হকশেল অমসুং য়াইফ-য়ুম্বাল মন্ত্রালয়

ইন্দিয়ন সার্স-কোব-২ জিনোমিক্স কন্সোর্তিয়ম (আই.এন.এস.এ.সি.ও.জি.) লেবশিংনা সার্স-কোব-২গী ম্যুতেন্ত বেরিএন্তকী জিনোম সিক্বেন্সিংগী অহানবগী রিজল্তশিং থাদোরকখ্রে

Posted On: 29 DEC 2020 9:33AM by PIB Imphal

ভারত সরকারনা য়ু.কে.দগী রিপোর্ত তৌরকখিবা সার্স-কোব-২গী ম্যুতেন্ত বেরিএন্তকী রিপোর্তশিং অসি হকচিন্না লৌখি অমদি ম্যুতেন্ত বেরিএন্তশিং অসি খঙদোক্নবা অমসুং লাকশিন্নবা প্রো-এক্তিব ওইবা অমসুং ঙাকথোক্নবা লালোং পাইখৎখি।

মখাদা পীরিবা খোঙথাংশিং অসি লালোং অসিদা য়াওখি অদুবু মসি খক্তনা লোইবদি নত্তে:-

  1. য়ু.কে.দগী থুংলবা ফ্লাইৎ পুম্নমক দিসেম্বর ২৩গী অহিং নোংয়াইদগী দিসেম্বা ৩১, ২০২০ ফাওবা মতম খরগী ওইনা অথিংবা থমখি।
  2. আর.তি.-পি.সি.আর. তেস্তকী খুত্থাংদা য়ু.কে.দগী থুংলখিবা এয়র পেসেঞ্জর পুম্নমক শুকশোই-শোইদনা তেস্ত তৌবা। য়ু.কে.দগী থুংলখিবা আর.তি.-পি.সি.আর.দা পোজিতিব ওইবা পুম্নমক্কী সেম্পলশিং অসি সরকারগী লেব ১০গী কন্সোর্তিয়ম অমনা মদুদি আই.এন.এস.এ.সি.ও.জি.না জিনোম সিক্বেন্স তৌগনি।
  3. দিসেম্বর ২৬, ২০২০দা কোবিদ-১৯গী নেস্নেল তাস্ক ফোর্সকী (এন.তি.এফ.)কী মীফম অদুনা তেস্ত তৌবা লায়েং চত্থবা, সর্ভিলেন্স চত্থবা অমসুং কন্তেনমেন্তগী লালোং খন্নখি অমদি রিকম্মেন্দ তৌখি।
  4. দিসেম্বে ২২, ২০২০দা থোকখিবা রাজ্যশিং/য়ু.তি.শিংগী সার্স-কোব-২গী ম্যুতেন্ত বেরিএন্ত অসি লাকশিন্নবা স্তেনদর্দ ওপরেতিং প্রোতোকল থোকখি।

 

দিসেম্বর ২৬, ২০২০দা এন.তি.এফ. না সমস্যা পুম্নমক কুপ্না নৈনখি অমসুং এন.তি.এফ.না ম্যুতেন্ত বেরিএন্ত অসিগী য়েংলগা হৌজিক লৈরিবা নেস্নেল ত্রীৎমেন্ত প্রোতোকল নত্ত্রগা হৌজিক লৈরিবা তেস্তিং প্রোতোকলশিং শেমদোকপা মথৌ তাদে হায়না ৱারেপ লৌখি। এন.তি.এফ.না হৌজিক লৈরিবা সর্ভিলেন্স চত্থবগী লালোং অসিগী মথক্তা জিনোমিক সর্ভিলেন্স তৌবা মরু ওই হায়নসু ফোঙদোকখি।

নোবেম্বর ২৫দগী দিসেম্বর ২৩, ২০২০গী অহিং নোংয়াই ফাওবা য়ু.কে.দগী ভারতকী তোঙান তোঙানবা এয়রপোর্তশিংদা পেসেঞ্জর ৩৩,০০০ থুংখি। পেসেঞ্জর পুম্নমক অসি ত্রেক তৌরি অমদি রাজ্যশিং/য়ু.তি.শিংদা আর.তি.-পি.সি.আর. তেস্তশিং তৌহনখি। হৌজিক ফাওবদা ১১৪ খক্তা পোজিতিব ওইবা থেংনখি। পোজিতিব ওইবা সেম্পলশিং অসি আই.এন.এস.এ.সি.ও.জি. লেব ১০দা  (এন.আই.বি.এম.জি., কোলকতা, আই.এল.এস. ভুবনেস্বার, এন.আই.ভি., পুনে, সি.সি.এস., পুনে, সি.সি.এম.বি. হাইদ্রাবাদ, সি.দি.এফ.দি., হাইদ্রাবাদ, ইনস্তেম বেঙ্গলুরু, নিমহান্স, বেঙ্গলুরু, আই.জি.আই.বি. দিল্লী, এন.সি.দি.সি., দিল্লী) জিনোম সিক্বেন্সিং তৌনবগীদমক্তা থাখি।

য়ু.কে.দগী থুংলখিবা মীওই ৬কী অপুনবা সেম্পল ৬তা য়ু.কে.গী অনৌবা বেরিএন্ত জিনোমনা পোজিতিব ওইবা থেংনখি। নিমহান্স, বেঙ্গলুরুদা ৩, সি.সি.এম.বি., হাইদ্রাবাদতা ২ অমসুং এন.আই.ভি, পুনেদা ১ থেংনখি।

মীওইশিং অসি মশা-মশাগী রাজ্য সরকারশিংনা মরী লৈনবা হেল্থ কিয়র ফেসিলিতীশিংদা তোখাইবা কাদা আইসোলেসন তৌদুনা থমখি। মখোয়না নক্নরুবা কন‌্তেক্তশিং ক্বারেন্তিন তৌদুনা থমখি। মখোয়গা পুন্না লাকমিন্নখিবা, ইমুং মনুংগী কন্তেক্তশিং অমসুং অতোপ্পাশিং কুপ্না কন্তেক্ত ত্রেসিং তৌবা হৌখ্রে। অতোপ্পা স্পেসিমেনশিংদসু জিনোম সিক্বেন্সিং তৌরি।

ফীভম অসি কুপ্না য়েংশিল্লি অমদি সর্ভিলেন্স চত্থবা, কেন্তেনমেন্ত তৌবা, তেস্ত তৌবা অমসুং আই.এন.এস.এ.সি.ও.জি. লেবশিংদা সেম্পলশিংগী চেকশিনবা হেনগৎনবা রাজ্যশিংদা চাং নাইনা পাউতাক পীরি।

খঙজিনবদা কান্নগদবা ৱাফম অমনা য়ু.কে.গী অনৌবা বেরিএন্ত অসি দেনমার্ক, নীদর্লেন্দস, অস্ত্রেলিয়া, ইতালী, স্বিদেন, ফ্রান্দ, স্পেন, স্বিৎজর্লেন্দ, জর্মনী, কনাদা, জপান, লেবানন অমসুং সিঙ্গাপুরদা হান্ননা রিপোর্ত তৌরকখিবা লৈখ্রে।

 

****

 



(Release ID: 1684352) Visitor Counter : 227