প্ৰধানমন্ত্ৰীৰ কাৰ্যালয়

২৮ ডিচেম্বৰত ১০০সংখ্যক কিষান ৰে’লৰ ফ্লেগ অফ কৰিব প্ৰধানমন্ত্ৰীয়ে

प्रविष्टि तिथि: 26 DEC 2020 7:36PM by PIB Guwahati

প্রধানমন্ত্রী শ্রী নৰেন্দ্র মোদীয়ে ভিডিঅ’ কনফাৰেন্সিংযোগে অহা ২৮ ডিচেম্বৰত ১০০সংখ্যক কিষান ৰে’লৰ যাত্রা শুভাৰম্ভ কৰিব। সেই দিনা বিয়লি ৪.৩০ বজাত প্রধানমন্ত্রীয়ে পতাকা জোকাৰি এই সেৱাৰ শুভাৰম্ভ কৰিব। অনুষ্ঠানত কেন্দ্রীয় কৃষি মন্ত্রী শ্রী নৰেন্দ্র সিং টোমৰ আৰু ৰে’ল মন্ত্ৰী শ্রী পীযূষ গোৱেল উপস্থিত থাকিব৷

মহাৰাষ্ট্রৰ ছাংলাৰ পৰা পশ্চিমবংগৰ শালিমাৰ সংযোগী এই ৰে’লত বিভিন্ন সামগ্ৰীৰ থাকিব৷ ইয়াৰে ভিতৰত ফুলকবি, কেপছিকাম, বন্ধাকবি, কেঁচা জলকীয়া, ছজিনা, পিয়াঁজৰ দৰে পাচলিৰ লগতে আঙুৰ, কমলা, ডালিম, কল, আপেলৰ দৰে ফলো থাকিব৷ যাত্রাপথত বিভিন্ন ষ্টেচনত পচনশীল সামগ্ৰীৰ উঠোৱা-নমোৱাৰ ক্ষেত্রত কোনো নিষেধাজ্ঞা নাথাকিব৷ ভাৰত চৰকাৰে ফলমূল আৰু শাক-পাচলি পৰিবহনৰ ক্ষেত্রত ৰাহসাহায্যৰ পৰিমাণ ৫০ শতাংশ বৃদ্ধি কৰিছে।

কিষাণ ৰে’ল বিষয়ে

ভাৰতত প্রথম কিষাণ ৰে’ল সেৱাৰ চলিত বৰ্ষৰ ৭ আগত দেভলালিৰ পৰা দানাপুৰলৈকে শুভাৰম্ভ হৈছিল৷ পাছত সেই সেৱা মোজাফফৰপুৰলৈকে সম্প্রসাৰিত কৰা হয়। এই সেৱা আৰম্ভ হোৱাৰ ফলত কৃষকসকলৰ পৰা ভাল সঁহাৰি পোৱা গৈছে৷ যাৰ বাবে এই সেৱা সপ্তাহত এদিনৰ পৰিৱর্তে তিনিদিনলৈ বৃদ্ধি কৰা হয়।

কিষান ৰে’লে দেশজুৰি কৃষি সামগ্ৰীৰ দ্ৰুতি পৰিবহন নিশ্চিত কৰাত অগ্রণী ভূমিকা পালন কৰিছে। ইয়াৰ সমান্তৰালভাৱে পচনশীল সামগ্ৰী সৰবৰাহৰ ক্ষেত্রতো ফলপ্ৰসূ হৈছে।

***

DS/AKJ/DB


(रिलीज़ आईडी: 1684072) आगंतुक पटल : 213
इस विज्ञप्ति को इन भाषाओं में पढ़ें: English , Urdu , Marathi , हिन्दी , Bengali , Manipuri , Punjabi , Gujarati , Odia , Tamil , Telugu , Kannada , Malayalam