২০২০গী অরোইবা নেসনেল লোক অদালত ১২.১২.২০২০দা নেসনেল লিগেল সর্ভিসেস ওথোরিতিগী মীৎয়েঙ মখাদা লৈবাক শিনবা থুংনা ভর্চুএল অমসুং ফিজিকেল মোদতা পাঙথোকখ্রে‍। নোংমা চুপ্না চত্থখিবা লোক অদালতকী থৌরমদুদা এস.এল.এই.এ. অমসুং দি.এস.এল.এ.শিংনা কোবিদ-১৯ লাইচৎকী ফীভম য়েংলগা মথৌ তাবা চেকশিন থৌরাং মতিক চানা লৌখৎখি‍।

নেসনেল লোক অদালত পাঙথোক্নবা এস.এল.এই.এ. ৩১না পুন্নবা বেঞ্চ ৮১৫২ মথৌ তৌহনখি‍। মদুদা কেশ ১০,৪২,৮১৬ মায় পাক্না লোইশিনখি‍। লোইশিনখিবা অপুনবা কেসশিংগী মরক্তা ৫,৬০,৩১০না প্রি-লিতিগেসন থাক্তা লৈবনি অমদি কেস ৪,৮২,৫০৬না কোর্ততা পন্দুনা লৈরিবা কেসশিংনি‍। স্তেতশিংনা এন.এ.এল.এস.এ.গী পোর্তেলদা থাগৎলকপা অকুপ্পা ৱারোলশিংগী মতুং ইন্না সেত্তলমেন্ত পুরকখিবা শেন্ফম লুপা করোর ৩২২৭.৯৯গী ময়ানি‍।

হায়রিবা লোক অদালত অসিদা এম.এ.সি.তি. কেস, লেবর দিস্প্যুত, শেল লৌখৎপা, লম লৌশিনবা, মেন্তেনেন্স কেস, সেক্সন ১৩৮কী মখাদা লৈবা এন.আই. এক্ত কেস, ক্রিমিনেল কম্পাউন্দেবল ওফেন্স, মেত্রিমোনিএল দিস্প্যুত (খাইনবা য়াওদনা), তলবকা মরী লৈনবা সর্ভিস মেত্তর, এলাৱেন্স অমসুং রিতাইয়রমেন্ত বিনিফিত, অতৈ সিভিল কেস (ভরা, ইজমেন্তরী রাইত, ইঞ্জংসন সুত, স্পিসিএল পর্ফোর্মেন্স সুতশিং) অসিনচিংবশিংগা মরী লৈনবা কেসশিং লৌখৎখি‍।

নেসনেল লিগেল সর্ভিসসেস ওথোরিতী (এন.এ.এল.এস.এ.)না পায়খৎপা লোক অদালত অসি য়েৎনদুনা লৈবা ৱাফম লোইশিন্নবা অতোপ্পা পাম্বৈ অমনি‍। মসি কোর্ত ওফ লোদা পন্দুনা লৈবা নৎত্রগা প্রি-লিতিগেসন থাক্তা লৈবা য়েৎনবা ৱাফমশিং য়াশিন্নবা পুরক্তুনা ৱারোইশিন পুরক্নবা ফোরম অমনি‍। লিগেল সর্ভিসেস ওথোরিতিজ এক্ত, ১৯৮৭গী মখাদা লোক অদালত্তা স্তেতুতরী স্তেতস পীরি‍। এক্ত অসিগী মখাদা লোক অদালতনা লৌখিবা ৱারেপ অসি সিভিল কোর্ত অমগী য়াথং ওইনা লৌগনি অমদি কাঙবু খুদিংমক্কী অরোইবা ওইগনি, অমসুং অসিগুম্বা ৱারেপ অমগী মায়োক্তা ৱায়েলশঙ অমত্তদা ৱাকৎনিংঙাই লৈতে‍। নেসনেল লোক অদালত অসি থা অহুম অহুম লৈরগা সুপ্রিম কোর্ত্তগী হৌরগা তালুক কোর্ত ফাওবদা কেসশিং (প্রি-লিতিগেসন অমসুং পোসত –লিতিগেসন অনিমক) ৱারোইশিন পুরক্নবা নোংমতদা পাঙথোকই‍।

লাইচৎ অসিনা মরম ওইরগা মীয়ামগী তোঙান তোঙানবা কাঙলুপ্তা য়েৎনবা ৱাফমশিংগী ৱারোইশিন পুরক্নবা এ.দি.আর. ফোরম অসি ফংহনবদা থেংনরিবা শিংনবশিং লাকশিন্নবা লিগেল সর্ভিসেস ওথোরিতিজনা ২০২০দা ভর্চুএল লোক অদালত হায়বদি ই-লোক অদালত হৌদোকখি‍। তেক্নোলোজী শিজিন্নদুনা পাঙথোকপা ই-লোক অদালত অসিনা মখোয়গী য়েৎনরিবা ৱাফমশিংগী ৱারোইশিন পুরক্নবা ফম্পাক অমা মীওই মিলিয়ন কয়াদা পীরি‍। নবেম্বর ২০২০ ফাওবদা, হায়রিবা ই-লোক অদালত অসিগী খুত্থাঙদা কেস ৩,০০,২০০ লোইশিনখ্রে‍।

মখাগী মায় পাকপগী ৱারীশিং অসিনা ১২/১২/২০২০দা পাঙথোকখিবা নেসনেল লোক অদালতনা কমদৌনা য়েৎনরিবা ৱাফমশিংগী মতাঙদা য়াশিন্নবা পুরক্তুনা য়েৎনরিবা মীওইশিংদা মতেং পীবগে হায়বদু উৎলি‍।

এক্সিদেন্ত ভিক্তিম অমগী দিপেন্দেন্তশিংদা ৱাকোংশেল পীবা

লম্বীগী খুদোংথিবা থৌদোক অমদা লৈখিদ্রবা ময়ুম মকৈ পান্দ্রিবা চহী ২২ শুরবা নুপা অমগী দিপেন্দেন্তশিংনা মোতোর এক্সিদেন্ত ক্লেম্স ত্রাইব্যুনেলদা ৱাকোংশেল ফংহনবিনবা এপ্লিকেসন অমা থারকখি‍। ৱাকোংশেলগী ক্লেম অদু ইন্স্যুরেন্স কম্পেনীনা য়েৎলম্মী‍। মরম অসিনা দিপেন্দেন্তশিং অদু য়াম্না খুদোং চাদবা মায়োক্নরম্মী‍। লিগেল সর্ভিসেস ওথোরিতীনা মতম চানা খুৎ থিংজিন্দুনা কেস অদু নেসনেল লোক অদালত্তা ৱারোইশিন পুরকখি অমদি দিপেন্দেন্তশিং অদুদা লুপা ১১,৩০,০০০গী ৱাকোংশেল পীদুনা মখোয়গী মথৌ তারিবা তেংবাং অদু ফংহনখি‍।

ইমুং অমগী লমগী য়েৎনবা ৱাফমগী ৱারোইশিন পুরকখিবা

ইমুংগী লমগী ৱাথোক অমনা ইমুং অনিগী মরক্তা নুংঙাইনদবা ফীভম লৈহনখি‍। কেস অসি লোক অদালত বেঞ্চ কোর্বাদা প্রি-লিতিগেসন থাক্তা পুখৎলকখি‍। হায়রিবা লমগী ৱাথোক অসি নেসনেল লোক অদালতনা লৌখৎখি অমদি প্রি-লিতিগেসন থাক্তা য়াশিন্নবা পুরক্তুনা য়েৎনরিবা অদু লোইশিনখি‍।

য়ুম্বান মরীগী য়েৎনবা ৱাফম য়াশিন্নবা পুরকখিবা

নেসনেল লোক অদালত অসিদা য়ুম্বান মরীগা মরী লৈনবা কেসশিংসু মায় পাক্না লোইশিনখি‍। অসিগুম্বা কেস অমদা য়ুম্বান মরীদা তংদু লৈতাদবা লৈরমখিবা মতৈ মনাউ অনিগী ৱাফম য়াশিন্নখি‍। নুপা অদুনা কঞ্জুগেল রাইত থিংজিন্নবা ওরিজিনেল সুত অমা থারকখি‍। ৱাফম অসি চালিবাসাদা লৈবা ৱেস্ত সিংহভুমগী ফেমিলী কোর্তকী প্রিন্সিপাল জজকী মনাক্তা পন্দুনা লৈরমখি‍। ৱাফম অদু নেসনেল লোক অদালত্তা পুখৎলবা মতুংদা মতৈ মনাউগী মরক্তা লৈরমবা য়েৎনবা ৱাফমদুগী ৱারোইশিন পুরকখি‍। নুপী অদুনা পেতিস্নর ওইরিবা মাগী মপুরোইবগী মনাক্তা লৈবদা য়াখি‍।

ৱাকোংশেলগী ক্লেমগী পেতিস্নরদা তেংবাং ফংহনবা

নেসনেল লোক অদালতকী খুত্থাঙদা মহাক্কী দুকান্দা থোকখিবা হুরান চিন্থিগী থৌদোক অমগী মতাঙদা ইন্স্যুরেন্স কম্পেনীদগী কম্পেন্সেসন তান্নবা চহী কয়া হোৎনরবা মতুংদা রিলিফ ফংহনখি‍। চহী কয়াগী মমাঙদা মহাক্কী মায়কৈদা তাখিবা য়াথং অমদা মাগী মফমদা চাদা ৬গী শেন্দোয়গা লোয়ননা লুপা ১৩,৫৩,২৮৬ ফংহন্নবা হায়খ্রবসু ইন্স্যুরেন্স কম্পেনীনা শেন্ফম অদু পীথোকপদা থিন্থখি‍। মদুগী মতুংদা মহাক্না দি.এল.এস.এ., দিওঘরদা ইন্স্যুরেন্স কম্পেনীগা য়েৎনরিবা মহাক্কী ৱাফমদুগী মতেং নিবা চৎখি‍। ৱাফম অদু ১২.১২.২০২০দা পাঙথোকখিবা নেসনেল লোক অদালত্তা লোইশিনখি অমদি লুপা ১৩,৫৩,২৮৬কী চেক অমা ৱাকৎলক্লিবা মীওইদুদা ফংহনখি‍।

******