ప్రపంచ వ్యాప్తంగా రక్షణ, వ్యూహాత్మక ఏజెన్సీల సురక్షితమైన సమాచార మార్పిడి చాలా ముఖ్యమైనది. దీనికి తోడు ఈ నేప‌థ్యంలో ఎప్పటికప్పుడు 'గుప్తీకరణ కీ'ల పంపిణీ కూడా ఒక అతి ముఖ్యమైన అవసరం. వైర్‌లెస్ విధానంలో గాలిలో లేదా వైర్డ్ లింక్‌ల‌పై స‌మాచారం పంచుకోవ‌డానికి గాను ఎన్‌క్రిప్ష‌న్ (గుప్తీకరణ) ఎంతో అవ‌సరం. ఇందుకు గాను ముందుగా ఆ గుప్తీక‌ర‌ణ కీల‌ను పంచుకోవ‌డం కూడా ఎంతో అవ‌స‌రం. క్వాంటమ్‌ ఆధారిత కమ్యూనికేషన్ ఈ త‌ర‌హా కీలను సురక్షితంగా పంచుకోవడానికి ఎంతో బలమైన పరిష్కారాన్ని అందిస్తుంది. డిఫెన్స్ రీసెర్చ్ & డెవలప్‌మెంట్ ఆర్గనైజేషన్ (డీఆర్‌డీఓ) ఈ సాంకేతిక పరిజ్ఞానం అభివృద్ధి కోసం ఈ ప్రాజెక్టును చేపట్టింది. హైదరాబాద్‌లో డీఆర్‌డీఓకు చెందిన రెండు ల్యాబ్‌లు డీఆర్‌డీఎల్‌, ఆర్‌సీఐల మ‌ధ్య ఈ వ్య‌వ‌స్థ ప‌రీక్ష‌లు విజ‌య‌వంత‌పు నిర్వహ‌ణ‌ ద్వారా ‌డీఆర్‌డీఓ రూపొందించిన క్వాంట‌మ్ కీ డిస్ట్రిబ్యూషన్ (క్యూకేడీ) సురక్షితమైన సంభాషణను మెరుగైన‌ది నిలిచింది. త‌ద్వారా ప్రాజెక్టులో ఇది ఒక మేటి మైలురాయిని దాటింది. క్యూకేడీ కమ్యూనికేషన్ వ్య‌వ‌స్థ‌ను విజయవంతంగా ప్రదర్శించినందుకు డీఆర్ఏసీవో బృందాన్ని ర‌క్ష‌ణ‌ మంత్రి శ్రీ రాజ్‌నాథ్ సింగ్ అభినందించారు. ఈ సాంకేతిక పరిజ్ఞానాన్ని బెంగ‌ళూరులోని సీఐఐఆర్ మ‌రియు ముంబైలోని డీవైఎస్ఎల్- క్యూటీ అభివృద్ధి చేశాయి. టైమ్-బిన్ క్వాంట‌మ్‌ కీ డిస్ట్రిబ్యూషన్ (క్యూకేడీ) పథకాన్నిఉపయోగించి క్వాంట‌మ్‌ కమ్యూనికేషన్ వాస్తవిక పరిస్థితులలో జరిగింది. కమ్యూనికేషన్ యొక్క జ్ఞానాన్ని పొందడానికి ప్రయత్నిస్తున్న మూడవ పక్షాన్ని గుర్తించే ధృవీకరణను కూడా ఈ సెటప్ ప్రదర్శించింది. ఈవ్‌డ్రాపింగ్‌కు వ్యతిరేకంగా క్వాంటం ఆధారిత భద్రత 12 కిలోమీటర్ల పరిధిలో మోహరించిన వ్యవస్థకు, ఫైబర్ ఆప్టిక్ ఛానల్‌పై 10 డీబీ అటెన్యుయేషన్‌కు ధృవీకరించబడింది. డిపోలరైజేషన్ ప్రభావం లేకుండా ఫోటాన్‌ల ఉత్పత్తి చేయడానికి నిరంతర వేవ్ లేజర్ మూలాన్ని ఇందులో ఉపయోగించారు. సింగిల్ ఫోటాన్ అవలాంచ్ డిటెక్టర్ (ఎస్‌పీఏడీ) ఫోటాన్ల రాకను నమోదు చేసింది. తక్కువ క్వాంటం బిట్ ఎర్రర్ రేట్‌తో కేబీపీఎస్ పరిధిలో ఈ కీ రేటు సాధించబడింది. డేటా సముపార్జన, సమయ సమకాలీకరణ, పోస్ట్-ప్రాసెసింగ్, క్వాంటమ్‌ బిట్ లోపం రేటును నిర్ణయించడం మరియు ఇతర ముఖ్యమైన పారామితులను సేకరించడం కోసం సాఫ్ట్‌వేర్ అభివృద్ధి చేయబడింది. డీఆర్‌డీఓ వద్ద జరుగుతున్న పని క్వాంటమ్‌ ఇన్ఫర్మేషన్ టెక్నాలజీల డొమైన్‌లో స్టార్టప్‌లు మరియు ఎస్ఎంఈల‌ను ప్రారంభించడానికి ఇది ఎంత‌గానో  ఉపయోగ‌ప‌డుతుంది. ప్రస్తుత మరియు భవిష్యత్ సైనిక క్రిప్టోగ్రాఫిక్ వ్యవస్థల కోసం మరింత సురక్షితమైన మరియు ఆచరణాత్మక కీ నిర్వహణ కోసం ఏకీకృత సైఫర్ పాలసీ కమిటీ (సీపీసీ) ఫ్రేమ్‌వర్క్‌లో క్యూకేడీ వ్యవస్థను ప్రభావితం చేయగల ప్రమాణాలు మరియు క్రిప్టో విధానాలను నిర్వచించడానికి కూడా ఇది ఉపయోగపడుతుంది.