ভারতকী এক্তিব কেসশিং হন্থরকপগী হৌজিক ওইরিবা মওং অসি মখা চত্থরক্লি। লৈবাক অসিগী এক্তিব কেসলোদ অসি ঙসি ২,৮৩,৮৪৯ ওইখি। অপুনবা পোজিতিব কেসশিংদা এক্তিব কেসশিংগী শরুক অসি ২.৮০%দা হন্থখ্রে।

হৌখিবা পুং ২৪দা অপুনবা এক্তিব কেসলোদতগী কেস ৫,৩৯১ পুন্না হন্থখিবগী রেজিস্তর তৌখি।

হৌখিবা থা অমগী ময়াদগী (নুমিৎ ২৭) নুংতিগী থেংনবা কেসশিংনা নুংতিগী ফগৎখিবশিংদগী মশীং হেনখি। হৌখিবা পুং ২৪দা লৈবাক অসিদা মীওই ২৪,৭১২ কোবিদ পোজিতিব ওইবা থেংনখি। হায়রিবা মতম অসিদা এক্তিব কেসলোদ হন্থহনদুনা ২৯,৭৯১ নৌনা ফগৎখিবগী রেজিস্তর তৌখি।

হৌখিবা নুমিৎ ১১নিদগী লেপ্তনা নুংতিগী থেংনবা অনৌবা কেস ৩০,০০০দগী তানা ভারত্তা রেকোর্দ তৌখি।

পুন্না ফগৎখিবশিং অসি লাখ ৯৭ (৯৬,৯৩,১৭৩)গী ময়া নকশিল্লক্লি। নাবা ফগৎখিবা চাং অসিসু ৯৫.৭৫%দা হেনগৎখি।

নৌনা ফগৎখিবা কেসশিংগী ৭৯.৫৬%দি রাজ্য/য়ু.তি. ১০দগী ওইবা উবা ফংখি।

কেস ৭,৬২০ নৌনা ফগৎখিবগা লোইননা মহারাস্ত্রনা নোংমা খক্তদা মশিং খ্বাইদগী য়াম্না ফগৎখিবগী রিপোর্ত তৌরকখি। হৌখিবা পুং ২৪দা কেরেলাদা মীওই ৪,৮০৮ ফগৎখি, ৱেস্ত বেঙ্গলদা ২,১৫৩ ফগৎতুনা মতুং ইনখি।

অনৌবা কেসশিংগী ৭৬.৪৮%দি রাজ্য/য়ু.তি. ১০দগী ওইখি।

নুংতিগী থেংনবা কেস ৬,১৬৯ ওইদুনা কেরেলানা খ্বাইদগী ৱাংনা রিপোর্ত তৌরকখি। অনৌবা কেস মথং শিৎনবা ৩,৯১৩ অমসুং ১,৬২৮কা লোইননা মহারাস্ত্র অমসুং ৱেস্ত বেঙ্গলনা মতুং ইনখি।

হৌখিবা পুং ২৪দা কেস ৩১২ শীখিবগী রিপোর্ত তৌরকখি।

নৌবা শীখিবগী ৭৯.৮১%দি রাজ্য/য়ু.তি. তরাদগী ওইখি। মহারাস্ত্রনা শীখিবা খ্বাইদগী য়ামখি (৯৩)। নুংতিগী শীবা মথং শিৎনা ৩৪ অমসুং ২২ থেংনবগা লোইননা ৱেস্ত বেঙ্গল অমসুং কেরেলানা মতুং ইনখি।

ভারতকী নুংতিগী শীখিবশিং অসি লেপ্তনা হন্থরক্লি। হৌখিবা নুমিৎ ১২নিদা নুংতিগী শীবা ৪০০দগী তানা রেজিস্তর তৌখি।

****