ঙসি নই দিল্লীদা ভর্চুএল লিঙ্কগী খুত্থাংদা পাংথোকপা ৪শুবা মিলিতরি লিতরেচর কুমহৈ অসিদা ৱা ঙাংলদুনা রক্ষা মন্ত্রী শ্রী রাজনাথ সিংহনা হায়খ্রে মদুদি অসিগুম্বা অনৌবা খোঙথাং অসিনা মীয়াম প্রজাদা খুদোংচাবা অমা পীবগা লোয়ননা অমসুং মরুওইনা নহাশিংবু ঐখোয়গী লান্মীশিংনা লান্থেংনখিবা অসিগী খঙজিন্দুনা অমসুং মখোয়না লৈবাক্কীদমক থৱায় কৎথোকখিবা অসিগী থেংনরকপশিং অসিনা পুক্নিং থৌগৎহল্লগনি। লান্মী পুৱারীশিং অসি মরুওইবা লৌদুনা শ্রী রাজনাথ সিংহনা হায় মদুদি দিফেন্স মিনিস্ত্রীগী থবক হেক লৌবগা মহাক্না লৈবাক অসিগী ঙমখৈগী পুৱারী ইবগী থবক চংশিন্নবা ম্মিতি অমা শেমখি। হায়রিবা অসিনা পান্দম থম্লিবা অসি ঙমখৈগী পুৱারী অসি পুথোক্তুনা তুংদা লাক্কদৌরিবা মীরোল অসিগীদমক মখোয়না মফম অদুদা লাল শোক্নখিবা, লান্মীশিংনা মথ্বাই কৎখিবা অসি অরাইবা লোলদা অমসুং মীয়ামদা লায়না পাবা অমসুং খঙহনবা ঙম্নবা পান্দম থম্লি। 

শ্রী রাজনাথ সিংহনা হায় মদুদি আর্ম ফোর্সেস ভেতরেন অমসুং রিসর্সশিংনা মতম মতগী ওইনা প্রজা মীয়াম অমসুং এক্সপার্তশিংগী মরক্তা লৈরিবা অহোবা অসি ফংনবা চেফোং ফোংলি।

রক্ষা মন্ত্রীনা হায় মদুদি  হন্দক্কী চহি অসিগী মিলিতরী লিতরেচর ফেস্তিবেল অসি ১৯৭১গী লালদা ঙসিশু মীয়াম্না নিংশিংনরিবা মথৌনা লৈরবশিং অসিগী ৫০শুবা কুমোন স্বার্নিম বিজয় দিৱাস থৌরমগা চপ মান্ননা তামিন্নরি। মহাক্না নহাশিংবু ভেতরানশিং অসি উন্নদুনা অমসুং মখোয়গা হকথেংননা মখোয়গা থেংনরকপশিং অসি লৌশিং ওইনা লৌহৌনবগী খুদোংচাবা অসি মাংহনদনবা কন্না হায়রি।  শ্রী রাজনাথ সিংহনা মখল কয়াগী থৌরমশিং অমসুং খন্ন-নৈনবা অসি লান্মী খক্তা নত্তনা কলচরেলগী ওইবশিং য়াওহল্লকপা অসিদা থাগৎপা ফোংদোক্লি। মহাক্না হায় মদুদি লালগী মওং অসি মতমগী মতুং ইন্না অমসুং তেক্নোলোজিশিং অসিগা লোয়ননা অহোংবা লৈ। “ঐখোয়না অসিগুম্বা হৌজিক মতমগী তেক্নোলোজি অসিগা মায়োক্নরিবা অসিদা মিকুপ নাহুম শিংনা লৈগদবনি”, মহাক্না মখা তানা হায়খি। শ্রী রাজনাথ সিংহনা শিল্লিবা-লাংলিবশিংদা হায় মদুদি মতুংদা থৌরমশিং অসি থীম নাইনা শিনবা অমসুং তুংদা লাক্কদৌরিবা মিলিতরী লিতরেচর ফেস্তিবেলশিংদা মায় পাক্নবা য়াইফ পাওজেল পীখি।   

পঞ্জাবকী গবর্নর শ্রী বিজায়েন্দ্র পাল সিংহ বাদনোরে অমসুং পঞ্জাবকী মুখ্য মন্ত্রী কেপ্তেন আমারিন্দর সিংহনশু থৌরম অসিদা ৱা ঙাংখি।

*******