চহি অমদা ফিল্ম ৩০০০গী মথক্তা পুথোকপগা লোইননা লনাই সেক্তরনা লমজিংবা ইন্দস্ত্রী অমা ওইদুনা মালেমদা ভারতনা খ্বাইদগী চাউবা ফিল্ম পুথোকপা ওইরি। ফিল্ম সেক্তর শৌগৎনবা ৱাশকখিবা অদু থুংহন্নবা প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী-মন্দল মীফমনা মখোয়গী লৈরিবা ফিল্ম মীদিয়া য়ুনিৎ মরি মমিং ওইনা পল্লবদা ফিল্মস দিবিজন, দিরেক্তোরেৎ ওফ ফিল্ম ফেস্তিবেল্স, নেস্নেল ফিল্ম অর্কাইবস ওফ ইন্দিয়া অমসুং চিলদ্রেন’স ফিল্ম সোসাইতী, ইন্দিয়া অসি এন.এফ.দি.সি.গী  এসোসিএসনগী মেমোরেন্দম ওফ আর্তিকল্স চাউথোক্তুনা মখোয়বু নেস্নেল ফিল্ম দিবেলপমেন্ত কোর্পোরেসন (এন.এফ.দি.সি.) লিমিতেদতা পুশিন্নবা অয়াবা পীখ্রে, মখোয়না পাঙথোক্লম্বা থবক-থৌরম পুম্নমক মখা তারকপদি মসিনা পুরগনি। ফিল্ম মীদিয়া য়ুনিৎশিং কোর্পোরেসন অমগী মখাদা পুনশিনবনা মখল কয়াগী থবক-থৌরমশিং পাঙথোকপা অমসুং রিসোর্সশিং ফংবা ঙমহল্লগনি অমসুং হেন্না ফবা মওংদা থবক তৌমিন্নরগনি, অসুম তৌদুনা মীদিয়া য়ুনিৎ অমমমগী মেন্দেৎ ফংনবা হোৎনবদা সীনর্জী অমসুং ইফিসেন্সী লৈহনবা ঙম্লগনি।

এম/ও আই এন্দ বি গী সবওর্দিনেৎ ওফিস অমা ওইরিবা ফিল্ম দিবিজন অসি ১৯৪৮তা সরকারগী প্রোগ্রামশিং পব্লিসিতীগী দোক্যুমেন্তরীশিং অমসুং অনৌবা মেগাজিনশিং পুথোক্নবা অমসুং ভারতকী ইতিহাসকী সিনেমাতিক রিকোর্ত থম্নবা লিংখৎখি।

ওতোনোমস ওর্গনাইজেসন অমা ওইরিবা চিলদ্রেন’স ফিল্ম সোসাইতী, ইন্দিয়া অসি ফিল্মশিংগী মীদিয়মগী খুত্থাংদা অঙাংশিং অমদি নহাশিংদা ভেল্যুদা য়ুম্ফম ওইবা এন্তরতেনমেন্ত ফংহন্নবা অখন্নবা পান্দমগা লোইননা সোসাইতিজ এক্তকী মখাদা ১৯৫৫তা লিংখৎখি। 

এম/ও আই এন্দ বি গী সবওর্দিনেৎ ওফিস অমা ওইরিবা নেস্নেল ফিল্ম অর্কাইবস ওফ ইন্দিয়া অসি ভারতকী সিনেমাতিক হেরিতেজ লৈহন্নবা অমসুং য়োকখৎনবা মপুং ওইবা পান্দমগা লোইননা ১৯৬৪দা মীদিয়া য়ুনিৎ অমা ওইনা লিংখৎখি।

এম/ও আই এন্দ বি.দা এতেৎচ তৌবা ওফিস অমা ওইরিবা দিরেক্তোরেৎ ওফ ফিল্ম ফেস্তিবেলস অসি ভারতকী ফিল্মশিং অমসুং কলচরেল এক্সচেঞ্জ প্রমোৎ তৌনবা ১৯৭৩দা লিংখৎখি।

এন.এফ.দি.সি. অসি সেন্ত্রেল পব্লিক সেক্তর অন্দরতেকিং অমনি, ইন্দিয়ন ফিল্ম ইন্দস্ত্রীগী পথাপ নাইবা, কান্নবা অমসুং অপুনবগী চাউখৎ থৌরাংগী প্লানিং তৌনবা অমসুং প্রমোৎ তৌনবা মপুং ওইবা পন্দমগা লোইননা ১৯৭৫তা ইনকোর্পোরেৎ তৌখি।

মীদিয়া য়ুনিৎশিং অসি পুনশিনবদা অয়াবা পীখিবা কেন্দ্রগী মন্ত্রী-মন্দল মীফম অসিনা এসসেৎশিং অমসুং ইমপ্লোইয়ীশিং ত্রান্সফর তৌনবা অমসুং পুনশিনবা অসিগা মরী লৈনবা ওপরেস্নেলাইজেসনগী হিরম পুম্নমক য়েংশিন্নবা ত্রাঞ্জেক্সন এদভাইজর অমা অমসুং লিগেল এদভাইজর অমা খনখ্রে।

পুনশিনবগী থবক পাইখৎপা অসিদা মরী লৈনবা মীদিয়া য়ুনিৎশিংগী ইমপ্লোইয়ী পুম্নমকগী অপাম্বশিং মপুং ফানা খন্থগনি অমসুং ইমপ্লোইয়ী অমত্তা ককথৎপা তৌরোই।

অমব্রেলা ওর্গনাইজেসন ওইরিবা এন.এফ.দি.সি. অসি ফিল্ম মীদিয়া য়ুনিৎশিং পুনশিনবা অসিনা মরম ওইরগা ফিল্মিক কন্তেন্তকী প্রমোসন, প্রদক্সন অমসুং প্রিজর্বেসনগা মরী লৈনবা মসিগী মখাদা লৈরগনি – পুম্নমক মেনেজমেন্ত অমগী মখাদা লৈরগনি। অনৌবা এন্তিতীগী ৱাখল্লোন অসি ও.তি.তি. প্লেৎফোর্মশিংগী ফিল্মশিং/কন্তেন্ত, অঙাংগী কন্তেন্ত, এনিমেসন, শোর্ত ফিল্মশিং অমসুং দোক্যুমেন্তরীশিং য়াওনা ভারতকী সিনেমাগী জোনর-ফীচর ফিল্ম পুম্নমক্কী চপ মান্নবা অমসুং অকনবা মীৎয়েং চংদুনা চাউখৎহন্নবা হোৎনবনা ওইগনি।

ফিল্ম মীদিয়া য়ুনিৎশিং কোর্পোরেসন অমা খক্তগী মখাদা লৈহনবা অসিনা লৈরিবা ইনফ্রাস্ত্রকচর অমসুং মেনপাৱর হেন্নবা ফবা মওংদা অমসুং কান্নগদবা মওংদা শীজিন্নবগা লোইননা তোঙান তোঙানবা থবক-থৌরমশিংদা সীনর্জী লৈহনবা ঙম্লগনি। মসিনা থবক-থৌরমশিংগী দুপ্লিকেসন তৌবা হন্থহনগনি অমসুং এক্সচেকরদা হকথেংননা চাদিং তৌহনদবা ঙমহল্লগনি।

*****