মন্ত্রীমন্দল

মন্ত্রীমন্দলনা ভারত্তা দাইরেক্ত তু হোম (দি.তি.ঐচ.) সর্বিসশিং ফংহন্নগীদমক গাইদলাইনশিংগী অহোঙবা পুরকপদা অয়াবা পীখ্রে

Posted On: 23 DEC 2020 4:46PM by PIB Imphal

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ভারত্তা দাইরেক্ত তু হোম (দি.তি.ঐচ.) সর্বিসশিং ফংহন্নবগীদমক লাইসেন্স ফংনবগী গাইদলাইনশিংদা অহোঙবা পুরপগী ৱাফমদা অয়াবা পীখ্রে। ৱারেপশিং অদুগী মরুওইবা ৱারোল মখাদা পীরিঃ

i.          দি.তি.ঐচ.কীদমক্তা লাইসেন্সশিং হৌজিক্কী চহি ১০ ওইরিবা অসিগী মহুত্তা চহি ২০গীদমক পীরগনি।

ii.         লাইসেন্স ফী অদু জি.আর.গী ১০%দগী এ.জি.আর.গী ৮% ফাওবদা হোঙদোকখ্রে। জি.আর.দগী জি.এস.তি. ককথদুনা এ.জি.আর. হোৎকনি।

iii.        লাইসেন্স ফী অসি হৌজিক্কী চহিগী লৌরিবা অসিগী মহুত্তা হৌজিক থা অহুমগী ওইনা লৌরগনি।

iv.        দি.তি.ঐচ. ওপরেতরশিংনা মখোয়না উৎপা পর্মিৎ পায়রবা অপুনবা প্লেৎফোর্ম চেনেলশিংগী কেপাসিতীগী য়াম্লবদা ৫% ওপরেৎ তৌনবগী অয়াবা পীগনি। দি.তি.ঐচ. ওপরেতর অমদগী পি.এস. চেনেল অমমমগীদমক্তা লুপা ১০,০০০গী নন-রিফন্দেবল রেজিস্ত্রেসন ফী লৌগনি।

v.         ভোলুন্তরী ওইবা মওংদা দি.তি.ঐচ. ওপরেতরশিংগী মরক্তা ইনফ্রাস্ত্রকচর শিয়র তৌনীংবা অপাম্বা লৈবা দি.তি.ঐচ ওপরেতরশিংদা দি.তি.ঐচ. প্লেৎফোর্ম অমসুং তি.ভি. চেনেলশিংগী ত্রান্সপোর্ত স্ত্রীমবু শিয়র তৌনবগী অয়াবা পীগনি। তি.ভি. চেনেলশিংগী দিসত্রিব্যুতরশিংনা মখোয়গী সব্সক্রাইবর মেনেজমেন্ত সিস্তেম (এস.এম.এস.) অমসুং কন্দিস্নেল এক্সেস সিস্তেম (সি.এ.এস.) এপ্লিকেসনশিংগীদমক্তা কমন হার্দৱেয়র শিয়র তৌনবগী অয়াবা পীগনি।

vi.        লৈরিবা দি.তি.ঐচ. গাইদলাইনশিংগী ৪৯% এফ.দি.আই.গী কেপ অদু মতম মতমগী মতুং ইন্না হোঙদোক্লবা এফ.দি.আই.গী মতুং ইন্না সরকারগী (দি.পি.আই.আই.তি.শিং) পোলিসীগী মওংদা এলাইন তৌগনি।

vii.       শেমদোক্লবা দি.তি.ঐচ গাইদলাইশিংগী মতুং ইন্না ৱারেপ অদু থবক্তা ওনথোক্কনি অমসুং মদু ইনফোর্মেসন অমসুং ব্রোদকাস্তিং মন্ত্রালয়না থাদোক্কনি।

পুখৎলক্লিবা ককথবগী পীথোক্লবা লাইসেন্স ফী রেজিম অদু তেলিকোম সেক্তরগী মতুং ইন্না শেমগনি। খেন্নবা অসি দি.তি.ঐচ. সর্বিস অসিনা ওপরেতরশিংবু কভর হেন্না তৌবদা হেন্না ইনভেস্ত তৌহন্দুনা অমসুং মদুনা মরম ওইদুনা লাইসেন্স ফী মতম চানা পীথোকপা ঙমহনগনি। প্লেৎফোর্ম সর্বিসশিংগীদমক্তা রেজিস্ত্রেসন ফীদগী চাউরাক্না লুপা করোর ১২গী রেভিন্যু খোমগৎপগী ওইথোকপা লৈ। দি.তি.ঐচ. ওপরেতরশিংনা ইনফ্রাস্ত্রকচরবু শিয়র তৌনবদগী অতাঙবা সেতিলাইৎ রিসোর্সশিং শিজিন্নবা অমসুং হৈ-শিংনা শিজিন্নদুনা কঞ্জ্যুমরশিংনা পীরকপা মমলশিং অদু হন্থহনবা ঙমগনি। হৌজিক্কী এফ.দি.আই. পোলিসী অসি চৎনবনা লৈবাক অসিদা অহেনবা মীরমগী ইনভেস্তমেন্ত পুরকপা ঙমগনি।

দি.তি.ঐচ. অসি পান-ইন্দিয়া বেসিস্তা চলাইরি। দি.তি.ঐচ. সেক্তর অসি থবক য়াম্না পীবা ঙম্বা লম অমনি। মসিনা হকথেংননা দি.তি.ঐচ. ওপরেতরশিংদা থবক ফংহনবগা লোইননা কোল সেন্তরশিংদা থবক তৌরিবা শিন্মীশিংদা নত্তনা মখোংদগী হৌরগা নাকোইননা মশিং য়াম্না ইন্সতোলরশিংদা থবক পীরি। অশাংবা মতমগী লাইসেন্স অমসুং অনৌবা ময়েক শেংবগা লোইননা অরাইবা এফ.দি.আই.গী অকক্নবা অসিনচিংবা শেমদোক্লবা দি.তি.ঐচ.কী গাইদলাইনশিং অসিদগী তুং কোইবা ফিভম অমসুং দি.তি.ঐচ. সেক্তরদা অনৌবা ইনভেস্তমেন্তশিংদা নত্তনা থবক পীবগী তাঞ্জাসু ফংহনবা ঙমগনি।

***



(Release ID: 1683102) Visitor Counter : 52