আয়ুশ মিনিস্ত্রী অমসুং এ.আই.আই.এম.এস.না ইন্তেগ্রেতিব মিদিসিনগী দিপার্তমেন্ত অমা এ.আই.আই.এম.এস.তা লিংখৎনবা পুন্না থবক শুবা হৌনবা ৱারেপ লৌখ্রে। হায়রিবা অসি নই দিল্লীগী, এ.আই.আই.এম.এস.তা আয়ুশকী সেক্ত্রেতরী, বাইদ্যা রাজেশ কোতেচা অমসুং সেন্তর ফোর ইন্তেগ্রেতিব মিদিসিন অমসুং রিসর্স (সি.আই.এম.আর.)গী এ.আই.আই.এম.এস.কী দাইরেক্তর, দাঃ রান্দীপ গুলেরিয়া লোয়ননা পুন্না উন্নবা অমসুং হন্না য়েংশিনবা অমদা ৱারেপ অসি লৌখিবনি। সি.আই.এম.আর.না আয়ুশ মিনিস্ত্রীগী সেন্তর ওফ এক্সেল্লেন্সকী মখাদা মশক থোক্লবা মতেং ফংলি।    

দাঃ গৌতম শর্ম্মা, সি.আই.এম.আর.গী মকোক অমসুং আয়ুশ মিনিস্ত্রীগী মকোক থোংবা ওফিসরশিংনা হায়রিবা উন্নবা অসিদা শরুক য়াখি। য়োগা অমসুং আয়ুর্বেদাগী লমদা সি.আই.এম.আর.না পায়খৎপা য়াম্না খুমাং চাওশিনবা রিসর্সশিং অসি হন্না য়েংশিনখি অমসুং রিসর্সশিং অসিনা পুথোরকপশিং অসি য়াম্না পুক্নিং হুখি। আয়ুশ মিনিস্ত্রী অমসুং এ.আই.আই.এম.এস.না সি.আই.এম.আর.তা খুশম্নদুনা তৌরিবা রিসর্সশিং অসিগী মতম শাংদোক্নবা ৱারেপ লৌখি অমসুং খুৎশম্নদুনা পায়খৎলিবা থবকশিং অসি চাওথোকহনখি।    

সি.আই.এম.আর. অসিগী রিসর্সকী থবকশিং, অতোপ্পা থৌওং অমসুং সি.আই.এম.আর.গী থবকশিং অসি লোইশিল্লকপা অসি য়েংলগা কৎথোক্লবা ও.পি.দি. অমসুং আই.পি.দি.গী ফমুং থম্বা অসিনা সি.আই.এম.আর. অসিগী চাওখৎপগী মথং খোঙথাংনি। আয়ুশ সেক্ত্রেতরী অমসুং এ.আই.আই.এম.এস. দাইরেক্তর অনিনা য়ানবা অমা পুরকখি মদুদি সি.আই.এম.আর.দা লৈবা এ.আই.আই.এম.এস.কী অনাবশিং অসিদা থৱাই য়াওবা হেনগৎপা অমসুং রিসর্স তৌরিবশিং অসি হেন্না চাওখৎহনবনা তুংদা কান্নবা কয়া অমা পুরক্কনি। হায়রিবা অসি এ.আই.আই.এম.এস.তা দিপার্তমেন্ত অমা তুং কোইনা লৈহৌনবা কৎথোক্লবা ফেকল্তি অমসুং স্তাফ অমা চংই।      

আয়ুশ সেক্ত্রেতরীনা আয়ুশ মিনিস্ত্রীদা থাজবা পীরি মদুদি কৎথোক্লবা দিপার্তমেন্ত অসি চাওখৎত্রিফাওবা সি.আই.এম.আর.দা লেপ্পা লৈতনা মতেং পীগনি। সি.আই.এম.আর.গী মশক নাইরবা রিসর্সকী ফল অমসুং কোবিদ-১৯গী রিসর্সকী অনৌবা খোঙথাংগী থৌনা হাপ্পা থবকশিং অসিনা মীয়ামগী ওইবা হকশেলদা কান্নবা কয়া পীবা ঙমগনি।

মসিনা লেপথোক্লি মদুদি সি.আই.এম.আর., এ.আই.আই.এম.এস.না কোবিদ মতুং লায়েংবগী থিজিনবদা আয়ুর্বেদা অমসুং য়োগা অসিগা লোয়ননা ইন্তেগ্রেতেৎ প্রোতোকোল অমা শেমদৎপা য়াই। আয়ুশ মিনিস্ত্রীনশু হায়রিবা অসিগা মান্ননা এক্সত্রা মুরেল রিসর্স স্কীমগী মখাদা খুৎশম্নবা য়াই।   

ঝাজর, হারিয়ানাদা লৈবা নেস্নেল কেন্সর ইন্সতিত্যুৎকী ইন্তেগ্রেতেৎ আয়ুশ কেন্সর কেয়র ফেসিলিতি লিংখৎপগী থৌওংশিং অসিশু য়েংশিনখি। হায়রিবা অসি অমুক হন্না য়েংশিন্নবা অমসুং সেন্তর অসিবু য়াম্না থুনা লিংখৎনবা অমসুং মথৌ হৌনবা থবকশিং য়াংশিল্লগনি।

মকোক থোংবা তীম অমা সি.আই.এম.আর. চৎখি অমসুং সি.আই.এম.আর.দা কোবিদ ১৯গী রিসর্সকী থবকশিংদা শরুক য়াখি।  আয়ুশ সেক্ত্রেতরী অমসুং এ.আই.আই.এম.এস. দাইরেক্তরনা  সি.আই.এম.আর.গী স্তাফশিংগা চৎমিন্নদুনা য়াম্না ফবা মখলগী ত্রীৎমেন্ত অমসুং রিসর্স পুথোক্লি।

***************