সাইন্স অমসুং তেক্নোলোজী মন্ত্রালয়
অচৌবা সাইন্স ফেস্তিবেল ‘আই.আই.এস.এফ ২০২০’দা ভর্চুএল ওইনা সাইন্স মশক খঙসি
মহৈরোয়শিংনা য়ুমদা লৈরগা আই.আই.এস.এফ ২০২০গী কান্নবশিং লৌবা য়াগনি: দোক্তর রঞ্জনা অগরৱাল
মতম অমসুং ঙমখৈগী অথিংবশিং লৈতনা আই.আই.এস.এফতা রিছার্স তৌরিবশিং শরুক য়ারি: শ্রী জয়ান্ত সাহাসরুবুধে
Posted On:
17 DEC 2020 11:14AM by PIB Imphal
লাইচৎ মতমদা হরাও-তয়াম্ব থৌরম কয়া চপ লেপ্পগী ফিবমদা লৈরবসু, সাইন্স অমসুং তেক্নোলোজিনা হরাও-তয়াম্না লৈনবা ইথিল পীরে। মসিগী খুদম অমদি ভর্চুএল ওইনা য়েংবা য়াগদবা ইন্দিয়ান ইন্তরনেসনেল সাইন্স ফেস্তিবেল(আই আই এস এফ)২০২০ অসিনি। সি.এস.আই.আর-নেসনেল ইন্সতিতুৎ ওফ সাইন্স, তেক্নোলোজি এন্দ দিবলপমেন্ত স্তদিজ(নিস্তাদস),নিউ দিল্লিগী দিরেক্তর দোক্তর রঞ্জনা অগরৱালনা হায়খি মহৈরোয়শিংনা ভর্চুএল ওইনা য়েংবা য়াবা থৌরমশিং, ৩-দি একজিবিসনশিং, ভর্চুএল থৌরমশিং, খন্ন-নৈন্নবশিং, লেকচর অমসুং অতৈ থৌরম কয়া ঐখোয়না পাংথোক্কনি। মসিদা থৌরম ৪১ পাংথোক্কনি অমসুং মীওই খুদিংমক তরাম্না ওক্লি। জে.সি বোস য়ুনিভর্সিতি ওফ সাইন্স এন্দ তেক্নোলোজি, ৱাই.এম.সি.এদা মহাক ৱা ঙাংখি। বিজনানা ভারতি হরিয়ানাগা লোয়ন্না য়ুনিভর্সিতি অসিনা আই.আই.এস.এফ ২০২০গী মাঙওইন্না থৌরম অমা পাংথোকখি। আই.আই.এস.এফ ২০২০ অসি দিশেম্বর ২২-২৫,২০২০দা পাংথোক্কনি।
সি.এস.আই.আর-নেসনেল ইন্সতিতুৎ ওফ সাইন্স, তেক্নোলোজি এন্দ দিবলপমেন্ত স্তদিজ(নিস্তাদস),নিউ দিল্লিনা মাঙজিল থাবা ইন্সতিতুৎ ওইনা আই.আই.এস.এফ ২০২০ পাংথোক্কদবনি। সাইন্স ফেস্তিবেল অসি সাইন্স অমসুং তেক্নোলোজি দিপার্তমেন্ত, কাউন্সিল ওফ সাইন্তিফিক এন্দ ইন্দস্ত্রিএল রিছর্স(সি এস আই আর), আর্থ সাইন্সেস মিনিস্ত্রি, হেল্থ অমসুং ফেমিলি ৱেলিফিয়ার মিনিস্ত্রি অমসুং বাইওতেক্নোলোজি দিপার্তমেন্তনা পুন্না শীনবনি।
দোক্তর অগরৱালনা তোঙান-তোঙানবা থৌরমশিংগী মতাংদা শন্দোক্না তাকখি। অশেংবা সাইন্স মাঙহন্দনা মহৈরোয়শিংনা মখোয়গী য়ুমশিংদা ফম্লগা থৌরমশিংগী কান্নবা কমদৌনা লৌগদগে হায়বগী মতাংদা মহাক্না পাউদমখি।
বিভাগী নেসনেল ওর্গনাইজিং সেক্রেতরি, শ্রী জয়ান্ত সাহাসরুবুধেনা হায়খি লাইচৎ লাকপা মতমদা, মসি থা খরগী মনুংদা লোইখিগনি অমসুং ঐখোয়না মমাঙ চহিদা পাংথোকখিবা অদুগুম্না থৌরম পাংথোকপা য়াগনি হায়না ঐখোয়না খনখি। অদুবু সেপ্তেম্বর থা য়ৌরকপা মতমদা ফেস্তিবেল অসি হকথেংন্না পাংথোকপা য়াররোই হায়বা খঙলে, মদুদগী ফেস্তিবেল অসি ভর্চুএল ওইনা পাংথোক্নবা ঐখোয়না খনখি। ফেস্তিবেল অসিদা মতম অমসুং ঙমখৈগী অথিংবশিং লৈতনা মালেমগী লৈবাকশিং অমসুং ভারতকী রিছার্স তৌরিবশিং অমসুং অখঙ-অহৈশিং শরুক য়ারি। কোরোনা লাইচৎ লৈরবসু থৌরম মশিং হেনগৎলে অমসুং মথং পাংথোকপা ফেস্তিবেলশিংদসু থৌরম মশিং হেনগৎহন্নবা থৌরাং অমা লৈরে।
হৌজিক ওইরিবা লাইচৎকী ফিবম অসিদা অসিগুম্বা অচৌবা সাইন্স ফেস্তিবেল অমা শীনবগীদমক য়ুনিভর্সিতিগী ভাইস-চান্সেল্লর প্রোফেসার দিনেস কুমারনা সি.এস.আই.আর-নিস্তাদস, বিজনানা ভারতি অমসুং তোঙান-তোঙানবা মিনিস্ত্রিশিংগী থবকশিং থাগৎখি।
![](http://static.pib.gov.in/WriteReadData/userfiles/image/image00217Y5.jpg)
আই.আই.এস.এফ ২০২০ মীয়ামদা খঙহন্নবা পাংথোকপা অতোপ্পা থৌরম অমদা, দোক্তর অগরৱালনা মসিগী অচৌবা সাইন্স ফেস্তিবেল অসিগী পান্দমশিং অমসুং কান্নবগী মতাংদা ৱা ঙাংখি। মীয়ামদা আই.আই.এস.এফকী মরমদা খঙহন্নবা থৌরম অসি সাইন্স কম্মুনিকেতরস গ্রুপনা শীনবনি।
সাইন্স ফেস্তিবেলগা মরী লৈনবা তোঙান-তোঙানবা থবকশিং অমসুং রেজিস্ত্রেসনগী মতাংদা ই-পাউশিং আই.আই.এস.এফকী ৱেবসাইত www.scienceindiafest.org.তা ফংগনি।
*****
(Release ID: 1681459)
Visitor Counter : 211