সবজেক্ত এক্সপর্ত কম্মিতী ওফ সেন্ত্রেল দ্রগ্স স্তেন্দর্দ কন্ত্রোল ওর্গনাইজেসন (সি.দি.এস.সি.ও.)না জনুৱারী ১ অমসুং ২, ২০২১দা মীফম পাঙথোক্তুনা এম./এস. সিরুম ইন্সতিত্যুৎ ওফ ইন্দিয়া অমসুং এম/এস. ভারত বাইওতেককী কোবিদ-১৯ ভাইরস ভেক্সিনশিং রেস্ত্রিক্তেদ ইমর্জেন্সী এপ্রুভেল অমসুং এম/এস কেদিলা হেল্থকেয়র লিমিতেদগী ভেক্সিনগী অহুমশুবা তাঙ্কক্কী ক্লিনিকেল ত্রাইএলগী অয়াবা পীবগী ৱাফমগী মতাঙদা রিকমেন্দেসনশিং শেমখ্রে‍।

সবজেক্ত এক্সপর্ত কম্মিতী অসিদা পল্মোনোলোজী, ইম্ম্যুনোলোজী, মাইক্রোবাইওলোজী, ফার্মাকোলোজী, পেদিয়াত্রিক্স, ইন্তর্নেল মেদিসিননচিংবা হীরমশিংগী দোমেন নোলেজ এক্সপর্তশিং য়াওরি‍।

এম/এস সিরুম ইন্সতিত্যুৎ ওফ ইন্দিয়া, পুনেনা এস্ত্রাজিনেকা/ওক্সফোর্দ য়ুনিভর্সিতীদগী তেক্নোলোজী ত্রান্সফরগা লোয়ননা সার্স-কোভ-২ স্পাইক (এস) গ্লাইকোপ্রোতিন এনকোদ তৌরবা রিকোম্বিনেন্ত চিম্পাঞ্জী এদেনোভাইরস ভেক্তর ভেক্সিন (কোভিসিল্দ) পুথোরকখি‍। ফর্ম অসিনা মপান লৈবাকশিংদা চত্থখিবা চহী ≥ ১৮ নৎত্রগা মসিদগী হেনবা শরুক য়াখিবা মীওই ২৩,৪৭৪৫দগী ফংখিবা সেফতী, ইম্ম্যুনোজিনিসিতী অমসুং এফিকেসী দেতা থাগৎলকখি‍। অপুনবা ভেক্সিনগী কান্নবগী চাং অসি চাদা ৭০.৪২ ওইবা থেংনখি‍। মখা তানা, এম/এস সিরুমদা লৈবাকসিদা মীওই ১৬০০দা ফেজ-২/৩কী ক্লিনিকেল ত্রাইএল পাঙথোক্নবা অয়াবা পীখি‍। ফর্ম অসিনা হায়রিবা চাংয়েং অসিদগী মরক্কী ওইবা সেফতী অমসুং ইম্ম্যুনোজিনিসিতী দেতাসু থাগৎলকখি অমদি দেতা অদু মপান লৈবাক্তা চত্থখিবা ক্লিনিকেল স্তদীশিংগী দেতাগা চাংদম্নবা য়াবা ফীভম থেংনখি‍। কুপ্না খন্নরবা মতুংদা সবজেক্ত এক্সপর্ত কম্মিতীনা অকক্নবা রিগুলেতরী কন্দিসনগী মখাদা অথু অকায়গী ফীভমদা শীজিন্ননবা অয়াবা পীননবা রিকমেন্দ তৌরকখি‍। ফর্ম অসিনা লৈবাকসিদা চত্থরিবা ক্লিনিকেল চাংয়েং মখা চত্থখিগনি‍।

এম/এস ভারত বাইওতেক্না আই.সি.এম.আর. অমসুং এন.আই.ভি.(পুনে)গা খুৎশম্নরগা মখোয়দগী ভাইরস সীদ স্ত্রেন লৌদুনা হোল ভিরিওন ইনএক্তিভেতেদ কোরোনা ভাইরস ভেক্সিন (কোভেক্সিন) পুথোকখি‍। ভেক্সিন অসি লৈবাকসিদা অমদি মালেমগী ওইনা শাফবা অমদি কান্নবা ফীভম নীংথিনা লৈরবা ভেরো সেল প্লেতফোর্মদা শেমগৎখিবনি‍।

ফর্ম অসিনা উচি, উতিন, থেব, সিরিয়ন হেম্সতরনচিংবা তোঙান তোঙানবা শা মখলশিংদা চাংয়েং তৌখিবগী সেফতী অমসুং ইম্ম্যুনোজিনিসিতী দেতা পুথোরকখি অমদি নন-হ্যুমেন প্রাইমেতশিংদা (রেসস মেকক্যুস) অমসুং হেম্সতর) চেলেঞ্জ স্তদী চত্থখি‍। হায়রিবশিং অসিগী দেতা ফর্ম অসিনা সি.দি.এস.সি.ও.দা ফংহল্লকখি‍। ফেজ ১ অমসুং ফেজ ২ ক্লিনিকেল চাংয়েংশিং চাউরাক্না সবজেক্ত ৮০০লোমদা চত্থখি অমদি ভেক্সিন অসি শাফবা অমদি চাউনা ইম্ম্যুন রেস্পোন্স পীবা ঙমবগী মহৈ উবা ফংখি‍। ফেজ ৩ এফিকেসী ত্রাইএল ভারত্তা ভোলুন্তিয়র ২৫,৮০০দা হৌখি অমদি ঙসি ফাওবদা লৈবাক শিনবা থুংবদা মীওই ২২,৫০০দা ভেক্সিন কাপখ্রে অদুগা ভেক্সিন অসি ঙসি ফাওবদা ফংলিবা দেতাগী মতুং ইন্না ভেক্সিন অসি শাফবা ফীভম উৎলি‍।

সবজেক্ত এক্সপর্ত কম্মিতী (এস.ই.সি.)না ভেক্সিন অসিগী সেফতী অমসুং ইম্ম্যুনোজিনিসিতী দেতা নৈনরবা মতুংদা অখন্ননা ম্যুতেন্ত স্ত্রেন্না নাহল্লকপা ফীভমদা ভেক্সিনেসনগী খুদোংচাবা হেন্না ফংহন্নবা পান্দমদা ক্লিনিকেল চেংয়েংগী মওংদা মীয়ামগী য়াইফনবা য়েংলগা অথু অকায়গী ফীভমদা রেস্ত্রিক্তেদ ওইবা মওংদা শীজিন্ননবা অয়াবা পীনবা রিকমেন্দ তৌখি‍। ফর্ম অসিনা লৈবাকসিদা চত্থরিবা ক্লিনিকেল চাংয়েংসু মখা চত্থখিগনি‍।

এম/এস. কেদিলা হেল্থকয়ের লিমিতেদনা দি.এন.এ. প্লেতফোর্ম তেক্নোলোজী শীজিন্নদুনা নোভেল কোরোনা ভাইরস-২০১৯-এন.কোভ-ভেক্সিন অমা শেমখি‍। ফর্ম অসিনা ভারত্তা মীওই ১০০০ হেনবনা শরুক য়াদুনা ফেজ১/২ ক্লিনিকেল চাংয়েং হৌখি‍। মরক্কী দেতাদা ভেক্সিন অসি ইন্ত্রাদর্মেল্লী দোজ অহুম পীবা মতমদা শাফবা অমদি ইম্ম্যুনোজিনিক ওইবা ফীভম ফংখি‍। মসিগী মতুং ইন্না, ফর্ম অসিনা ভারত মচা ২৬০০০না শরুক য়াদুনা ফেজ ৩গী ক্লিনিকেল চাংয়েং পাঙথোক্নবা অয়াবা নিরকখি অমদি মদুমক সবজেক্ত এক্সপর্ত কম্মিতীনা রিকমেন্দ তৌখি‍।

এম/এস সিরুম অমসুং এম/এস ভারত বাইওতেক্কী ভেক্সিনশিং দোজ অনি কাপকদবনি‍। ভেক্সিন অহুম্মক দিগ্রী সেলসিয়স ২-৮ ফাওবদা থমগদবনি‍।

নীংথিনা নৈনরবা মতুংদা, সি.দি.এস.সি.ও.না এক্সপর্ত কম্মিতীগী রিকমেন্দেসনশিং অদু অয়াবা পীননবা ফিরেপ লৌখি অমদি মদুগী মতুং ইন্না এম/এস. সিরুম অমসুং এম/এস ভারত বাইওতেক্কী ভেক্সিনশিং অথু অকায়গী ওইনা রেস্ত্রিক্তেদ ওইবা মওংদা শীজিন্ননবা অমদি এম/এস কেদিলা হেল্থকেয়রগী ভেক্সিননা ফেজ ৩ ক্লিনিকেল চাংয়েং পাঙথোক্নবা অয়াবা পীরে‍।

****