ବ୍ରିଟେନରେ ଦେଖାଦେଇଥିବା ସାର୍ସ କୋଭ-2 ଭାଇରସର ନୂଆ ପ୍ରକାରଭେଦକୁ ଭାରତ ସରକାର ଗୁରୁତ୍ଵର ସହ ନେଇଛନ୍ତି ଏବଂ ଦେଶରେ ଏହାର ଚିହ୍ନଟ ଓ ପ୍ରତିଷେଧକ ବ୍ୟବସ୍ଥା ପାଇଁ ସକ୍ରିୟ ପଦକ୍ଷେପ ନେଉଛନ୍ତି ।  

ଏହାକୁ ପ୍ରତିହତ କରିବା ପାଇଁ ସରକାର ନିମ୍ନଲିଖିତ ପଦକ୍ଷେପ ନେଇଛନ୍ତି:

1. ବ୍ରିଟେନରୁ ଆସୁଥିବା ସମସ୍ତ ବିମାନ ଚଳଚଳକୁ ଡିସେମ୍ବର 23, ମଧ୍ୟରାତ୍ରରୁ ଡିସେମ୍ବର 31 ପର୍ଯ୍ୟନ୍ତ ସାମୟିକ ଭାବେ ବନ୍ଦ କରାଯାଇଛି ।
2. ବ୍ରିଟେନରୁ ଫେରିଥିବା ସମସ୍ତ ଯାତ୍ରୀଙ୍କର ବାଧ୍ୟତାମୂଳକ ଆରଟି-ପିସିଆର ପରୀକ୍ଷା କରାଯାଉଛି । ଯେଉଁ ଲୋକମାନଙ୍କ ରିପୋର୍ଟ ପଜିଟିଭ ଆସିଛି, ସେହି ନମୁନାର ଆଇଏନଏସଏସିଓଜି) ଲ୍ୟାବ ଦ୍ଵାରା
   ଜିନୋମ ସିକୁଏନସିଂ କରାଯାଉଛି ।
3. ପରୀକ୍ଷଣ, ନିରୀକ୍ଷଣ ଓ ଚିକତ୍ସା ରଣନୀତି ନିର୍ଦ୍ଧାରିତ କରିବା ପାଇଁ ଡିସେମ୍ବର 26, 2020 ରେ କୋଭିଡ-19 ସଂକ୍ରାନ୍ତ ଜାତୀୟ ଟାସ୍କ ଫୋର୍ସର  ବୈଠକ ଅନୁଷ୍ଠିତ ହୋଇଛି ।
4. ସାର୍ସ କୋଭ-2 ଭାଇରସର ନୂଆ ପ୍ରକାରଭେଦକୁ ନିୟନ୍ତ୍ରଣ କରିବା ପାଇଁ କେନ୍ଦ୍ର ସରକାର ଡିସେମ୍ବର 22, 2020 ରେ ସମସ୍ତ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳ ମାନଙ୍କୁ ମାନକ ସଂଚାଳନ ପଦ୍ଧତି ପ୍ରଦାନ କରିଛନ୍ତି ।

ଜାତୀୟ ଟାସ୍କ ଫୋର୍ସ ଏହି ବିଷୟକୁ ଗୁରୁତର ସହ ସମୀକ୍ଷା କରିଛନ୍ତି । ବର୍ତ୍ତମାନ ପ୍ରଚଳିତ ନିରୀକ୍ଷଣ ପଦ୍ଧତି ସହିତ ଦୃଢ ଜିନୋମିକ ନିରୀକ୍ଷଣ ରଣନୀତି ଆପଣେଇବା ପାଇଁ ଟାସ୍କ ଫୋର୍ସ ପରାମର୍ଶ ଦେଇଛନ୍ତି ।

ନଭେମ୍ବର 25, 2020 ରୁ ଡିସେମ୍ବର 23, 2020 ମଧ୍ୟରାତ୍ରି ସୁଦ୍ଧା 33,000 ଯାତ୍ରୀ ବ୍ରିଟେନରୁ ଭାରତର ବିଭିନ୍ନ ବିମାନବନ୍ଦରରେ ପହଞ୍ଚିଛନ୍ତି । ଏହି ସମସ୍ତ ଯାତ୍ରୀମାନଙ୍କୁ ଟ୍ରାକିଂ କରାଯାଉଛି ଏବଂ ରାଜ୍ୟ ଓ କେନ୍ଦ୍ରଶାସିତ ସରକାରମାନଙ୍କ ଦ୍ଵାରା ଆରଟିପିସିଆର ଟେଷ୍ଟ କରାଯାଉଛି ।  ବର୍ତ୍ତମାନ ସୁଦ୍ଧା ମାତ୍ର 114 ଜଣ ପଜିଟିଭ ବାହାରିଛନ୍ତି ।  

ପଜିଟିଭ ନମୁନା ଗୁଡ଼ିକୁ  ଦେଶର 10 ଟି  ଆଇଏନଏସଏସିଓଜି ଲ୍ୟାବକୁ ଜିନୋମ ସିକୁଏନସିଂ ପାଇଁ ପଠାଯାଇଛି । ଏହି ଲ୍ୟାବଗୁଡିକ ହେଉଛି ଏନଆଇବିଏମଜି କୋଲକାତା, ଆଇଏଲଏସ ଭୁବନେଶ୍ଵର, ଏନଆଇଭି ପୁନେ, ସିସିଏସ ପୁନେ, ସିସିଏମବି ହାଇଦ୍ରାବାଦ, ସିଡିଏଫଡି ହାଇଦ୍ରାବାଦ, ଇନଷ୍ଟେମ ବେଙ୍ଗାଲୁରୁ, ଏନଆଇଏମଏଚଏଏନଏସ ବେଙ୍ଗାଲୁରୁ, ଆଇଜିଆଇବି ଦିଲ୍ଲୀ ଓ ଏନସିଡିସି ଦିଲ୍ଲୀ ।

ମୋଟ 6 ଜଣ ବ୍ରିଟେନ ଫେରାନ୍ତଙ୍କ ଠାରେ ନୂଆ ୟୁକେ ଜିନୋମ ଚିହ୍ନଟ ହୋଇଛି । ଏହି 6 ଜଣଙ୍କୁ ରାଜ୍ୟ ସରକାର ମାନଙ୍କ ଦ୍ଵାରା ସଙ୍ଗରୋଧରେ ରଖାଯାଇ ସ୍ଵତନ୍ତ୍ର ଚିକିତ୍ସା ପ୍ରଦାନ କରାଯାଉଛି । ସେମାନଙ୍କର ସମ୍ପର୍କୀୟଙ୍କୁ ମଧ୍ୟ ସଙ୍ଗରୋଧରେ ରଖାଯାଇଛି । କଣ୍ଟ୍ରାକ୍ଟ ଟ୍ରେସିଙ୍ଗ ଚାଲୁ ରହିଛି ।

କେନ୍ଦ୍ର ସରକାର ଏହି ବ୍ୟକ୍ତିମାନଙ୍କ ଉପରେ କଡା ନଜର ରଖିଛନ୍ତି ଏବଂ ରାଜ୍ୟ ସରକାର ମାନଙ୍କୁ ନିୟମିତ ପରାମର୍ଶ ପ୍ରଦାନ କରୁଛନ୍ତି । ବର୍ତ୍ତମାନ ସୁଦ୍ଧା ଏହି ଭୂତାଣୁର ନୂଆ ବ୍ରିଟେନ ପ୍ରକାର ଭେଦ ଡେନମାର୍କ, ନେଦରଲାଣ୍ଡ, ଅଷ୍ଟ୍ରେଲିଆ, ଇଟାଲୀ, ସ୍ଵିଡେନ, ଫ୍ରାନ୍ସ, ସ୍ପେନ, ଜର୍ମାନୀ , ସ୍ଵିଜରଲାଣ୍ଡ, କାନାଡା, ଜାପାନ, ଲେବାନନ ଏବଂ ସିଙ୍ଗାପୁର ଆଦି ଦେଶରେ ରିପୋର୍ଟ ହୋଇସାରିଛି ।  

****

MV/TRP