প্রধান মন্ত্রী শ্রী নরেন্দ্র মোদীনা ময়াইগী তাংবল লৌখিবা কেন্দ্রগী মন্ত্রী মন্দলগী মীফমনা ফোর্মেল সেক্তরদা থবক পীবা হেনগৎহন্নবা অমসুং আত্মানির্ভর ভারত পেকেজ ৩.০গী মখাদা কোবিদ রিকবরী ফেজ মনুংদা অনৌবা থবক্কী খুদোংচাবশিং পীবদা পুক্নিং থৌগৎনবা ‌আত্মানির্ভর ভারত রোজগার য়োজনাগী (এ.বি.আর.ৱাই.) অয়াবা পীখ্রে।

চৎলিবা শেনবা চহি অসিগী ওইনা লুপা করোর ১,৫৮৪ অমসুং স্কীম অসিগী অপুনবা মতম হায়বদি ২০২০-২০২৩ ফাওবগী লুপা করোর ২২,৮১০ চাদিং তৌবগী অয়াবা পীখ্রে।

স্কীম অসিগী মপুং ওইবা ৱাফমশিং মখাদা পীরি:

1. ভারত সরকারনা ওক্তোবর ১, ২০২০দা নত্ত্রগা মতুংদা অমসুং জুন ৩০, ২০২১ ফাওবদা এঙ্গেজ তৌখিবা অনৌবা ইমপ্লোইয়ীশিংগী ওইনা চহি অনিগী সবসিদী পীগনি,

2. ভারত সরকারনা ইমপ্লোইয়ী ১০০০ ফাওবা লৈবা ইস্তাব্লিশমেন্তশিংগী অনৌবা ইমপ্লোইয়ীশিংগী ওইনা ইমপ্লোইয়ীগী শরুক্কী ১২% অমসুং ইমপ্লোইয়রগী শরুক্কী ১২% হায়বদি ই.পি.এফ.কী ওইনা খুৎশুমলগী ২৪% চহি অনি থীগনি,
3. ভারত সরকারনা ইমপ্লোইয়ী ১০০০দগী হেন্না লৈবা ইস্তাব্লিশমেন্তশিংগী অনৌবা ইমপ্লোইয়ীশিংগী ওইনা ইমপ্লোইয়ীগী শরুক্কী হায়বদি ই.পি.এফ.কী ওইনা খুৎশুমলগী ১২% অদু খক্তা চহি অনি থীগনি,

4. ওক্তোবর ১, ২০২০ গী মমাংদা ইমপ্লোইয়ীস’ প্রোবিদেন্ত ফন্দ ওর্গনাইজেসন (ই.পি.এফ.ও.)দা রেজিস্তর তৌবা ইস্তাব্লিশমেন্ত অমতদা থবক তৌদবা থাগী খুৎশুমল লুপা ১৫০০০/- দগী তানা ফংবা অমসুং ওক্তোবর ১, ২০২০গী মমাংদা য়ুনিভর্সেল একাউন্ত নম্বর নত্ত্রগা ই.পি.এফ. মেম্বর একাউন্ত নম্বর লৈতবা ইমপ্লোইয়ী অমনা কন্নবা অসি ফংগনি,

5. কোবিদ লাইচৎ মনুংদা ০১.০৩.২০২০দগী ৩০.০৯.২০২০ ফাওবদা থবক তোক্লবা অমসুং ৩০.০৯.২০২০. ফাওবদা ই.পি.এফ.না কভর তৌদবা ইস্তাব্লিশমেন্তদা য়াওদবা থাগী খুৎশুমল লুপা ১৫০০০/-দগী তানা ফংবা য়ুনিভর্সেল একাউন্ত নম্বর (য়ু.এ.এন) লৈবা ই.পি.এফ. মেম্বর অমা হেক্তনা কান্নবা অসি ফংবা য়াগনি।

6. ই.পি.এফ.ও.না মেম্বরশিংগী আধার সীদেদ একাউন্তদা ইলেক্ত্রোনিক্কী মওংদা ক্রেদিৎ তৌগনি,

vii.       ই.পি.এফ.ও.না স্কীম অসিগী সোফৱেয়র অমা দিবেলপ ঔগনি অমসুং ত্রান্সপরেন্ত ওইবা অমদি একাউন্তেবল ওইবা প্রোসিজর অমসু দিবেলপ তৌগনি।

8. এ.বি.আর.ৱাই.গী মখাদা ফংলিবা কান্নবশিংগা ই.পি.এফ.ও.না ইমপ্লিমেন্ত তৌবা অতোপ্পা স্কীম অমতগা পুন্না লৌদনবা ই.পি.এফ.ও.না মোদেলিতী পুথোক্কনি।

******