প্রধানমন্ত্রীগী লোইশঙ

আত্মানির্ভর ভারত অসি ক্বান্তিতী অমসুং ক্বালিতী অনিমক্কী ওইননি: পি.এম.

মরত্রোলোজী অসি ঐখোয়না মালেমদা লৈরিবা থাক অদু তাক্লি মীশেলগুম্বা অমনি: পি.এম.

Posted On: 04 JAN 2021 5:10PM by PIB Imphal

প্রধান মন্ত্রী শ্রী নরেন্দ্র মোদীনা হায়খি আত্মানির্ভর ভারত অসি ক্বান্তিতী অমসুং ক্বালিতী অনিমক্কী ওইননি। মহাক্না নেস্নেল মেত্রোলোজী কনক্লেব ২০২১গী থৌরমদা ৱা ঙাংখি মসিদা মহাক্না ভিদিও কনফরেন্সকী খুত্থাংদা ঙসি নেস্নেল এতোমিক তাইমস্কেল অমসুং ভারতিয়া নির্দেশক দ্রব্য জাতিদা কত্থোকখ্রে অমসুং নেস্নেল এনভাইর্নমেন্তেল স্তেন্দর্দস লেবোরেতোরীগী উরেপ-উয়ুং তমখ্রে। “ঐখোয়গী পান্দমদি মালেমগী কৈথেলশিংদা ভারতকী প্রদক্তশিংনা থলহনবা খক্তা নত্তে ঐখোয়না পাম্বদো মীয়ামগী পুক্নিং হুবনি। ঐখোয়না পাম্বদি ভারতকী প্রদক্তশিংনা মালেমদা য়াম্না পাম্নবা অমদি য়ান্নবা ওইহনবনি” হায়না প্রধান মন্ত্রীনা ফোঙদোকখি।

প্রধান মন্ত্রীনা হায়খি হৌখিবা দিকেদশিং অসিদা ভারতনা ক্বালিতী অমদি মীজর্মেন্তদা ফোরেন স্তেন্দর্দশিংগী মীপান তাংদুনা লাকখি। অদুবু হৌজিক্তি ভারতকী খোঙজেল, খুমাং চাউশিনবা, চাউখৎপা, মশক অমসুং ভারতকী মপাঙ্গল অসি ঐখোয় ইশাগী স্তেন্দর্দশিংনা লেপচরগনি। মহাক্না হায় মীজর তৌনবা সাইন্স ওইরিবা মেত্রোলোজী অসিনসু সাইন্তিফিক্কী মাই পাকপা পুরক্নবগীদমক্তা য়ুম্বীসু ওইরি। ঐখোয়গী মাই পাকপশিং অসিসু মীজরমেন্তগী মখা খরা পোল্লি। মহাক্না হায় মালেমদা লৈগদবা লৈবাক অসিগী ক্রেদিবিলিতী অসিসু মাগী মেত্রোলোজীগী রিলাইএবিলিতীগী মখা পোনগনি। মহাক্না হায় মেত্রোলোজী হায়বা অসি মিংশেলগুম্বনি মসিনা ঐখোয়না মালেমদা লৈরিবা থাক অদু তাক্লি। 

প্রধান মন্ত্রীনা মরোমদোম লেপচবা ভারত অমা ওইহনবদা পন্দম অসি ফংনবা হোৎনবদা ক্বান্তিতী অমসুং ক্বালিতী চংঙি হায়না ফোঙদোকখি। মহাক্না মালেমদা ভারতকী প্রদক্তশিংনা থলহনবগী মহুৎ ভারতকী প্রদক্তশিং লৈরিবা কস্তমর খুদিংমক্কী পুক্নিং সুমহৎনবা হায়খি। মহাক্না মেদ ইন ইন্দিয়াগী প্রদক্তশিং অসিনা মালেমগী দিমান্দ থুংহনবা খক্তা নত্তনা মালেমগী অয়াবসু লৌগদবনি। “ঐখোয়না ক্বালিতী অমসুং ক্রেদিবিলিতীগী য়ুম্বীশিংনা য়ুম্ফম ওইদুনা ব্রান্দ ইন্দিয়াগী মপাঙ্গল হেন্না কনখৎহনগদবনি,” হায়না শ্রী মোদীনা ফোঙদোকখি।

প্রধান মন্ত্রীনা হায় ঙসি জাতিদা কত্থোকখিবা ভারত্তিয়া নির্দেশক দ্রব্য অসিনা ‘সর্তিফাইদ রিফরেন্স মেতরিএল সিস্তেম’ অমা দ্রাফ তৌদুনা হেবী মেতলশিং, পেস্তিসাইদস, ফার্মা অমসুং তেক্সতাইল্স অসিগুম্বা সেক্তরশিংদা ক্বালিতী লৈবা প্রদক্তশিং শাবদা মতেং ওইরগনি। মহাক্না মখা তারদুনা হায়খি হৌজিক ইন্দস্ত্রীনা রিগুলেসন সেন্ত্রিক এপ্রোচকী মহুৎ কঞ্জুমর সেন্ত্রিক এপ্রোচকী মাইকৈদা চংশিল্লি। মহাক্না হায় অনৌবা স্তেন্দর্দশিং অসিগা লোইননা লৈবাক অসিগী জিলাশিংদা লোকেল প্রদক্তশিংদা গ্লোবেল আইদেন্তিতী পীনবা কেম্পেন অমা চত্থরি হায়রিবা অসিনা ঐখোয়গী এম.এস.এম.ই. সেক্তরশিংদা মরু ওইনা কান্নবা ওইরগনি।

প্রধান মন্ত্রীনা হায়খি ইন্তরনেস্নেলগী থাকশিং অসি ঙাক্না চৎপনা  লোকেল সপ্লাই চেন থিরিবা অচৌবা ফোরেন মেন্যুফেকচরিং কম্পনীশিংনা ভারত্তা লাকপদা মতেং ওইরগনি। মহাক্না হায় অনৌবা সেন্দর্দশিং অসিগা লোইননা এক্সপোর্ত অমসুং ইম্পোর্ত অনিমক্কী ক্বালিতী লৈহনবা ঙমলগনি। মসিনা ভারতকী জেনরেল কঞ্জুমরদা ক্বালিতী লৈবা গুদশিং ফংহনবসু ঙম্লগনি অমদি এক্সপোর্তরশিংনা মাইয়োক্নবা সমস্যাশিং হন্থহনবা ঙম্লগনি।

****



(Release ID: 1686047) Visitor Counter : 28