২০২০গী দিসেম্বর ১২দগী ১৮ ফাওবা পাংথোক্কদবা সেনির ইন্দিবিজুএল ৱার্ল্দ কপতা ভারতকী মহুৎশীন্দুনা শরুক য়ানবা মীওই ৪২গী কাংবু অমা(রেস্তলর ২৪, কোচ ৯, সপোর্ত স্তাফ ৩ অমসুং রেফিরি ৩) সর্বিয়াগী বেলগ্রেদতা চৎলগনি। কোরোনাভাইরস লাইচৎনা মরম ওইদুনা মার্চতগী লৈবাক শীনবা থুংনা লোকদাউন থমখিবা মতুংদা ভারতকী রেস্তলরশিংনা মালেমগী চাংদম্নবদা শরুক য়াবা অসি মসিনা অহানবনি।

অপুনবা লুপা লাখ ৯০ চঙনা তুর্নামেন্ত অসি শরুক য়াবগী অয়াবা সরকারনা পীরে অমসুং শেনফম অসিদা এয়র তিক্কেতশিং, লৈফম অমসুং চাফম, য়ুনাইতেদ ৱার্ল্দ রেস্তলিং লাইসেন্স ফি, ভিসা ফি অমসুং শান্নরোয়শিং, কোচশিং অমসুং রেফেরিশিংগী এল্লাউএন্সশিং য়াওরে।

তুর্নামেন্ত অদুদা মখাগী শান্নরোয়শিং অসি শরুক য়াগনি:

নুপাগী ফ্রিস্তাইল: রবি কুমার(কেজি ৫৭), রহুল অৱারে(কেজি ৬১), নবিন(কেজি ৭০), গৌরব বলিয়ান(কেজি ৭৯), দিপক পুনিয়া(কেজি ৮৬), সত্যবার্দ করিয়ান(কেজি ৯৭) সুমিৎ(কেজি ১২৫)

নুপাগী গ্রেকো-রোমান: অর্জুন হালাকুর্তি(কেজি ৫৫), গ্যানেন্দর(কেজি ৬০), সচিন রনা(কেজি ৬৩), অসু(কেজি ৬৭),অদিত্যা কুন্দু(কেজি৭২), সাজন(কেজি ৭৭), সুনিল কুমার(কেজি ৮৭), হারদিপ(কেজি ৯৭) নবিন(কেজি ১৩০)

নুপীগী : নিরমালা দেবী(কেজি ৫০), পিনকি(কেজি ৫৫), অন্সু(কেজি৫৭), সরিতা(কেজি ৫৯), সোনম(কেজি৬২), সকসি মালিক(কেজি৬৫), গুরসরন প্রিত কৌর(কেজি ৭২), কিরন(কেজি ৭৬)নি।

বাজরাং পুনিয়া(নুপাগী কেজি ৬৫গী ফ্রিস্তাইল), বিনেস ফোগাত(নুপীগী কেজি ৫৩), রবি কুমার অমসুং দিপক পুনিয়ানা ভারতকী অপুনবা ওলেম্পিক কোতা মরি ফংলে। ২০২১গী মার্চতা পাংথোক্কদৌরিবা এসিয়ান ক্বালিফিকেসন তুর্নামেন্ত অমসুং ২০২১গী এপ্রিল ২৯দগী মে ২ ফাওবা পাংথোক্কদবা ৱার্ল্দ ক্বালিফিকেসন তুর্নামেন্তদা লেমহৌরবা কোতা ফংনবা শান্নরোয়শিংগী খুদোংচাবা অনি লৈরি।

*****