ভারতপু শান্নপোৎ মালেমগী পুথোকফম অমদি থাদোকফমগী মফম ওইহন্নবা প্রধান মন্ত্রীগী মঙলানবু মাঙদা পুখৎলদুনা দিপার্তমেন্ত ওফ প্রমোসন ওফ ইন্দস্ত্রী এন্দ ইন্তর্নেল ত্রেদ (দি.পি.আই.আই.তি.), কম্মর্স অমসুং ইন্দস্ত্রী মন্ত্রালয়না লৈবাক শিনবা থুংবদা লমদমসিগী শান্নপোৎ পুথোকপা অমদি য়োনবা হেনগৎহন্নবা খোঙথাংশিংগা লোয়ননা পুম্নমক শুপচিল্লবা এক্সন প্লান অমা শেম্লে‍। শান্নপোৎশিংগী ক্বালিতি পরিং চুম্না লৈহন্নবগীদমক দিপার্তমেন্তনা ক্বালিতী কন্ত্রোল ওর্দর থোকখ্রে‍। য়াথং অসিনা লমদমসিগী শান্নপোৎশিংদা অহেনবা মীৎয়েঙ চঙদুনা মান্নবা ক্বালিতী থম্লগা ‘তীম অপ ফোর তোইজ’পু য়োকখৎনবা ভারত লৈঙাক, স্তেতশিং অমসুং স্তেকহোল্দরশিংনা থোং মান্ননা হোৎনমিন্ননবা পান্দম থম্লি‍।

লৈবাকসিদা ময়ায় ওইরপ্পা, মচা অমদি অপীকপা শান্নপোৎশিং পুথোক্লিবা য়ুনিৎশিংদা ইনোৎ পীননবা পায়খৎলিবা থৌরাংগী শরুক অমা ওইনা দি.পি.আই.আই.তি.না তোইজ (ক্বালিতী কন্ত্রোল) সেকেন্দ এমেন্দমেন্ত ওর্দর, ২০২০ ফোঙলে‍। মসিনা দেভেলপমেন্ত কম্মিস্নর (হেন্দিক্রাফ্ত)তা রেজিস্তর তৌরবা খুৎহৈবশিংনা পুথোকপা অমদি য়োনবা পোৎলমশিং বি.আই.এস. (কন্ফোর্মিতী এসেসমেন্ত) রিগুলেসন্স, ২০১৮গী সিদ্যুল-২গী স্কিম ১গী মতুং ইন্না ব্যুরো ওফ ইন্দিয়ন স্তেন্দর্দকী লাইসেন্স মখাদা স্তেন্দর্দ মার্ক শীজিন্নবদগী কোমথোক্লি‍।

এমেন্দমেন্ত ওর্দর ২০২০ অসিনা জিওগ্রাফিকেল ইন্দিকেসন ওইনা রেজিস্তর তৌরবা পোৎলমশিংসু ইন্দিয়ন তোই স্তেন্দর্দ ইনবা অমদি বি.আই.এস. (সি.এ.) রিগুলেসন্স, ২০১৮গী সিদ্যুল-২গী স্কিম ১গী মতুং ইন্না ব্যুরো ওফ ইন্দিয়ন স্তেন্দর্দকী লাইসেন্স মখাদা স্তেন্দর্দ মার্ক শীজিন্নবদগী কোমথোক্লি‍। দিপার্তমেন্তনা থোক্লিবা গেজেত নোতিফিকেসন অসিনা হায়রিবদি “ওর্দর অসিদা য়াওরিবা ৱাফম অমত্তা রেজিস্ত্রার ওফ জিওগ্রাফিকেল ইন্দিকেসন্স, ওফিস ওফ কন্ত্রোলর জেনেরেল ওফ পেতেন্তস, দিজাইন্স এন্দ ত্রেদমার্ক্স (সি.জি.পি.দি.তি.এম.)না জিওগ্রাফিকেল ইন্দিকেসন ওইনা রেজিস্তর তৌরবা পোৎলম অমগী রেজিস্তর তৌরবা মপুনা পুথোকপা অমদি য়োনবা অমসুং অয়াবা পীরবা শীজিন্নরিবশিংদা চৎনরোই” হায়বসিনি‍।

******