51 వ అంతర్జాతీయ భారత చలన చిత్రోత్సవం 2020 సంవత్సరానికి భారతీయ పనోరమా చిత్రాల ఎంపికను ప్రకటించింది. గోవాలో జరిగిన 8 రోజుల చలన చిత్రోత్సవంలో, ఎంపిక చేసినచిత్రాలను రిజిస్టర్ అయిన ప్రతినిధులు, ఎంపికైన చిత్రాల ప్రతినిధులందరికీ పెద్ద తెరపై 2021 జనవరి 16 నుండి 24 వరకు ప్రదర్శిస్తారు. 183 సమకాలీన భారతీయ చిత్రాల నుండి ఎంపిక ఈ చిత్రాల సేకరణ భారతీయ చలన చిత్ర పరిశ్రమ చైతన్యాన్ని మరియు వైవిధ్యాన్ని ప్రతిబింబిస్తుంది. ఫీచర్ మరియు నాన్-ఫీచర్ కి చెందిన ప్రముఖ జ్యూరీ ప్యానెళ్లు, వారి వ్యక్తిగత నైపుణ్యంతో కసరత్తు చేసి, భారతీయ పనోరమా చిత్రాల ఎంపిక విషయంలో ఏకాభిప్రాయంతో ఎంపిక చేశారు.

పన్నెండు మంది సభ్యులతో కూడిన ఫీచర్ ఫిల్మ్ జ్యూరీకి ప్రఖ్యాత చిత్రనిర్మాత, స్క్రీన్ రైటర్, నిర్మాత శ్రీ జాన్ మాథ్యూ మాథన్ నేతృత్వం వహించారు. చలనచిత్రాలు, చలనచిత్ర సంస్థలకు ప్రాతినిథ్యం వహించిన కింద పేర్కొన్న సభ్యులతో ఫీచర్ జ్యూరీ ఏర్పాటైంది.

1. శ్రీ డొమినిక్ సంగ్మా, చిత్రనిర్మాత మరియు స్క్రీన్ రైటర్
2. శ్రీ జదుమోని దత్తా, చిత్రనిర్మాత, స్క్రీన్ రైటర్ మరియు నిర్మాత
3. శ్రీమతి కాలా మాస్టర్, కొరియోగ్రాఫర్
4. శ్రీ కుమార్ సోహోని, చిత్రనిర్మాత మరియు రచయిత
5. శ్రీమతి రామా విజ్, నటుడు మరియు నిర్మాత
6. శ్రీ రామమూర్తి బి, చిత్రనిర్మాత
7. శ్రీమతి సంఘమిత్ర చౌదరి, చిత్రనిర్మాత మరియు జర్నలిస్ట్
8. శ్రీ సంజయ్ పురాన్ సింగ్ చౌహాన్, చిత్రనిర్మాత
9. శ్రీ సతీందర్ మోహన్, ఫిల్మ్ క్రిటిక్ మరియు జర్నలిస్ట్
10. శ్రీ సుధాకర్ వసంత, చిత్రనిర్మాత మరియు నిర్మాత
11. శ్రీ టి. ప్రసన్న కుమార్, చిత్ర నిర్మాత
12. శ్రీ యు. రాధాకృష్ణన్, మాజీ కార్యదర్శి, ఎఫ్ఎఫ్ఎస్ఐ

ఇండియన్ పనోరమా ఫీచర్ ఫిల్మ్ జ్యూరీ 20 కథా చిత్రాలను ఎంపిక చేసింది. ఇండియన్ పనోరమా 2020 ప్రారంభ చలనచిత్రంగా తుషార్ హిరానందాని దర్శకత్వం వహించిన సాండ్ కి ఆంఖ్ (హిందీ) ప్రదర్శిస్తారు. ఫిల్మ్ ఫెడరేషన్ ఆఫ్ ఇండియా (ఎఫ్ఎఫ్ఐ), ప్రొడ్యూసర్స్ గిల్డ్ సిఫారసుల ఆధారంగా డిఎఫ్ఎఫ్ యొక్క అంతర్గత కమిటీ 2020 లో 51 వ అంతర్జాతీయ ఫిల్మ్ ఫెస్టివల్ ఆఫ్ ఇండియా పనోరమా సెక్షన్ క్రింద మూడు ప్రధాన చిత్రాలు ఎంపిక ఎంపిక చేసింది.