প্রধানমন্ত্রীগী লোইশঙ
প্রধান মন্ত্রীনা ৩৪ শুবা প্রগতিগী ৱারী-ৱাতাইগী ময়াই তাংবল লৌখ্রে
Posted On:
30 DEC 2020 7:31PM by PIB Imphal
প্রধান মন্ত্রী শ্রী নরেন্দ্র মোদীনা ঙসি ৩৪শুবা প্রগতিগী ৱারী-ৱাতাইগী ময়াই তাংবল লৌখ্রে। ঙসিগী মীফম অদুদা তোঙান তোঙানবা প্রোজেক্তশিং, থৌরমশিং অমসুং ৱাকৎশিং য়েংশিনখি। রেল মন্ত্রালয়, রোদ ত্রান্সপোর্ত অমসুং হাইৱেগী মন্ত্রালয় অমসুং হাউজিং অমসুং অরবান এফিয়র্স মন্ত্রালয়গী প্রোজেক্তশিংগী মতাংদা খন্ন-নৈনখি। পুন্না লুপা করোর লাখ ১ চংবা প্রোজেক্তশিং রাজ্য অমসুং য়ু.তি. তরা উত্তর প্রদেশ, মধ্য প্রদেশ, রাজস্থান, জম্মু & কশ্মীর, নোংচুপ বেঙ্গল, মহারাস্ত্রা, দিল্লী, হরিয়ানা, গুজরাত অমসুং দদ্রা অমসুং নগর হবেলীদা পায়খৎলি।
ৱারী-ৱাতাই অদুদা আয়ুশ্মান ভারত অমসুং জীবন মিশন্নচিংবা থৌরমশিং য়েংশিনখি। কঞ্জ্যুমর এফিয়র্স মন্ত্রালয়গী মরী লৈনবা ৱাকৎশিংগী মতাংদসু ৱারী শানখি।
প্রধান মন্ত্রীনা ওফিসিএল পুম্নমক্তা ৱাকৎশিং অদুগী খুদক্তা ৱারোইশিন পুরক্নবা অমসুং হেন্না পাক-চাউবা পাম্বৈশিং পুথোক্নবা হায়খি। প্রধান মন্ত্রীনা প্রোজেক্তশিং অদুবু য়েংশিল্লদুনা পন্দুনা লৈরক্লবশিং অদুবু অথুবা মতমদা ৱারোইশিন পুরক্নবা অমসুং অরেপ্পা তাংগী মনুংদা পান্দম অদু মপুং ফাহন্নবা চীফ সেক্রেতরীশিংদা খঙহনখি। মহাক্না হায়খি মদুদি রাজ্য পুম্নমক্না অথুবা মতমদা আয়ুশ্মান ভারত্তা ১০০ মায় ওনশিন্নবা হোৎনগদবনি। মহাক্না জল জীবন মিশনগী মখাদা রাজ্যশিং অমসুং য়ু.তি.শিংদা মিশন মোদতা পান্দমশিং অদু ফংনবা রোদমেপ অমা শেম্নবা খঙহনখি।
মমাংগী ৩৩শুবা প্রগতিগী ৱারী-ৱাতাই মনুংদা, সেক্তর ১৮দা থৌরম/স্কিম ৫০ অমসুং ৱাকৎশিং য়াওনা প্রোজেক্ত ২৮০দা খন্ন-নৈনখি।
*****
(Release ID: 1684910)
Visitor Counter : 166
Read this release in:
Tamil
,
Telugu
,
Malayalam
,
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Kannada