙহনবগী  মরমদা লমজিং লমতাকপীরি। অনৌবা কস্তমর অমনা পোর্তেল অসিদা রেজিস্তর তৌদুনা মহাক্কী খ্বাইদগী নুংঙাইগদবা মওংদা ৱেগোনশিংগী অপাম্বগী ৱারোল পীবসু য়াগনি।

খ) হান্নদগী লৈরবা কস্তমরশিং

ঐখোয়গী লেমজনিংঙাই ওইরবা ফ্রৈৎ কস্তমরশিং অসি ঐখোয়গী খ্বাইদগী মমল য়াম্লবা লন্নি, ঐখোয়না মখোয়দা খ্বাইদগী ফবা সেবা ফংহন্নবা, মখোয়গী অপাম্বগী মতুং ইন্না শেমদোকপা অমসুং  মখোয়গী কারবার চাউখৎপদা মরু ওইবা পোৎলম ওইগদবা মরু-ওইবা ই-পাউ কয়া পীনবা খোঙফম চেৎনা লৈরি। ফ্রৈৎ ব্যুজিনেস পোর্তেলগী পর্সোনেলাইজ তৌরবা দেশবোর্দ অসিনা মখোয়গা ইন্দিয়ন রেলৱেজকগী মরক্তা চত্থখিবা কারবার খুদিং, মখয়গী মশক থোকপা থৌদোকশিং, ওন-রন কনসাইনমেন্ত, থবক তৌমিন্নবগী থাক কয়াগী ফিভম, তোঙান-তোঙানবা সেবা পাম্বগী হায়জনবা অমসুং ৱাকৎপগী খুদোংচাবা ময়াম অমা অমুক্তং য়েংবদা উনবা শক্তম অমসু পীরি। ঐখোয়গী জি.আই.এস. ভ্যুগী খুত্থাংদা মখোয়গী কনসাইনমেন্তপু লাইব-ত্রেক তৌবা, তোঙানবা সেবা কয়া ক্লিক অমদা ফংহনবা; দিস্কাউন্তকী স্কিম কয়া, দাইবর্জন, নৌহৌননা অমুক বুক তৌবা, দেমররেজ অমসুং হ্বারফাগ ৱেভর, পোত্থোক পৈশিনবগী অয়াবা লৌবা অমসুং অতোপ্পা কয়া অমগী খুদোংচাবা পীরি। রেক পীবা অমসুং তোঙান-তোঙানবা ফ্রৈৎ তর্মিনেলশিংদা থৌদোক কয়া ৱাৎহৌবা/মপুং ফারকপগী মতাংদসু খঙবা য়াগনি।

গ) কম্মোদিতী পেজ

পোর্তেল অসিদা রেলৱেনা পুথোক পুশিন তৌবা মরু ওইবা পোৎলমশিংগী (কোয়লা, মিনরেল অমসুং ওর, য়াম অমসুং হৱাই, সীমেন্ত অমসুং ক্লিঙ্কর, কেমিকেল মেন্যুর, য়োৎ অমসুং স্তীল, পেত্রোলিয়মগী পোত্থোকশিং, কন্তেনরগী সর্ভিস, ওতোমোবিল অমসুং অতোপ্পশিং) ওইবা কম্মোদিতী পেজ কয়া য়াওরি।

মীওই অমনা তর্মিনেল অমগা খ্বাইদগী হেন্না চান্নবা ৱেগোন, ফ্রৈৎকী মমল, মরক্তা চঙবা য়াবা মতম অমসুং খনগৎলবা পোৎলমশিংগী ইন্সেন্তিবশিং অমসুং নহাক্কী মফম, জিলাগী অনকপদা নহাক্কী কম্মোদিতী অদুবু লৌবা তর্মিনেলশিং খঙদোকপা য়াগনি। মসিনা নখোয়গী কম্মোদিতী পুথোক-পুশিন তৌগদবা ৱেগোন মখল অমসুং মখোয়শিং হাপ্পগী মওং কয়া তাক্কনি, নহাক্কী লোজিস্তিক্সকী ওইবা অপাম্বা অদু পীবা ঙমহন্নবা অমসুং মফম অনিগী মরক্তা পোৎ হাপ্পা/লৌথবগী মতাংদা পীবা মখল কয়াগী ইন্সেন্তিবশিং তাক্কনি

ঘ) খুৎলাই অমসুং সেবাশিং

নখোয়গী কারবার অসি ঐখোয়দা খ্বাইদগী মরু ওইবা পোৎলম অমনি, ঐখোয়না নখোয়গী মৎম্বু ইকায় খুম্নৈ অমসুং নখোয়না তোয়না শিজিন্নগদবা খুৎলাই অমসুং খ্বাইদগী মরু ওইবা ই-পাউ পীনবা সেবা পীনবা ঐখোয়না খোঙফম চেৎলি।

নখোয়না ইন্দিয়ন রেলৱেজকা লোয়ননা নীংথিবা মওংদা ফ্রৈৎ পোত্থোক-পুশিন তৌননবা থৌরাং য়াৎনবা তোঙান-তোঙানবা খুৎলাই অমসুং সেবাশিং শিজিন্নবা য়াগনি। ঐখোয়গী লৈরিবা তোঙান-তোঙানবা কম্মোদিতীশিংগী পুবগী মমলগী ই-পাউ, ৱেগোন কেতালোগ, তর্মিনেল সেলেক্তর, স্মার্ত কালক্যুলেতর অমসুং ত্রেক অমসুং ত্রেসকী খুদোংচাবশিংসু লৈগনি। পোৎ পুবগী মতম, মিনি রেক সর্ভিস অমসুং অয়াবা পীরবা মফম অনিগী অপুনবগী খুদোংচাবশিংসু ক্লিক অমদা ফংগনি।

ঙ) লোজিস্তিক্স পার্ত্নরশিং

ইন্দিয়ন রেলৱেজনা মসিগী লৈবাক শিনবা থুংনা চলায়রিবা ফ্রৈৎকী থবকশিং অসিদা পার্ত্নর কয়া পাউজেল পীবগা লোয়ননা তরাম্না ওক্লি। নহাক্না ঐখোয়গী নেৎৱর্ক অসিদা প্রাইভেৎ সাইদিং, প্রাইভেৎ ফ্রৈৎ তর্মিনেল নত্ত্রগা রেলৱেনা মপু ওইবা পোৎ থমফমশিংদা শেল থাদবগী খুত্থাংদা য়াওদুনা রেলৱে অসি নহাক্কী সপ্লাই চেনগী শরুক অমা ওইহনবা য়াগনি। রোল্লিং স্তোকশিংদা শেল থাদবনা ফ্রৈৎ শোইদনা ফংবা অমসুং মসিগী অচঙবা মমলদা ইন্সেন্তিব ফংবগুম্বা খুদোংচাবা কয়া অমা ফংবা য়াগনি। ঐখোয়না এগ্রেগেতর, ত্রক্কর, ৱেয়রহাউসকী মপু অমসুং শিন্মী পীবা মীওইশিংনা ঐখোয়গী ফ্রৈৎ তর্মিনেল ৪০০০+দা লৈরিবা ফ্রৈৎ কস্তমর ৯০০০+দা সেবা পীনবা পাউজেল পীরি।

চ) প্রোফেস্নেল ওইবা তেংবাং

ইন্দিয়ন রেলৱেজনা ঐখোয়গী মমল নাইদ্রবা কস্তমরশিংদা প্রোফেস্নেল ওইবা তেংবাং পীনবা মতম পুম্বদা খোঙফম চেৎলি। কস্তমরশিংনা ইন্দিয়ন রেলৱেজকী ওফিসিএলশিংদা ফোন্দা নত্ত্রগা চিথি ইদুনা পাউ ফাওবা য়াগনি। কস্তমরশিংনা ‘কন্তেক্ত অস’কী খুত্থাংদা মখোয়গী ৱাকৎ থাংগৎলকপা য়াগনি। অইবা ৱাকৎ লাকপা খুদিংগী তোপ-তোপ্পা ৱাকৎপগী আই.দি. অমা থোক্কনি অমসুং মসিবু কস্তমরদা থাদুনা মখোয়গী ৱাকৎ/হায়জবা অদুগী ওইরিবা ফিভমগী মতাংদা খঙজবা য়াগনি। ইন্দিয়ন রেলৱেজনা মখোয়গী কস্তমরশিংগী ৱাকৎ অদুগী ৱারোইশিন পুরক্নবা হোৎনবদা নুংঙাইজবা ফাউগনি।

ফ্রৈৎ ফিগরশিং অসিনা শেল তানবা অমসুং ২০২০গী দিসেম্বর থাদা পোৎ হাপ্পগী চাং অসিবু ঙাক্তুনা থম্বা অসি য়াম্না মরু ওইবনি। ইন্দিয়ন রেলৱেজনা মিসন মোদতা দিসেম্বর ২০২০দা পোৎ হাপ্পা অমসুং শেল তানখিবগী চাং অসি মমাং চহিগী মান্নবা মতমদগী  হেল্লে।

ইং ২০২০গী দিসেম্বর থাদা ইন্দিয়ন রেলৱেজনা পোৎ হাপখিবা অসি মিলিয়ন তোন ১১৮.১৩নি অমসুং মসিনা মমাং চহিগী মান্নবা মতমদগী ৮.৫৪%গী শরুক (মিলিয়ন তোন ১০৮.৮৪ হেল্লি। মসিগী মতম  অসিদা ইন্দিয়ন রেলৱেজনা ফ্রৈৎ হাপ্পদা লুপা করোর ১১৭৮৮.১১গী শেনফম তানবা ঙমখি অমসুং মসিসু মমাং চহিগী মান্নবা মতমদা লুপা করোর ১১০৩০.৩৭ ওইখিবা অদুদগী লুপা করোর ৭৫৭.৭৪ (৬.৮৭%) হেনখি।

ইন্দিয়ন রেলৱেজনা রেলৱে বোর্দ, জোনেল রেলৱে অমসুং জিলাগী থাক্তা ব্যুজিনেস দিভেলপমেন্ত য়ুনিৎ (বি.দি.য়ু.) গুম্বা লিংখত্তুনা ফ্রৈৎ লোদিংবু হেন্না খুমাং চাউশিলহন্নবা খোঙথাং কয়া অমা পায়খৎলি। বি.দি.য়ু.দগী মলতি দিসিপ্লিনরী তীম কয়ানা কস্তমরশিংদা পাউ ফাউদুনা ভেল্যু ফোর মনী লোজিস্তিক্স সোল্যুসন পীদুনা অনৌবা কস্তমরশিংগী পুক্নিং চীংশিন্নবা থৌওং কয়া পাংথোক্লি। বি.দি.য়ু.না রেল অমুক্তা শিজিন্নখিদ্রিবা কস্তমর কয়া খোম্বা ঙমদুনা মাই পাকপা কয়াসু ফংবা ঙমখ্রে। মসিদা নত্তনা, শেল তাবগী থৌওং কয়া অমসু ইন্দিয়ন রেলৱেজতা লৈহন্দুনা রেলৱেজ ফ্রৈৎকী ইহৌ অসিবু হেন্না পাম্নহনবা অমসুং কান্নহনবা ওইরি।

****