প্রধানমন্ত্রীগী লোইশঙ
পি.এম.না দিসেম্বর ২৮দা ১০০শুবা কিসান রেল লমথাগনি
Posted On:
26 DEC 2020 7:36PM by PIB Imphal
প্রধান মন্ত্রী নরেন্দ্র মোদীনা ভিদিও কনফরেন্সকী খুৎথাংদা দিসেম্বর ২৮, ২০২০গী নুংথিল পুং ৪:৩০ তাবা মতমদা মহারাস্ত্রগী সঙ্গোলাদগী নোংচুপ বেঙ্গলগী শলিমার ফাওবগী মরক্তা ১০০শুবা কিসান রেল লমথাগনি। থৌরম অদুদা কেন্দ্র মন্ত্রী শ্রী নরেন্দ্র সিংহ তোমর অমসুং পিয়ুশ গোয়লসু শরুক য়াগনি।
ত্রেন অসিনা কোবী থমচেৎ মানবী, কেপ্সিকম, কোবী ফুন, দ্রমস্তিক, মোরোক, তিল্হৌ অসিনচিংবগা লোইননা উহৈ – অঙ্গুর, কোমলা, কফোই, লফোই, শেম অসিনচিংবা হোনগনি। রেলগারী অসিনা লেপলুবা মফম খুদিংদা পোৎ থাবা নত্ত্রগা মফম অদুদগী পোৎ হাপ্পগী অয়াবা পীগনি। পোৎ পুবগী চাংগী অকক্নবা লৈরোই। ভারত সরকারনা উহৈ অমসুং মনা-মশিং পুবগী ভারাদা ৫০%গী সবসিদী পীরি।
কিসান ত্রেনগী মরমদা
অহানবা কিসান রেল অদু দেবলালীদগী দানাপুরগী মরক্তা ওগস্ত ৭, ২০২০দা হৌদোকখি। মদু কোন্না মুজফপরপুর ফাওবা শাংদোকখি। লৌমীশিংগী মায়কৈদগী ফংলকখিবা অফবা পাউখুমশিং অদুনা মরম ওইদুনা মসিগী চয়োলগী ওইনা লৈরম্বা খোংচৎ অদু নুমিৎ হুমনিগী ওন্থোকখি।
কিসান রেল অসি লৌউ-শিংউগী পোৎথোকশিংবু তোঙান তোঙানবা মফমশিংদা য়ৌহন্নবা হোৎনবদা গেম চেঞ্জর অমা ওইরে। মসিনা থুনা পৎথ-পুমথগদবা পোৎথোকশিংগী মপান নাইদবা সপ্লাই চেন অমা ফংহল্লে।
*****
(Release ID: 1683970)
Visitor Counter : 128
Read this release in:
Assamese
,
English
,
Urdu
,
Marathi
,
Hindi
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam