লেবর অমসুং ইমপ্লোয়মেন্তকী রাজ্য মন্ত্রী, শ্রী সন্তোশ কুমার গাংৱরনা লেবর ব্যুরোগী চহি ১০০ শুবগী হরাওবা ফোংদোকপগী থৌরমগী মনুংদা লেবর ব্যুরোগী অখন্নবা স্তাম্প অমা ঙসি ফোঙখ্রে। পোস্তকী দাইরেক্তর জেনেরেল, শ্রী বিনীৎ পান্দেসু থৌরম অদুদা শরউক য়াখি।

প্রধান মন্ত্রী শ্রী নরেন্দ্র মোদীনা থৌরম অসিদা লেবর ব্যুরোদা অখন্নবা ৱারোল অমসু পীখি। মহাক্কী ৱারোল অদুদা, প্রধান মন্ত্রীনা ব্যুরো অসিনা মখোয়গী চহি ১০০ শুবা অসিদা অখন্নবা স্তাম্প অমা ফোঙবগী থাগৎপগা লোয়ননা হৌখিবা চহি ১০০ অসিদগী ব্যুরো অসিনা শিন্মী, খুৎশুমন অমসুং থবক পীবগী স্তেতিস্তিক্স অসি য়াম্না পুকচেল শেংনা অমসুং খোঙফম চেৎনা পাংথোক্তুনা লাকলি হায়দুনা হীরম অসিদা মিৎয়েং চঙখি। ৱারোল অসিনা সরকার অসিনা “শ্রমেভ জয়তে”গী মন্ত্রাগী ইথিলগা লোয়ননা শিন্মীশিংগী য়াইফ-য়ুম্বালগীদমক্তা লেপ্তবা অমসুং অপুনবা খোঙথাং কয়া পায়খত্তুনা লাক্লি হায়না পনখি। প্রধান মন্ত্রীনা পুৱারী ওইরবা লেবর কোদ অহুম অসিনা থবক কনবা শিন্মীশিংগী অপাম্ববু ঙাক-শেনবতা নত্তনা পোত্থোক পুথোকপগী চাংসু অৱাংবা থাক্তা হেনগৎহনবগী য়ূম্ফম ওইরগনি হায়খি। প্রধান মন্ত্রীনা লেবর অমসুং লেবররগী মতাংদা থাজবা য়াবা স্তেতিস্তিক্স ফংবা অসি মতিক চাবা পোলিসী শেম্বা অমসুং শিন্মীশিংগী য়াইফ-য়ুম্বালগী থৌরাং য়াৎপদসু য়াম্না মরু ওই হায়খি। দেতা অমসুং মসিবু তোঙান-তোঙানবা লমশিংদা শিজিন্নবা হেনগৎলক্লিবা অসিগী কান্নবা অসি য়েংলদুনা ব্যুরো অসিগী দেতা পুথোকপা ঙম্বগী চৎনবী অসি লেবর অমসুং ইমপ্লোয়মেন্তকী মতাংদা অফবা পোলিসী শেম্বা ঙম্নবা মপুং ফানা কেপিতলাইজ তৌবগী তঙাই ফদবা লৈ। ব্যুরো অসিনা দেতা খোমজিনবা, য়েংশিনবা অমসুং য়েন্থোকপগী হীরমদা খ্বাইদগী অনৌবা তেক্নোলোজী শিজিন্নদুনা মখোয়গী থবক তৌবগী মওংবু হেন্না ফগৎহন্নবা লেপ্তনা হোৎনগনি হায়বগী থাজবা লৈ হায়না মহাক্না ফোংদোকখি। প্রধান মন্ত্রীনা ব্যুরো অসিনা তুংদা পাংথোক্কদবা থবক-থৌরম কয়াদসু মাই-পাকপা ওইয়ু হায়না য়াইফ-পাউজেল পীখি।

লেবর অমসুং ইমপ্লোয়মেন্তকী রাজ্য মন্ত্রী শ্রী গংৱরনা শরুক য়ারিবা মীওইশিংদা ৱা ঙাংবদা ব্যুরো অসিগী মমল অমসুং শিন্মীগা মরী লৈনবা স্তেতিস্তিক্স পুথোকপগী মখোয়গী থবক অসিগী মথক্তা ব্যুরো অসিনা অপিবা মতমগী মনুংদা সরকারনা মখোয়দা সর্ভে অমসুং নৈনবগী থবক কয়া পাংথোক্নবা শিন্নরকপশিংবু মাই-পাক্না লোইশিনবা ঙম্বগীসু থাগৎ ৱাহৈ কয়া অমা ফংখি হায়খি। থবক তৌবগী দেতা অসি ঐখোয়গী লৈবাক অসিদা চহি ৫গী মনুংদা অমুক্লক্তং ফংলম্বা অদুদগী হেন্দোক্লক্তুনা ব্যুরো অসিনা মখোয়গী চহিগী ওইবা ভারত পুম্বগী ইমুং মনুংগী থবক তৌবা অমসুং তৌদবগী সর্ভেগী খুত্থাংদগী লৈবাক অসিদা চহিগী ওইবা পনখ্রিবা অসিগা মরী লৈনবা দেতা পীবা ঙম্বা সরকারগী লুপ অমা ওইবা ঙমখ্রে। ব্যুরো অসিনা ইন্তর্প্রাইসশিংগী ক্বার্তরলী ইমপ্লোয়মেন্ত সর্ভে (ক্যু.ই.এস.)গী মখাল অমা খ্বাইদগী ইহান হানবা ওইনা পাংথোকখ্রে অমসুং মসি অথুবা মতমদা অনৌবা মওং অমদা অমুক্কা হন্না ফোংলগনি। ব্যুরো অসিদা প্রধান মন্ত্রী মুদ্রা য়োজনাগী মখাদা মীওই কয়া য়াম্না থবক পীখিবগে হায়বা খঙনবা থবকসু শিন্নরকখি অমসুং মসিবু মখোয়না অপিবা মতমগী মনুংদা লোইশিনবা ঙমখি।

“ব্যুরো অসিদা মাইগ্রেন্ত শিনমী, য়ুমগী থবক তৌবশিং, প্রোফেস্নেলশিং অমসুং ত্রান্সপোর্ত সেক্তরনা পীবা থবকশিংগী মতাংদা ভারত পুম্বগী সর্ভে তৌবগী থবক অমসু শিন্নরক্লে অমসুং মসিগী থবক অসি ইং ২০২১গী মেগী অঙনবদা হৌরগনি অমসুং মসিগী দেতা অসি ওক্তোবর ২০২১ ফাওবগী মনুংদা ফংহনগনি”, হায়না শ্রী গংৱরনা মন্ত্রালয় অমসুং লেবর ব্যুরোগী সেনিয়র ওফিসর অমসুং স্তাফশিংদা ৱা ঙাংবদা হায়খি। মন্ত্রালয় অসিনা মিৎয়েং চঙলিবা অসি ওর্গনাইজ অমসুং অন-ওর্গনাইজ সেক্তরগী শিনমীশিংদা মান্নবা হক ফংহনবদনি হায়না পল্লদুনা মহাক্না হায়খি, “ ‘হোৎনবা কনববু ইকায় খুম্নবা, হকসু পুম্নমক্কা মান্নবা’ অসিনা সরকারনা ওর্গনাইজ অমসুং অন-ওর্গনাইজ সেক্তরগী শিন্মীশিংদা মান্নবা হক ফংহনবদা মিৎয়েং চঙলিবা অসি তাক্লি”। অদুম ওইনমক, মসিগী শিন্মীশিং অসিগী খুদমদা য়ুম্ফম ওইবা পোলিসী শেম্বগী ওইনদি, ওর্গনাইজ অমসুং অন-ওর্গনাইজ সেক্তর ইন্তর্প্রাইস্কী থবক তৌবগী “অশেঙবা দেতা” অসি য়াম্না তঙাই ফদবা অমনি। ব্যুরো অসিনা মসিগী দেতাগী তঙাই ফদবশিং অসি মেনখৎনবগীদমক্তা “ইন্তর্প্রাইস্তা থবক তৌবগী ভারত পুম্বগী ক্বার্তরলী সর্ভে” অমা অথুবা মতমদা হৌরগনি হায়না মন্ত্রীনা হায়খি।

মন্ত্রীনা ব্যুরো অসিগী শিন্মী, খুৎশুমন অমসুং থবক তৌবগী স্তেতিস্তিক্স পীবগী চহি ১০০ শুরবা চৎনবী অসিবু য়োকখৎপা অমসুং মপাঙ্গল হেনগৎহন্নবা হোৎনবদা মিৎয়েং চঙবা অসিনা লৈবাক অসিগী অতোপ্পা দেতাগী লুপশিংদগী হেন্না ফদুনা তোঙান্না তাবা ঙমহনগনি হায়খি। মখোয়গী থবক তৌবদা ইনফোর্মেসন তেক্নোলোজী য়াম্না শিজিন্নবগী মতাংদা পল্লদুনা, মন্ত্রীনা হায়খি, “ব্যুরো অসিনা লাক্কদৌরিবা মতমশিং অসিদা ইনফোর্মেসন তেক্নোলোজী শিজিন্নদুনা লেবর অমসুং ইমপ্লোয়মেন্তকী মতাংদা অপাম্বা লৈরিবা কয়া অসি নীংথিজনা পীবা ঙমগনি হায়বগী ঐহাক্না থাজবা থম্মি”।

লেবর অমসুং ইমপ্লোয়মেন্তকী সেক্রেতরী, শ্রী অপুর্বা চন্দ্রনা থৌরম অসিদা শরুক য়ারিবা মীয়ামদা ৱা ঙাংবদা ইং ১৯৪০দা শিন্মীশিংগী কোস্ত ওফ লিভিং ইন্দেক্স নম্বর অমসুং এদমিনিস্ত্রেতিব স্তেতিস্তিক্স খোমজিনবদগী হৌদুনা, চহি কয়া অসিদা ব্যুরো অসিনা থবক লম কয়া অমা য়াম্না চাউনা হেনগৎলক্লি অমসুং হৌজিক্তি লেবরগা মরী লৈনবা হীরম খুদিংগী দেতা খোমজিনবগী থবকশিংসু য়াওরে হায়খি। “মশামকসু খ্বাইদগী লিবা ওইরিবা অমসুং শিন্মীশিংগী অপাম্বশিংবু ঙাক-শেন্দুনা থম্বদা পান্দম থম্লিবা ঐখোয়গী মন্ত্রালয় অসিনা ব্যুরো অসিগী থবকশিংনা য়াম্না তেংবাংখি অমসুং মসিনা খুদমদা য়ুম্ফম ওইবা পোলিসী শেম্বগী মমল নাইদ্রবা দেতা কয়া পীবিখি”, হায়না মহাক্না মখা তাখি। ব্যুরো অসিনা লেবর লোগী মখাদা স্তেতিস্তিক্স খোমজিনবগী মশক থোক্লবা লৌশিং লৈরিবা অসিদা মীয়ামগী পুক্নিং চীংশিল্লদুনা মহাক্না লেবর ব্যুরো অসিবু লেবর কোদ মরি অসিগী মখাদা স্তেতিস্তিক্স খোমজিনবগী নোদেল এজেন্সী ওইহন্নবা হৌদোকপগী ৱাফমসু লৈরে হায়না ফোংদোকখি।

লেবর ব্যুরোগী দাইরেক্তর জেনেরেল, দি.পি.এস. নেগীনা মহাক্কী ৱা ঙাংবগী অহৌবদা ব্যুরো অসিনা পুথোকপা লেবর স্তেতিস্তিক্সকী চান্নবশিংগী মতাংদা মিৎয়েং চঙলদুনা হায়খি, “লেবর ব্যুরো অসিনা চহি কয়া অসিগী মনুংদা মতাং চান্নবা লেব্র স্তেতিস্তিক্স কয়া লেপ্তনা পীদুনা লাক্লি। মখোয়না খোমখ্রিবা দেতাশিংগী মখল অসি অসি শিন্মীশিংনা পোত্থোক অমসুং সেবা কয়া শিজিন্নবদা মমল হেনগৎপা য়েংশিন্নবা প্রাইস ইন্দাইস খোম্বা,  মখোয়গী সোসিও-ইকোনোমিক্কী ফিভম, ইন্দস্ত্রীএল লেবর, খুৎশুমন, ইমপ্লোয়মেন্তকী স্তেতিস্তিক্সতগী হৌদুনা লেবর লোবু থবক ওইনা পাংথোকপগা মরী লৈনবা দেতাশিং খোম্বা ফাওবনি। মহাক্না মখা তানা হায়খিবদা, মাইগ্রেন্ত শিন্মী, দোমেস্তিক লেবর, প্রোফেস্নেলশিং অমসুং ত্রান্সপোর্ত সেক্তরশিংনা পীবা থবকশিং মতাংদা ভারত শিনবা থুংবগী ওইনা পাংথোক্কদবা সর্ভে মরি অসি হৌবগা মরী লৈনবা থবকশিং অসি হৌজিক কন্না চত্থরি হায়খি। “ব্যুরো অসিনা লেবর কোদ মরি অসিগী মতাংদা স্তেতিস্তিক্সকী রীতর্ন পীবা ঙম্নবা নোদেল এজেন্সী উমা ওইনা থবক তৌবগী থৌদাং অসি পাংথোক্নবা শেম শারি। ঐখোয়গী লেবর লোগী মতাংদা লৈবা রীতর্নশিং অসি খোমজিনবা ঙম্বগী মশক থোক্লবা লৌশিং অসি য়েংলুরগদি, ঐখোয়না মসিগী থবকশিং অসি নীংথিজনা পাংথোকপা ঙমগনি হায়বগী মপুং ফানা থাজবা লৈ”, হায়না লেবর ব্যুরোবু নোদেল এজেন্সী ওইনবা হৌদোরকপা অসিগী মতাংদা হায়খি। মন্ত্রালয়না অয়াবা পীখ্রবা “ইন্তর্প্রাইস্তা থবক তৌবগী ভারত পুম্বগী ক্বার্তরগী সর্ভে” অসিগী মরু ওইবা অসিগী মতাংদা মহাক্না সর্ভে অসিনা ওর্গনাইজ অমসুং অন-ওর্গনাইজ সেক্তর অনিমক্কী ইমপ্লোয়মেন্ত মশিংগী পাক শনবা দেতা পীগনি হায়না হায়খি।

******