2020 ರ ಭಾರತದ 51 ನೇ ಅಂತರರಾಷ್ಟ್ರೀಯ ಚಲನಚಿತ್ರೋತ್ಸವದ ಭಾರತೀಯ ಪನೋರಮಾ ವಿಭಾಗಕ್ಕೆ ಚಲನಚಿತ್ರಗಳ ಆಯ್ಕೆಯನ್ನು ಪ್ರಕಟಿಸಲಾಗಿದೆ. 2021 ರ ಜನವರಿ 16 ರಿಂದ 24 ರವರೆಗೆ 8 ದಿನಗಳ ಕಾಲ ಗೋವಾದಲ್ಲಿ ನಡೆಯಲಿರುವ ಚಲನಚಿತ್ರೋತ್ಸವದಲ್ಲಿ ಆಯ್ದ ಚಲನಚಿತ್ರಗಳನ್ನು ಎಲ್ಲಾ ನೋಂದಾಯಿತ ಪ್ರತಿನಿಧಿಗಳು ಮತ್ತು ಆಯ್ದ ಪ್ರತಿನಿಧಿಗಳಿಗೆ ಪ್ರದರ್ಶಿಸಲಾಗುತ್ತದೆ.

183 ಸಮಕಾಲೀನ ಭಾರತೀಯ ಚಲನಚಿತ್ರಗಳ ಪೈಕಿ ಆಯ್ಕೆ ಮಾಡಲಾಗಿರುವ ಈ ಚಲನಚಿತ್ರಗಳು ಭಾರತೀಯ ಚಲನಚಿತ್ರೋದ್ಯಮದ ಚೈತನ್ಯ ಮತ್ತು ವೈವಿಧ್ಯತೆಯನ್ನು ಪ್ರತಿಬಿಂಬಿಸುತ್ತವೆ. ಆಯ್ಕೆ ಸಮಿತಿಗಳ ಪರಿಣಿತರು  ಫೀಚರ್ ಮತ್ತು ನಾನ್ ಫೀಚರ್ ಎರಡೂ ವಿಭಾಗಗಳಲ್ಲಿ ಭಾರತೀಯ ಪನೋರಮಾ ಚಲನಚಿತ್ರಗಳನ್ನು ಒಮ್ಮತದಿಂದ ಆಯ್ಕೆ ಮಾಡಿದ್ದಾರೆ.

ಹನ್ನೆರಡು ಸದಸ್ಯರನ್ನು ಒಳಗೊಂಡ ಫೀಚರ್ ಫಿಲ್ಮ್ ಸಮಿತಿಗೆ ಹೆಸರಾಂತ ಚಲನಚಿತ್ರ ನಿರ್ದೇಶಕ, ನಿರ್ಮಾಪಕ ಮತ್ತು ಚಿತ್ರಕಥೆಗಾರ ಶ್ರೀ ಜಾನ್ ಮ್ಯಾಥ್ಯೂ ಮ್ಯಾಥನ್ ಮುಖ್ಯಸ್ಥರಾಗಿದ್ದರು. ಫೀಚರ್ ವಿಭಾಗದ ಜ್ಯೂರಿಯು ಈ ಕೆಳಗಿನ ಸದಸ್ಯರನ್ನು ಹೊಂದಿದ್ದು, ಅವರು ಹೆಸರಾಂತ ಚಲನಚಿತ್ರಗಳು, ಚಲನಚಿತ್ರ ಸಂಸ್ಥೆಗಳು ಮತ್ತು ವೃತ್ತಿಗಳನ್ನು ಪ್ರತಿನಿಧಿಸುತ್ತಾರೆ. ಆದರೆ ಒಟ್ಟಾರೆಯಾಗಿ ವೈವಿಧ್ಯಮಯವಾದ ಭಾರತೀಯ ಚಲನಚಿತ್ರ ತಯಾರಿಕಾ ಸಮುದಾಯವನ್ನು ಪ್ರತಿನಿಧಿಸುತ್ತಾರೆ. ಅವರೆಂದರೆ:

1. ಶ್ರೀ ಡೊಮಿನಿಕ್ ಸಂಗ್ಮಾ, ಚಲನಚಿತ್ರ ನಿರ್ದೇಶಕ ಮತ್ತು ಚಿತ್ರಕಥೆಗಾರ

2. ಶ್ರೀ ಜಡುಮೋನಿ ದತ್ತಾ, ಚಲನಚಿತ್ರ ನಿರ್ದೇಶಕ, ಚಿತ್ರಕಥೆಗಾರ ಮತ್ತು ನಿರ್ಮಾಪಕ

3. ಶ್ರೀಮತಿ ಕಲಾ ಮಾಸ್ಟರ್, ನೃತ್ಯ ಸಂಯೋಜಕಿ

4. ಶ್ರೀ ಕುಮಾರ್ ಸೊಹೊನಿ, ಚಲನಚಿತ್ರ ನಿರ್ದೇಶಕ ಮತ್ತು ಬರಹಗಾರ

5. ಶ್ರೀಮತಿ ರಮಾ ವಿಜ್, ನಟಿ ಮತ್ತು ನಿರ್ಮಾಪಕಿ

6. ಶ್ರೀ ರಾಮಮೂರ್ತಿ ಬಿ, ಚಲನಚಿತ್ರ ನಿರ್ದೇಶಕ

7. ಶ್ರೀಮತಿ ಸಂಘಮಿತ್ರ ಚೌಧುರಿ, ಚಲನಚಿತ್ರ ನಿರ್ದೇಶಕಿ ಮತ್ತು ಪತ್ರಕರ್ತೆ

8. ಶ್ರೀ ಸಂಜಯ್ ಪೂರಣ್ ಸಿಂಗ್ ಚೌಹಾನ್, ಚಲನಚಿತ್ರ ನಿರ್ದೇಶಕ

9. ಶ್ರೀ ಸತಿಂದರ್ ಮೋಹನ್, ಚಲನಚಿತ್ರ ವಿಮರ್ಶಕ ಮತ್ತು ಪತ್ರಕರ್ತ

10. ಶ್ರೀ ಸುಧಾಕರ್ ವಸಂತ, ಚಲನಚಿತ್ರ ನಿರ್ದೇಶಕ ಮತ್ತು ನಿರ್ಮಾಪಕ

11. ಶ್ರೀ ಟಿ ಪ್ರಸನ್ನ ಕುಮಾರ್, ಚಲನಚಿತ್ರ ನಿರ್ಮಾಪಕ

12. ಶ್ರೀ ಯು ರಾಧಾಕೃಷ್ಣನ್, ಮಾಜಿ ಕಾರ್ಯದರ್ಶಿ, ಎಫ್ಎಫ್ಎಸ್ಐ

ಭಾರತೀಯ ಪನೋರಮಾ ಫೀಚರ್ ಫಿಲ್ಮ್ ಆಯ್ಕೆ ಸಮಿತಿಯು 20 ಚಲನಚಿತ್ರಗಳನ್ನು ಆಯ್ಕೆ ಮಾಡಿದೆ. ಭಾರತೀಯ ಪನೋರಮಾ 2020 ರ ಉದ್ಘಾಟನಾ ಚಲನಚಿತ್ರವಾಗಿ ತುಷಾರ್ ಹೀರಾನಂದಾನಿ ನಿರ್ದೇಶನದ ಸಾಂಡ್ ಕಿ ಆಂಖ್ (ಹಿಂದಿ) ಚಿತ್ರ ಆಯ್ಕೆಯಾಗಿದೆ.

ಭಾರತ ಚಲನಚಿತ್ರ ಮಂಡಳಿ (ಎಫ್‌ಎಫ್‌ಐ) ಮತ್ತು ನಿರ್ಮಾಕರ ಸಂಘದ ಶಿಫಾರಸುಗಳ ಆಧಾರದ ಮೇಲೆ ಡಿಎಫ್‌ಎಫ್‌ನ ಆಂತರಿಕ ಸಮಿತಿಯು 2020 ರ 51 ನೇ ಅಂತರರಾಷ್ಟ್ರೀಯ ಚಲನಚಿತ್ರೋತ್ಸವದ ಭಾರತೀಯ ಪನೋರಮಾ ವಿಭಾಗಕ್ಕೆ ಮೂರು ಮುಖ್ಯವಾಹಿನಿಯ ಚಲನಚಿತ್ರಗಳನ್ನು ಆಯ್ಕೆ ಮಾಡಿದೆ.

ಭಾರತೀಯ ಪನೋರಮಾ 2020 ಕ್ಕೆ ಆಯ್ಕೆಯಾದ 23 ಚಲನಚಿತ್ರಗಳ ಪಟ್ಟಿ ಹೀಗಿದೆ:

ನಾನ್ ಫೀಚರ್ ಚಿತ್ರಗಳು

ಭಾರತೀಯ ಚಲನಚಿತ್ರೋತ್ಸವದ ಭಾರತೀಯ ಪನೋರಮಾದ ನಾನ್ ಫೀಚರ್ ವಿಭಾಗಕ್ಕೆ ಆಯ್ಕೆ ಸಮಿತಿಯು ಸಾಮಾಜಿಕವಾಗಿ ಮತ್ತು ಕಲಾತ್ಮಕವಾಗಿ ರೋಮಾಂಚಕವಾದ ಸಮಕಾಲೀನ ಚಿತ್ರಗಳನ್ನು ಆಯ್ಕೆ ಮಾಡಿದೆ.

ಭಾರತದ 51 ನೇ ಅಂತರರಾಷ್ಟ್ರೀಯ ಚಲನಚಿತ್ರೋತ್ಸವದ ಭಾರತೀಯ ಪನೋರಮಾ ಅಡಿಯಲ್ಲಿ ಆಯ್ಕೆಯಾದ ನಾನ್-ಫೀಚರ್ ಚಲನಚಿತ್ರಗಳನ್ನು 2021ರ ಜನವರಿ 16 ರಿಂದ 24 ರವರೆಗೆ ಗೋವಾದಲ್ಲಿ ಪ್ರದರ್ಶಿಸಲಾಗುತ್ತದೆ,

143 ಸಮಕಾಲೀನ ನಾನ್ ಫೀಚರ್ ಚಲನಚಿತ್ರಗಳ ಪೈಕಿ ಆಯ್ಕೆಯಾಗಿರುವ ಚಲನಚಿತ್ರಗಳು ನಮ್ಮ ಉದಯೋನ್ಮುಖ ಮತ್ತು ಸ್ಥಾಪಿತ ಚಲನಚಿತ್ರ ನಿರ್ದೇಶಕರ ಸಮಕಾಲೀನ ಭಾರತೀಯ ಮೌಲ್ಯಗಳನ್ನು ದಾಖಲಿಸುವ, ಮನರಂಜನೆ ನೀಡುವ ಮತ್ತು ಪ್ರತಿಬಿಂಬಿಸುವ ಸಾಮರ್ಥ್ಯವನ್ನು ತೋರಿಸುತ್ತವೆ

ಏಳು ಸದಸ್ಯರ ನಾನ್-ಫೀಚರ್ ಆಯ್ಕೆ ಸಮಿತಿಗೆ ಹೆಸರಾಂತ ಫೀಚರ್ ಮತ್ತು ಸಾಕ್ಷ್ಯಚಿತ್ರ ನಿರರ್ದೇಶಕ ಶ್ರೀ. ಹೋಬಮ್ ಪಬನ್ ಕುಮಾರ್ ಅಧ್ಯಕ್ಷರಾಗಿದ್ದರು. ಸಮಿತಿಯ ಸದಸ್ಯರು ಹೀಗಿದ್ದಾರೆ:

1. ಶ್ರೀ ಅತುಲ್ ಗಂಗ್ವಾರ್, ನಿರ್ದೇಶಕ, ಚಿತ್ರಕಥೆಗಾರ ಮತ್ತು ನಿರ್ಮಾಪಕ

2. ಶ್ರೀ ಜ್ವಾಂಗ್ಡಾವೊ ಬೊಡೊಸಾ, ಚಲನಚಿತ್ರ ನಿರ್ದೇಶಕ

3. ಶ್ರ. ಮಂದರ್ ತಲೌಲಿಕರ್, ಚಲನಚಿತ್ರ ನಿರ್ದೇಶಕ

4. ಶ್ರೀ ಸಾಜಿನ್ ಬಾಬು, ಚಲನಚಿತ್ರ ನಿರ್ದೇಶಕ

5. ಶ್ರೀ ಸತೀಶ್ ಪಾಂಡೆ, ನಿರ್ಮಾಪಕ ಮತ್ತು ನಿರ್ದೇಶಕ

6. ಶ್ರೀಮತಿ ವೈಜಯಂತಿ ಆಪ್ಟೆ, ಚಿತ್ರಕಥೆಗಾರ್ತಿ ಮತ್ತು ನಿರ್ಮಾಪಕಿ

ಭಾರತೀಯ ಪನೋರಮಾ, 2020 ರ ಆರಂಭಿಕ ನಾನ್-ಫೀಚರ್ ಚಿತ್ರಕ್ಕಾಗಿ ಅಂಕಿತ್ ಕೊಥಾರಿ ನಿರ್ದೇಶನದ ಪಾಂಚಿಕಾ ಆಯ್ಕೆಯಾಗಿದೆ.

2020 ರ ಭಾರತದ 51 ನೇ ಅಂತರರಾಷ್ಟ್ರೀಯ ಚಲನಚಿತ್ರೋತ್ಸವಕ್ಕಾಗಿ ಭಾರತೀಯ ಪನೋರಮಾ ವಿಭಾಗಕ್ಕೆ ಆಯ್ಕೆಯಾದ 20 ನಾನ್-ಫೀಚರ್ ಚಲನಚಿತ್ರಗಳು ಹೀಗಿವೆ:

***