صدر جمہوریہ کا سکریٹریٹ

راشٹرپتی بھون کا  میوزیم عوام کے دیکھنے کے لیے 5 جنوری سے کھلے گا

Posted On: 01 JAN 2021 4:37PM by PIB Delhi

 

نئی دہلی،یکم جنوری ،2021    /   راشٹرپتی بھون میوزیم کامپلیکس، جو کووڈ – 19 کی وجہ سے 13 مارچ ، 2020 سے بند تھا اب 5 جنوری ، 2021 سے دوبارہ کھولا جائے گا۔ یہ میوزیم پیر اور سرکاری چھٹیوں کو چھوڑ کر سبھی دنوں  میں کھلے گا۔ سیاح ویب سائٹ کے ذریعے اپنی سیر کا وقت درج کرا سکتے ہیں  https://presidentofindia.nic.in یا https://rashtrapatisachivalaya.gov.in/ یا  https://rbmuseum.gov.in/۔  جیساکہ پہلے فی کس برائے نام 50 روپے رجسٹریشن چارجز لیے جاتے تھے اب بھی وہی چارجز لیے جائیں گے۔  موقعے پر بکنگ کی سہولت جو پہلے دستیاب تھی ، وہ عارضی طور پر  معطل ہے۔

سماجی دوری کو برقرار رکھنے کے اصولوں پر عمل کرتے ہوئے پہلے سے بکنگ کے چار اوقات مقرر کیے گیے ہیں۔ صبح ساڑھے 9 سے صبح 11 بجے تک، صبح ساڑھے گیارہ سے 1 بجے دوپہر تک، دوپہر ڈیڑھ بجے سے دوپہر 3 بجے تک اور دوپہر ساڑھے تین  بجے سے سہ پہر 5 بجے تک۔ ہر مقررہ وقت میں 25 افراد بکنگ کرا سکتے ہیں۔ سیر کے دوران لوگوں کو ماسک پہننے ، سماجی دوری برقرار رکھنے،  آروگیہ سیتو ایپ انسٹال کرنے جیسے کووڈ پروٹوکول پر عمل کرنا ہوگا۔   کووڈ – 19  کے تئیں حساس لوگوں کی،  اس سیر کے لیے  حوصلہ شکنی کی جائے گی۔

راشٹرپتی بھون میوزیم کامپلیکس میں کہانی سنانے کا ایک میوزیم ہے جس میں آرٹ، کلچر، وراثت اور تاریخ کی عکاسی کرتے ہوئے نادر و نایاب فن پاروں کی نمائش کی گئی ہے۔ تفصیلات  اس ویب سائٹ https://rbmuseum.gov.in/ پر دستیاب ہیں۔

  ۔۔۔۔۔۔۔۔۔۔۔۔۔۔۔۔۔

                                                                            

م ن ۔ اس۔ ت ح ۔                                            

01.01.2021

U –25

 



(Release ID: 1685537) Visitor Counter : 219