সিবিল এভিএসনগী এম.ও.এস., আই/সি. শ্রী হর্দীপ সিংহ পুরিনা দিসেম্বর ২২দগী দিসেম্বর ৩১, ২০২০ ফাওবা মতম খরগী ওইনা য়ু.কে.দগী ভারত্তা লাকপা ফ্লাইৎ পুম্নমক লেপ্লগনি হায়না খঙহল্লকখ্রে। লৈবাক খরদা কোরোনাভাইরসকী অনৌবা স্ত্রেন অসি শন্দোরকপা অসিনা ওইহল্লক্লিবা ফীভম অসিনা মরম ওইরগা তঙাই ফদবা চেকশিল থৌরাং পুম্নমক লৌখৎনবা ভারত সরকারনা ৱারেপ অসি লৌখিবনি হায়না মহাক্না ফোঙদোকখি।

য়ু.কে.দা কোবিদ-১৯গী ওইরক্লিবা ফীভম অসি য়েংলগা ভারত সরকারনা দিসেম্বর ৩১, ২০২০ (পুং ২৩.৫৯) ফাওবা য়ু.কে.দগী চৎকদবা অমসুং য়ু.কে.দগী লাক্কদবা ফ্লাইৎ পুম্নমল লেপহন্নবা ৱারেপ লৌখি। লেপকদবা অসি দিসেম্বর ২২, ২০২০গী পুং ২৩.৫৯দগী চৎনবা হৌগনি। অদুম ওইনমক ইন্তরনেস্নেলগী কার্গো ওপরেসন পুম্নমক অমসুং দি.জি.সি.এ.না অয়াবা পীবা অখন্নবা ফ্লাইৎশিংগী ওইনদি হায়রিবা অথিংবা অসি লৈরোই।

অতোপ্পা লৈবাকশিংদগী ভারত্তা ফ্লাইৎশিং ওপরেৎ তৌরিবা এয়রলাইনশিংনা য়ু.কে.দগী লাকপা পেসেঞ্জর অমত্তা ব্রোদ তৌবা য়াহল্লোইদবনি অমসুং ভারত্তা থুংগদবা ফ্লাইৎ অমা হেক্তদা হকথেংননা নত্ত্রগা নকোইননা য়ু.কে.দগী ব্রোদ তৌখিবা পেসেঞ্জর অমত্তা য়াওহল্লোইদবনি।

চেকশিল থৌরাং লৌখৎপা ওইনা ত্রাঞ্জিৎ ফ্লাইৎ পুম্নমক্তা য়ু.কে.দগী লাকপা পেসেঞ্জরশিংনা (তাক-ওফ তৌখ্রবা ফ্লাইৎশিং নত্ত্রগা দিসেম্বর ২২, ২০২০গী পুং ২৩.৫৯ ফাওবগী মমাংদা য়ৌরকপা ফ্লাইৎশিং) ভারত য়ৌরকপগা শোইদনা আর.তি.-পি.সি.আর. তেস্ত তৌগনি। হকশেল অমসুং য়াইফ-য়ুম্বাল মন্ত্রালয়না থোকখিবা গাইদলাইনশিংগী মতুং ইন্না য়ৌরকপা মতমদা কোবিদ-১৯ পোজিতিব ওইবা পেসেঞ্জরশিং ক্বারেনতিন তৌগনি অমসুং মখোয়না মেদিকেলগী অচংশেল পুথোকচগনি।

****