ঙসি ঙাকশেলগী সেক্রেতরী দা. অজে কুমারনা দি.জি.এন.সি.সি. দিজিতেল ফোরম লোঞ্চ তৌখ্রে। দি.জি.এন.সি.সি.গী ৱেবসাইৎতা হোস্ত তৌবা দিজিতেল ফোরম অসিনা লৈবাক শিনবা থুংনা লৈরিবা নেস্নেল কেদেৎ কোর্পস কেদেৎশিংনা তোঙান তোঙানবা এন.সি.সি.গী থবক-থৌরমশিংগী অৱা-নুংঙাইশিং ফোঙদোক্নবা প্লেৎফোর্ম অমা ফংহনগনি।

থৌরম অসিদা ৱা ঙাংলদুনা ঙাকশেলগী সেক্রেতরীনা হায় ফোরম অসিনা এন.সি.সি. কেদেৎশিংনা এন.সি.সি. ত্রেনিং, সোসিএল সর্ভিস অমসুং কম্ম্যুনিতী দিবেলপমেন্ত অমসুং শান্ন-খোৎনবা অমসুং এদভেঞ্চরগী থবক থৌরমশিংগী ওইবা মখোয়গী অৱা-নুংঙাইশিং, ৱাখল্লোনশিং অমসুং অপাম্বশিং ফোঙদোকপদা অমসুং লৈবাক্কী ঙাকশেল, লৈবাক্কী অপুনবগী শক্তম অমসুং লৈবাক শেমগৎপগা মরী লৈনবা অতোপ্পা সমস্যাশিং কোকহনবদা মতেং পাংলগনি।

এক্সর্সাইস য়োগদান মনুংদা লাইচৎ অসিগী মায়োক্তা এন.সি.সি. কেদেৎ লাখ অমা হেনবনা মাংজিল থারিবা কোরোনা ৱারিয়রশিং ওইনা তোঙান তোঙানবা থবকশিং পাইখৎপদা শরুক য়াখিবা অসিগীসু দা. অজে কুমারনা থাগৎখি। মহাক্না মখা তারদুনা হায়খি এন.সি.সি.না কেদেৎশিংদা সেল্ফ-দিসসিপ্লিন, অপুনবগী ৱাখল্লোনশিং, কমারদরী অমসুং ওইজবা থীদনা সর্ভিস তৌবা অসি তাকপীদুনা কেদেৎশিংনা পুন্সিগী লম পুম্নমক্তা মাই পাক্না ইনোৎ হাপ্পীরি।

এন.সি.সি. দিজিতেল ফোরম অসি প্রধান মন্ত্রী শ্রী নরেন্দ্রমোদীগী দিজিতেল ইন্দিয়াগী মঙলানগা ইরোইননা এন.সি.সি. দিজিতাইজেসন তৌনবা অফবা খোঙথাং অমনি অমসুং মসিনা এন.সি.সি. কেদেৎশিংনা অতোপ্পা কেদেৎশিং অমসুং প্রজা মীয়ামদা মখোয়গী অৱা-নুংঙাইশিং অমসুং অপাম্বশিং ফোঙদোক্নবা অমসুং খঙহন্নবা দিজিতেল প্লেৎফোর্ম অমা ফংহনবদা মতেং ওইরগনি।

থৌরম অসিদা এন.সি.সি. দিরেক্তর জেনরেল লেফতিনেন্ত জেনরেল রাজীব চোপ্রা অমসুং ঐচ.ক্যু. দি.জি.এন.সি.সি.গী অতোপ্পা মকোক থোংবা সিবিল অমসুং মিলিতরী ওফিসিএলশিংসু শরুক য়াখি।

***********