ইন্দিয়ন পেনোরমা ফিল্মশিংকী চহি ২০২০গী ওইনা ৫১শুবা ইন্তরনেস্নেল ফিল্ম ফেস্তিবেল ওফ ইন্দিয়া, ২০২০গী ওফিসিএল ওইনা খল্লবশিং লাউথোকখ্রে।গোৱাদা নুমিৎ ৮নি  জনুৱারী ১৫তগী ২৪, ২০২১ ফাওবা পাঙথোক্কদবা অসিগী মনুংদা রেজিস্তর তৌরবা দেলিগেৎশিং অমসুং খনগৎলবা ফিল্মশিংগী মীহুৎশিংগীদমক্তা অচৌবা স্ক্রীনদা খনগৎলবা ফিল্মশিং অদু উৎকনি।

মশিং য়াম্লবা কন্তেমপররী ইন্দিয়ন ফিল্ম ১৮৩দগী খনগৎখিবা ফিল্মশিংগী কলেক্সন অসিনা ইন্দিয়ন ফিল্ম ইন্দস্ত্রীগী বাইব্রেন্সী অমসুং দাইভর্সিতী অদু তাক্লি। শকনাইরবা জুরী পেনেলশিংনা ফীচর অমসুং নন-ফীচর অনিমক্তা মখোয় মশাগী খঙহৈবা অদু শীজিন্নদুনা অমসুং চপ মান্নবা মোৎ লৌদুনা ইন্দিয়ন পেনোরমা ফিল্মশিং অসি খনখি।

মেম্বর তরানিথোই য়াওবা ফীচর ফিল্মগী জুরী অসি শকনাইরবা ফিল্মমেকর, স্ক্রীনরাইতর অমসুং প্রদ্যুসর শ্রী জোন মেথ্যু মত্থননা লুচিংখি। ফীচরগী জুরী অসিদা তোঙান তোঙানবা মশক নাইবা ফিল্মশিং, ফিল্ম বোদীশিং অমসুং প্রোফেসনশিংগী শক তাক্লিবা মখাগী মেম্বরশিং অসি য়াওরি অমরোমদা মখোয়না তোঙান তোঙানবা ইন্দিয়ন ফিল্ম মেকিংগী লম অসিবু পুন্না শক্তাক্লি:

১. শ্রী দোমিনিক সঙ্গমা, ফিল্মমেকর অমসুং স্ক্রীনরাইতর

২. শ্রী জদুমোনি দত্তা, ফিল্মমেকর, স্ক্রীনরাইতর অমসুং প্রদ্যুসর

৩. শ্রীমতি কলা মাস্তর, কোরিওগ্রাফর

৪. শ্রী কুমার সোহোনি, ফিল্মমেকর অমসুং রাইতর

৫. শ্রীমতি রমা বিজ, এক্তর অমসুং প্রদ্যুসর

৬. শ্রী রামামুর্থী বি, ফিল্মমেকর

৭. শ্রীমতি সংঘামিত্রা চৌধুরি, ফিল্মমেকর অমসুং জর্নেলিস্ত

৮. শ্রী সঞ্জে পুরন সিংহ চৌহান, ফিল্মমেকর

৯. শ্রী সতিন্দর মোহন, ফিল্ম ক্রিতিক অমসুং জর্নেলিস্ত

১০. শ্রী সুধাকর বসন্থা, ফিল্মমেকর অমসুং প্রদ্যুসর

১১. শ্রী তি প্রসন্না কুমার, ফিল্ম প্রদ্যুসর

১২. শ্রী য়ু রধাকৃষ্ণন, এক্স-সেক্রেতরী, এফ.এফ.এস.আই.

ইন্দিয়ন পেনোরমা ফীচর ফিল্ম জুরীনা ফীচর ফিল্ম ২০ খনগৎখি। ইন্দিয়ন পেনোরমা ২০২০ হৌদোকপগী জুরীগী অপাম্বা ওইনা খনখিবা ফীচর ফিল্ম অসি তুশার হিরানান্দনিনা দিরেক্সন পীবা সান্দ কী আঙ্খ (হিন্দী)না ওইখি।

৫১শুবা ইন্তরনেস্নেল ফিল্ম ফেস্তিবেল ওফ ইন্দিয়া, ২০২০গী ইন্দিয়ন পেনোরমা সেক্সনগী মখাদা ফিল্ম ফেদরেসন ওফ ইন্দিয়া (এফ.এফ.আই.) অমসুং প্রদ্যুসর’স গিল্দকী রিক্কমেন্দেসনশিংদা য়ুম্ফম ওইরগা দি.এফ.এফ.কী ইন্তর্নেল কম্মিতী অমনা মেনস্ত্রীম ফিল্ম অহুমসু খনগৎখি।

ইন্দিয়ন পেনোরমা ২০২০দা খনগৎলবা ফীচর ফিল্ম ২৩গী লিস্ত মখাদা পীরি:

নন-ফীচর ফিল্মশিং

ইন্তরনেস্নেল ফিল্ম ফেস্তিবেল ওফ ইন্দিয়াগী ইন্দিয়ন পেনোরমাদা ইন্দিয়ন ফিল্ম ইন্দস্ত্রীগী নন-ফীচর সেগমেন্তগা মরী কৈনবা মশক নাইরবা জুরী মেম্বরশংনা খনগৎপা মখল কয়াগী খুন্নাই অসিগী অমসুং ফজরবা ৱাখল্লোন উৎলিবা কন্তেমপররী পেকেজ অমা য়াওরি।

৫১শুবা ইন্তরনেস্নেল ফিল্ম ফেস্তিবেল ওফ ইন্দিয়াদা ইন্দিয়ন পেনোরমাগী মখাদা খনগৎখিবা ননফীচর-ফিল্মশিং গোৱাদা জনুৱারী ১৬-২৪, ২০২১ ফাওবা উৎকনি।

মশিং য়াম্লবা কন্তেমপররী ইন্দিয়ন নন-ফীচর ফিল্ম ১৪৩দগী খনখিবা ফিল্মশিং অসিনা দোক্যুমেন্ত, ইনবেস্তিগেৎ, এন্তর্তেন তৌবা  ঙম্বা ঐখোয়গী হৌরক্লিবা ফিল্মমেকরশিংগী মতিক ময়াই অদু উৎলি অমসুং মসিনা কন্তেমপররী ইন্দিয়নগী ভেল্যুশিংসু উৎলি।

মীওই তরেৎকী নন-ফীচরগী জুরী অসই মশক নাইবা ফীচর অমসুং দোক্যুমেন্তরী ফিল্মমেকর শ্রী হাওবম পবন কুমারনা লুচিংগনি। জুরী অসিদা মখাগী মেমবরশিং অসি য়াওরি:

১. শ্রী অতুল গঙ্গাৱর, দিরেক্তর, স্ক্রীনরাইতর অমসুং প্রদ্যুসর

২. শ্রী জ্বাঙদাও বোদোসা, ফিল্মমেকর

৩. শ্রী মন্দর তলাওলিকর, ফিল্মমেকর

৪. শ্রী সজিন বাবু, ফিল্মমেকর

৫. শ্রী সতিশ পান্দে, প্রদ্যুসর অমসুং দিরেক্তর

৬. শ্রীমতি বাইজেয়ন্তি অপ্তে, স্ক্রিপ্ত রাইতর অমসুং প্রদ্যুসর

ইন্দিয়ন পেনোরমাগী নন-ফীচর ফিল্মগী হৌদোকপগী জুরীগী অপাম্বা ওইনা খনখিবা ফীচর ফিল্ম অসি অঙ্কিৎ কোথারিনা দিরেক্সন পীবা পানচিকানা ওইখি।

৫১শুবা ইন্তরনেস্নেল ফিল্ম ফেস্তিবেল ওফ ইন্দিয়া, ২০২০গী ইন্দিয়ন পেনোরমা সেক্সনগী খনগৎলবা নন-ফীচর ফিল্ম ২০গী মপুং ফাবা লিস্ত মখাদা পীরি:

নন-ফীচর ফিল্মশিংগী লিস্ত

*****