ভারতনা মহাক্কী ইহেল্থকী খোঙচৎতা অচৌবা তানফম অমা লান্থোকখ্রে। হকশেল মন্ত্রালয়গী ইসঞ্জীবনি তেলিমেদিসিন সর্ভিসনা ঙসি তেলি-কন্সল্তেসন মিলিয়ন ১ (লাখ ১০) হেনখ্রে। তেলিমেদিসিন্না ইন্তর্নেৎ শীজিন্নদুনা অৱাপ্পা মফম অমদগী হেল্থ সর্ভিসশিং ফংহনবা ঙম্লি অমসুং মসিনা হেল্থ সর্ভিস য়ৌহনবতা নত্তনা মতম অমদি শেল চৎহনদনা হেল্থ সর্ভিসকী ক্বালিতীসু ফগৎহনবা ঙমখি। ভারত্তা ইসঞ্জীবনি পুথোরকপা অসি চাউখৎলক্লিবা লৈবাক অমনা জাতিগী থাক্তা হেল্থ সর্ভিসশিং ফংহন্নবা দিজিতেলগী ওইবা অওনবাগী অহানবা মখল অমা ওইখি। কোবিদ-১৯গী লাইচৎ মনুংদা ইসঞ্জীবনিনা হেল্থ সর্ভিসশিং ফংহনবদা অচৌবা দিজিতেলগী অওনবা অমা পুরকপদা নত্তনা মসিনা লৈবাক অসিগী দিজিতেল হেল্থ ইকোসিস্তেমসু ফগৎহনখি।

হকশেল মন্ত্রালয়গী ইসঞ্জীবনিগী থৌরাং অসি রাজ্য ২৮ অমদি য়নিয়ন তেরিতরীশিংদা স্ত্রীম অনিদা কান্নবা ফংহল্লি। ইসঞ্জীবনি এ.বি.-ঐচ.দবল্যু.সি.না দোক্তর তু দোক্তর কন্সল্তেসনশিং ফংহল্লি অমসুং রাজ্যশিংনা দিস্ত্রিক্ত হোস্পিতালশিং নত্ত্রগা মেদিকেল কোলেজশিংদা লীংখৎপা হব ২৪০রোমদা স্পেসিএলিস্তশিং অমসুং দোক্তরশিংনা লৈবা হেল্থ এন্দ ৱেলনেস সেন্তর ৬০০০রোমদা মসি শীজিন্নরি। পেরামেদিক্স, দোক্তর অমসুং স্পেসিএলিস্ত ২০,০০০ হেনবদা ইসঞ্জীবনি এ.বি.-ঐচ.দবল্যু.সি. শীজিন্ননবা ত্রেন তৌখি। অনিশুবা স্ত্রীম ইসঞ্জীবনি ও.পি.দি. অসিনা পেসেন্তশিংনা মখোয়গী ময়ুমশিংদা লৈন-লৈনা অরাপ্পদগী হেল্থ সর্ভিসশিং ফংহল্লি। ইসঞ্জীবনি ও.পি.দি.না শোক্ন-শম্নদনা, খুদোংথিবা থোক্তনা অমসুং দোক্তর অমসুং পেসেন্তগী মরক্তা শাফনা মওংদা কন্সল্তেসন ফংহল্লি। মসি পেসেন্তশিং অমসুং সোক্তরশিং অনিমক্তা য়াম্না পাম্নবা ওইখি। দোক্তর ৮০০০রোম ত্রেন তৌখ্রে অমসুং ইসঞ্জীবনি ও.পি.দি. চল্লাই হৌখি অমদি চাংচৎতা দোক্তর ১৫০০রোমনা নুমিৎ খুদিংগী ওনলাইন ও.পি.দি ২২৫রোমদা তেলিমেদিসিন প্রেক্তিস তৌরি মসিগী মনুংদা ১৯০না স্পেসিএলিতী ও.পি.দি.শিংনি অমসুং ৩০রোমনা জেনরেল ও.পি.দি.শিংনি। হন্দক্তা লৈবাক শিনবা থুংনা নুমিৎ খুদিংগী ইসঞ্জীবনিনা পেসেন্ত ১৪,০০০রোমদা কান্নবা ফংহল্লি।

ইসঞ্জীবনি অসি ভারতকী জিলা ৫৫০ হেবদা পেসেন্তশিংনা শীজিন্নরি। ইসঞ্জীবনি শীজিন্নরিবা য়ুজরগী ১০% হেনবদি চহি ৬০ অমদি মথক্কী মীওই ঙাক্তনি। অপুনবা পেসেন্তশিংগী শরুক মরি থোকপগী অমা রোমনা  ইসঞ্জীবনি অমুক্তগী হেন্না শীজিন্নখি। মসিনা মীয়াম্না হোস্পিতালগী ও.পি.দি.শিংদা চৎতুনা দোক্তর তান্নবগী মহুৎ তেলিমেদিসিন অসিনা হেন্না পাম্নবা হৌরক্লে হায়বগী খুদম অমা ওইরি।

হেল্থ সর্ভিসশিং ফংহন্নবগী দিজিতেল মোদেলিতী অসিগী তৌবা ঙম্বা অমসুং খুন্নাইদা পীরিবা কান্নবা অসি য়েংলগা রাজ্য অসিনা ইসঞ্জীবনি ও.পি.দি.গী অনৌবা এপ্লিকেসনশিং দিজাইন তৌখিবনি। কেরেলাদা ইসঞ্জীবনি ও.পি.দি. অসি পলাকাদ দিস্ত্রিক্ত জেলগী বন্দীশিংদা হেল্থ সর্ভিসশিং ফংহনবদা শীজিন্নরি অমসুং হিমাচল প্রদেশতসু মসি ওল এজ হোমশিংদা শীজিন্নরি। লৈবাক শিনবা থুংনা ইসঞ্জীবনি ও.পি.দি.সর্ভিসশিং অথুবদা পাইখৎলকপা অসিনা আয়ুশ অমসুং নেচরোপেথীগুম্বা অতোপ্পা মেদিকেল সিস্তেমশিং য়াওনা মখল কয়াগী স্পেসিএলিতী অমসুং সুপর-স্পেসিএলিতী ও.পি.দি.শিং লোঞ্চ তৌখি। কেরেলানা রাস্ত্রিয়া বাল স্বাস্থ্যা কর‍্যাক্রম – মখোয়গী মীয়ামগী দিস্ত্রিক্ত আর্লী ইন্তরবেন্সন সেন্তরশিংদা হানদগী হৌনা  ইসঞ্জীবনি ও.পি.দি.দা ও.পি.দি.শিং লিংখৎখ্রে। ওনলাইন ও.পি.দি. ১৪ অসিদা সাইকোলোজিস্ত, স্পেসিএল এজুকেতর, স্পীচ থেরাপিস্ত অমসুং ফিজিয়োথেরাপিস্ত অমমম য়াওরি মখোয়না পুন্না অঙাংগী দিবেলপমেন্ত অমসুং মখোয়গী তুংদা ওইরক্কদবা হকশেলগী ফীভমগা মরী লৈনবা সমস্যাশিং পুন্না কোকহল্লি।

রাজ্য সরকারশিংনা আই.তি. সেভী হ্যুমেন অমসুং ইনফ্রাস্ত্রকচরেল রিসোর্সশিং য়াওবা অচৌবা দিজিতেল হেল্থ ইকোসিস্তেম অমা শেমগৎতুনা ইসঞ্জীবনি শীজিন্নবা হেনগৎ্নবা কেন্দ্রগী হকশেল অমসুং য়াইফ য়ুম্বাল মন্ত্রালয়না হোৎনরিবশিং অসিদা মতেং পাংশিল্লি।  মোহলিদা লৈবা হেল্থ ইনফোর্মেতিক্স গ্রুপকী সেন্তর ফোর দিবেলপমেন্ত ওফ এদভান্স কম্প্যুতিংনা ক্লিনিসিয়নশিংদা ত্রেনিং পীবগী মথক্তা ইসঞ্জীবনি ও.পি.দি.গী. দিবেলপমেন্ত, ইমপ্লিমেন্তেসন, ওপরেসনশিং য়াওনা এন্দ-তু-এন্দ তেক্নিকেল সর্ভিসশিং ফংহল্লি। হকশেল মন্ত্রালয়না রাজ্যশিংগা অমদি সি-দেক মোহলিগা তান্নদুনা পেসেন্তশিং অমসুং দোক্তরশিং এম্পাৱর তৌবা হেনগৎনবা ইসঞ্জীবনিগী ফীচরশিং অমসুং ফঙ্কস্নেলিতীশিং হেনগৎনবা লেপ্তনা হোৎনরি।

ইসঞ্জীবনি অমসুং ইসঞ্জীবনি ও.পি.দি. প্লেৎফোর্মশিংগী খুত্থাংদা কন্সল্তেসনশিং য়াম্না তৌখিবা মকোক থোংবা রাজ্য তরা অদুদি তামিল নাদু (৩১৯৫০৭), উত্তর প্রদেশ (২৬৮৮৮৯), মধ্য প্রদেশ (৭০৮৩৮), গুজরাত (৬৩৬০১), কেরেলা (৬২৭৯৭), হিমাচল প্রদেশ (৪৯২২৪), অন্ধ্র প্রদেশ (৩৯৮৫৩), কর্নাতকা (৩২৬৯৩), উত্তরাখন্দ (৩১৯১০) অমসুং মহারাস্ত্রা (১২৬৩৫) হায়রিবশিং অসিনি।

****