হকশেল অমসুং য়াইফ-য়ুম্বাল মন্ত্রালয়না লৈবাক অসিদা কোবিদ ১৯ শন্দোকপা লাকশিন্নবা ঙাক্না চৎকদবা ঙাকথোক্না অমসুং চেকশিল থৌরাংশিংগী স্তেন্দর্দ ওপরেতিং প্রোসিজরশিং (এস.ও.পি.শিং) থোকখ্রে। মখোয় অদু মখাদা পীরি:

১. বেকগ্রাউন্দ

হকশেল মন্ত্রালয়না কৈথেলগী মফমশিং অসি মশিং য়াম্লবা মীয়াম্না মখোয়গী নুমিৎ খুদিংগী তঙাই ফদবশিংগী, পোৎ লৈনবগী, হরাও-ফিয়োংগী অমসুং চান্নবা চীঞ্জাক্কীদমক্তা চৎলি হায়বা ৱাফম অসি খঙলদুনা কোবিদ-১৯ শন্দোকপা লাকশিন্নবা প্রোতোকোল অমা শেমখ্রে। কোবিদকী লাইচৎ অসিগী চৈরক অসিদা শেন্মীৎলোনগী থবক থৌরমশিং তপ্না-তপ্না হাংদোরক্লি, কৈথেলশিংদা মী তিনবা হেনগৎলক্লি। অসিগুম্বা মী য়াম্না তিনবা মফমশিংদা কোবিদ১৯গী চুনবা চৎন-লোনচৎশিং ঙাক্না চৎতবা অসিনা কোরোনাভাইরসকী লাইনা অসি শন্দোকপা য়াবগী ফীভমদা লৈ।

২. স্কোপ

দোক্যুমেন্ত অসিদা কোবিদ-১৯ শন্দোকপা ঙাকথোক্নবা কৈথেলগী মফমশিংদা অখন্নবা থৌরাংশিং লৌখৎপগী মথক্তা মখল কয়াগী চেকশিল থৌরাংশিং অদু য়াওরি। গাইদলাইনশিং অসি রিতেল অমসুং হোল্সেলগী কৈথেল অনিমক্তা চৎনকনি। অচৌবা কৈথেল খরদা মোলশিং/হাইপরশিং/সুপরমার্কেৎশিং লৈবসু য়াই।

অসিগুম্বা ইস্তাব্লিশমেন্তশিংগীদমক্তা হকশেল অমসুং য়াইফ-য়ুম্বাল মন্ত্রালয়না মমাংদা গাইদলাইনশিং থোকখিবা (https://www.mohfw.gov.in/pdf/4SoPstobefollowedinShoppingMalls.pdf দা ফংবা) অদু চৎনগনি।

অসিগুম্বা কৈথেলগী মফমশিংদা লৈবা রেস্তোরেন্তশিংগীদমক্তা হকশেল অমসুং য়াইফ-য়ুম্বাল মন্ত্রালয়না মমাংদা গাইদলাইনশিং থোকখিবা (https://www.mohfw.gov.in/pdf/3SoPstobefollowedinRestaurants.pdf) অদু চৎনগনি।

মসিগা চপ মান্ননা ওফিসশিং, ধর্মগী ওইবা মফমশিং/লাইখুরুমফমশিং, ত্রেনিং ইন্সতিত্যুতশিং, য়োগ ইন্সতিত্যুতশিং অমসুং জিমনাসিয়ম, সিনেমা হোলশিং/থিএতরশিং অমসুং কৈথেলশিং অসিগী শরুক ওইবা অতোপ্পা অখন্নবা থবক থৌরমশিং নত্ত্রগা কৈথেলগী কম্প্লেক্সকী মনুংদা লৈবশিং অসিগীদমক্তা মন্ত্রালয়না মতম-মতমগী মতুং ইন্না থোকপা অখন্নবা গাইদলাইনশিং চৎনগনি।

কন্তেনমেন্ত জোনশিংদা লৈবা কৈথেলগী মফমশিং অদুমক থোং লোনগনি। কন্তেনমেন্ত জোনশিংগী ৱাংমদা লৈবা খক্তমক হাংবা য়াগনি।

৩. খুদোংথিবা য়াবা মীওই কাংলুপশিং চেকশিনবা

তঙাই ফদবা অমসুং হকশেলগী ওইবা হিরমশিং নত্তনা চহি ৬৫তগী মথক, কোমোর্বিদিতীশিংগা লোইনরিবা মীওইশিং, মীরোনবী নুপীশিং অমসুং চহি ১০গী মখাগী অঙাংশিং য়ুমদগী হেন্দোক্তবা।  কৈথেল মপুগী এসোসিএসনশিংদা মসিগী মতুং ইন্না য়াথং পীগনি।  

খুদোংথিবা য়াবা ইমপ্লোইয়ীশিং মদুদি অহল ওইরবা ইমপ্লোইয়ীশিং, মীরোনবী ইমপ্লোইয়ীশিং অমসুং মেদিকেল কন্দিসনশিং লৈবা ইমপ্লোইয়ীশিংনা অহেনবা চেকশিল থৌরাং লৌখৎকদবনি।

মার্কেৎ এসোসিএসনশিংদা অসিগুম্বা মীওইশিং অসি মীয়ামগা শোক্না শম্নবা মথৌ তাবা ফ্রন্ত-লাইনগী ওইবা থবক অমত্তা তৌহনদনবা খঙহনগনি।

৪. বিদকা চুনবা চৎন-লোনচৎ থৌগৎপা

কোবিদ-১৯গী খুদোংথিবা হন্থহন্নবা অচম্বা পব্লিক হেল্থকী খোঙথাংশিং ঙাক্না চৎপা তাই। খোঙথাংশিং অসি দুকান অমসুং ইস্তাব্লিশমেন্তগী মপুশিং, লাক্লিবা মীওইশিং অমসুং শিন্মীশিংনা মতম পুম্বদা ঙাক্না চৎপা মথৌ তাই।

খোঙথাংশিং অসিদা য়াওরিবা অদুদি:

i.ওইথোকপা য়ারিবা মখৈ য়ামদ্রবদা ফীৎ ৬কী ফিজিকেল দিস্তেন্সিং থম্বা।

ii. ফেস কভরশিং/মাস্কশিং শোইদনা শীজিন্নবা।

iii. মোৎত্রবসু তোইনা সাপোন্না খুৎ হাম্বা (য়ামদ্রবদা সেকেন্দ ৪০-৬০ ফাওবা)। দুকানশিংগী মপান্দা অমসুং ওইথোকপা য়াবা অতোপ্পা মফমশিংদা অলকোহোল-বেজ হেন্দ সেনিতাইজরশিং (য়ামদ্রবদা সেকেন্দ ২০ ফাওবা) শীজিন্নহনবা।

iv. লোক খুবা অমদি হাকথি খনবগী কাংলোনশিং চেকশিন্না ঙাক্না চৎপা। মসিদা লোক খুবা/হাকথি খনবা মতমদা কনাগুম্বা অমগী চিন অমদি নাতোন অদু তিসুনা/ রুমালনা শীজিন্নদুনা খুমজিনবা / খুৎদাংনা খনবা অমসুং শীজিন্নরবা তিসুশিং মফম চানা হুন্দোকপা য়াওরি।

v. মীপুম খুদিংনা ইশানা ইশাগী হকচাং য়েংশিনজবা অমসুং রাজ্য অমদি জিলাগী লৈরিবা হেল্পলাইন্দা মখল অমা হেক্তগী অনাবা অদু ঙন্না রিপোর্ত তৌবা

vi. তিন শিনপদা অথিংবা থম্বা।

vii. মীপুম খুদিংদা আরোগ্যাসেতু এপ ইনস্তোল তৌহনবা অমদি শীজিন্নহনবা।

৫. কৈথেলগী মফমশিংগী অকোইবগী ফীভম ফনা থম্বা

মহৌশাগী মতমদা কৈথেলশিং অসি অয়াম্বনা মী য়াম্না তিল্লি, সেনিতেসনগী খুদোংচাবশিং মরাং কাইনা লৈতে অমসুং লুনানবা ৱাৎলি। কোবিদ শন্দোকপগী খুদোংথিবা হন্থহন্নবা কৈথেলগী মফমশিংগী অকোইবগী ফীভম ফনা থম্বা য়াম্না মরু ওই।

মসিদা য়াওরিবশিং:

i. নোংমগী থবক থৌরমশিং হৌদ্রিঙৈ মমাংদা দুকানগী মনুংদা লৈরিবা থবক তৌফমশিং দুকান মপুশিংনা সেনিতাইজ তৌথোকপা (সোদিয়ম হাইদ্রোক্লোরাইৎ সোলুসনগী ১% শীজিন্নদুনা)।

ii. তোইনা পাইবা অমদি শোকপা মফমশিং (থোংগী খুৎ পাইফমশিং/হেন্দলশিং, ইলিবেতরগী বত্তনশিং, হেন্দ রেলশিং তেবল ফীদা, কাউন্তরশিং অসিনচিংব) অমসুং লৈমাইশিং, ফকলাংশিং অসিনচিংবা অসি দুকান হাংদ্রিঙৈ মমাংদা, লোশিনলমদাইগী মতমদা অমদি অতোপ্পা মতমশিংদা শেংদোকপা অমসুং চাং নাইনা দিসইনফেক্সন তৌবা।

iii. দুকানশিংগী চংফমশিংদা শোইদনা হেন্দ হাইজিন (সেনিতাইজর দিস্পেন্সর) থম্বা।

iv. পার্কিং লোৎশিংদা ইমপ্লোইয়ীশিংনা কারশিং থৌজিনবা মফমশিংদা গারি অদু অমুক হন্না শীজিন্নদ্রিঙৈ মমাংদা গারি মপুনা গারি অদুগী স্তীয়রিং, থোংগী হেন্দলশিং, শো অসিনচিংবা মপুং ফানা দিসইনফেক্সন তৌবা।

v. পব্লিক য়ুতিলিতী অমসুং অহাংবা মফমশিং সোদিয়ম হাইদ্রোক্লোরাইৎ সোলুসনগী ১%গা লোইননা সেনিতাইজ তৌবা। মসি চাং নাইনা পাঙথোক্কদবনি।

vi. তোইলেৎশিং, খুৎ হামফম অমসুং ঈশিং থক্নবা স্তেসনশিংদা য়ামদ্রবদা ৩-৪ ফাওবা নুমিৎ খুদিংগী শেংনা শেংদোক্কদবনি।

vii. মার্কেৎ এসোসিএসনশিংনা পব্লিক য়ুতিলিতীগী মফমশিং অমসুং অহাংবা মফমশিং অসি মখোয় মশাগী পাম্বৈশিং অমসুং লোকেল অর্বান বোদীশিং/সিবিক এজেন্সীশিংগী খুত্থাংদা অকোইবগী ফীভম ফনা থম্নবা হোৎনবা।

অকুপ্পা মরোল য়াওবা গাইদলাইনশিং মসিদা ফংঙি

https://www.mohfw.gov.in/pdf/Guidelinesondisinfectionofcommonpublicplacesincludingoffices.pdf

৬. কৈথেলগী মফমশিংদা কোবিদকা মরী লৈনবা চুনবা চৎন-লোনচৎশিং থৌরাং তৌবা

৬.১ কৈথেলগী মফমশিংদা কোবিদকা চুনবা চৎন-লোনচৎশিং ইশানা ঙাক্না চৎপা  

কোবিদকা চুনবা চৎন-লোনচৎ অসি কৈথেলগী মফমশিংদা মার্কেৎ এসোসিএসনশিংগী খুত্থাংদা খোঙথাং মশিং কয়াগী খুত্থাংদা ইশানা ঙাক্না চৎহনবা, মখোয় অদুদি:

i. কৈথেলগী মফমশিংদা কোবিদকা চুনবা চৎন-লোনচৎশিং ঙাক্নবা চৎনহন্নবা অমসুং য়েংশিন্নবা কৈথেল অমমমগী সব-কম্মিতি অমা শেম্বা (দুকানশিং অমসুং ইস্তাব্লিশমেন্তশিংগী মনুং অমসুং মপান্দা)।

ii. চংফম অমসুং পার্কিং লোৎশিংদা সরকারনা অয়াবা পীখ্রবা মমলশিংদা মাস্ক দিস্পেন্সিং কিওস্কশিং থম্বা।

iii. লৈবা ঙমজদবশিংদা লেম্না মাস্কশিং য়েন্থোক্নবা খুদোংচাবা।

iv. পব্লিক য়ুতিলিতীগী মফমশিংদা খুৎ হাম্নবা স্তেসনশিং থম্বা অমসুং সাপোন অমদি ঈশিং ফংহনবা। খোংনা নেৎলগা চল্লাইবা তেপশিং শীজিন্নবা অমসুং শোক্তনা লৌবা য়াবা সাপোনগী দিস্পেন্সরশিং থম্বা।

v. কৈথেলগী চংফম/এক্সেস পোন্তশিংদা মীয়ামগী থর্মেল স্ক্রীনিং থম্বা।

vi. পব্লিক য়ুতিলিতীগী মফমশিংগী সেনিতাইজেসন তৌনবা থর্মেল গনশিং, সেনিতাইজরশিং, দিসইনফেক্তেন্তশিং লৈশিনবা।

vii. উগদবা মফমশিংদা কোবিদকা চুনবা চৎন-লোনচৎকী মতাংদা আই.ই.সি.গী মেতরিএলশিং অমসুং সাইনেজশিং থেৎপা।

৬.২ এনফোর্সমেন্ত এজেন্সীশিংনা কোবিদকা চুনবা চৎন-লোনচৎশিং ঙাক্না চৎহনবা

ইশানা ঙাক্না চৎপগী এপ্রোচ অসি শোইরবা নত্ত্রা কান্নবা ফংদ্রবা, থৌরাং অসিদা মথৌ তাবা মফমদা এনফোর্সমেন্তগী এক্সনশিংসু পাইখৎপা। মসিদা য়াওরিবা অদুদি:

i. মাস্ক/ফেস কভর উপ্তবা নত্ত্রগা ফিজিকেল দিস্তেন্সিংগী কাংলোনশিং ঙাক্তবা মীওইশিং ফাইনশিং/পেনাল্তী থিহনবা

ii. কৈথেলশিং/দুকানশিং নোংমা কাল্লগা নোংমা ফম্বা য়াহন্নবা ওপ্সন পুথোকপা

iii. কৈথেলগী ইপিদেমিওলোজিকেলগী মরীশিং লৈবা থেংনবা কেসশিং মশিং য়াম্না রিপোর্ত তৌরকপা কৈথেলশিং এদমিনিস্ত্রেসন্না থোং লোনহনবা।

6.3 কৈথেলশিংদা হাংলিবা দুকান মপুশিং/য়ুতিলিতীশিংনা কোবিদকা চুনবা চৎন-লোনচৎ ঙাক্না চৎনবা থৌরাং তৌবা

মপুংশিংনা মসি তৌবা:

i. দুকানশিং/য়ুতিলিতীশিংগী মনুং অমসুং মপান্দা য়ামদ্রবদ ফীৎ ৬কী ফিজিকেল দিস্তেন্সিং তৌনবা লৈমাইদা অখন্নবা লৈয়িশিং য়েকপা।

ii. দুকানশিং/য়ুতিলিতীশিংগী মনুং অমসুং মপান্দা মী পরেং ওইনা লেপ্পদা য়েংশিনবা।

iii. ফিজিকেল দিস্তেন্সিংগী কাংলোনগী মতুং ইন্না মীশিং পরেংদা লেপ্লিবরা হায়বা য়েংশিন্নবা পর্সনেলশিং মরাং কাইনা থম্বা।

iv. মাস্কশিং য়াওদনা দুকানশিং/য়ুতিলিতীশিংদা চংলকপা ক্লাইন্তশিংদা মরোল অহুমগী মাস্কশিং/ফেস কভরশিং পীবগী খুদোংচাবা থম্বা।

v. লাক্লিবা মীওইশিংগী খুৎশা সেনিতাইজ তৌনবা দুকান/ইস্তাব্লিশমেন্তগী চংফমদা হেন্দ সেনিতাইজরশিং থম্বা। ওইথোকপা য়ারবদি শিন্মীশিং অমসুং ক্লাইন্তশিংগী হকচাংগী তেম্পরেচর ওন্নবা থর্মেল স্ক্রীনিং থম্বা।

vi. য়ারবদি কন্তেক্ত-লেস পেমেন্তগী শিল-লাংবা।

৬.৪. নুংশিৎ-নুংশা চংহনবা

i. ওইথোক্লবদি মশাগী ওইনা নুংশিৎ-নুংশা চংহনবা অমসুং অপীকপা কাশিং শীজিন্নদবা।

ii. থোকনাও অমসুং থোঙ হাংদুনা, ফেনশিং শীজিন্নদুনা নত্ত্রগা অতোপ্পা পাম্বৈশিংনা য়ারবদি মপালদগী নুংশিৎ চংহনবা হেনগৎহনবা।

iii. থোঙ-থোকনাও লোনবা মফমশিংদা এয়র-কন্দিস্নিং/ভেন্তিলেসনগীদমক্তা সি.পি.দবল্যু.দি.গী গাইদলাইনশিং ঙাক্না  চৎতুনা এয়র-কন্দিস্নিং দিবাইসশিংগী তেম্পরেচর অসি ২৪-৩০০ সি.গী মনুংদা থম্বা, রিলেতিব হ্যুমিদিতী ৪০-৬০%গী মনুংদা থম্বা, য়ারিবা মখৈ অশেংবা নুংশিৎ চংহনবা অমসুং ক্রোস ভেন্তিলেসন মরাং কাইনা থমগদবনি। থাগৎত্রিঙৈ মমাংদা এয়র হেন্দলিং য়ুনিৎ শেংদোকপা মথৌ তাই।

৬.৫. মী চিনবা লাকশিনবা

মীগী মশিং অসি মতম পুম্বদা চপ মান্ননা লৈতে। মসি ৱীকদেশিংদা নুমিদাংগী মতমদা মহৌশানা চিল্লি। ৱীকএন্দশিং অমসুং ছুতিশিংদা কৈথেলগী মফমশিং অসি নুমিৎ চুপ্পা নুমিংদাং ফাওবা মী য়াম্না চিল্লি। মী চিনবা নুমিৎশিং/পুংশিংগী মতুং ইন্না অখন্ননা থৌরাং তৌগনি। মার্কেৎ এসোসিএসনশিংগা লোইননা চুংশিন্নদুনা লো এনফোর্সিং এজেন্সীশিংনা মী চিনবা লাকশিন্নবা লালোং কয়া শিন্দোকপা য়াই।

মসিদা য়াওরিবা অদুদি:

i. সিবিল দিফেন্স ভোল্যুন্তীয়রশিং/হোম গার্দশিং/ভোল্যুন্তীয়রশিং মী চিনবা য়েংশিন্নবা শীজিন্নবা।

ii. গারি চংবদা অথিংবা থম্নবা পার্কিং লোৎশিংদা কন্ত্রোল তৌবা।

iii. ওইথোক্লবদি তোখাইবা চংফম অমসুং থোকফম থম্বা লোইননা লাক্লিবা মীওইশিংগী য়ুনিদাইরেক্সনেল ফ্লো লৈহনবা।

iv. কৈথেলগী মফমশিংদা লৈরিবা লম্বীশিং গারি চংহনদবা (সাইকল/ই ইলেক্ত্রিক রিকশোশিং য়াওনা) অমসুং য়ারিবা মখৈ খোঙনা চৎপশিং/ বাইসাইকলশিংগী খক্তা ওইহনবা।

v. লো এনফোর্সিং ওথোরিতীশিংনা কৈথেলগী লম্বীশিংদা আইননা য়াদনা পার্কিং তৌবদা পেনেল এক্সন লৌখৎপা য়াই।

vi. পীরিবা পার্কিং লোৎশিংদা খক্তা গারি খাম্বা য়াহনবা। পার্কিং লোৎশিং অমসুং মফম অদুগী ৱাংমদা মপুং ফানা মী চিনবা লাকশিনবা – ফিজিকেল দিস্তেন্সিংগী কাংলোনশিং ঙাক্না চৎহনবা।

vii. মী কা হেন্না চিনবা য়েংশিন্নবা সি.সি.তি.ভি. মোনিতরিং তৌবা য়াই।

viii. দুকানশিং/য়ুতিলিতীশিংগী মতম খাইদোক্তুনা মখোয়না মতম শাংনা হাংবা য়াহন্নবা হোৎনবা য়াই।

ix. লোকেল মেত্রো রেল স্তোপেজশিংগী স্তেসনশিং কৈথেলদা হকথেংননা চংবা অখন্নবা কেসশিংদা মপুং ফানা মী চিনবা লাকশিনবা।

x. গ্রোসরীশিং/পোৎলমশিং ওনলাইন্দা বুকিং তৌবা য়াবা অমদি য়ুমদা দেলিবরী তৌবগী খুদোংচাবা লৈহনবা। ভেন্দরশিংনা মখোয়গী হোম দেলিবরী স্তাফ অসি হোম দেলিবরীশিং তৌদ্রিঙৈ মমাংদা থর্মেল স্ক্রীন তৌবা।

xi. মী তিনদবা পুংশিংদা পোৎ লৈবা লাকপশিংদা কান্নবা/দিসকাউন্তশিং পীবা য়াই।

৬.৬ এৱের্নেস পীবা

i. কৈথেলগী মফমগী মীনা উগদবা মফমশিংদা কোবিদ-১৯গী মায়োক্তা চেকশিল থৌরাংশিংগী পোস্তরশিং/স্তেন্দীশিং/এ.ভি. মীদিয়া দিস্প্লে তৌবা। বেন্তেজ পোইন্তশিংদা তৌগদবা অমদি তৌরোইদবশিং দিস্প্লে তৌবা।

ii. চেকশিল থৌরাংশিং অমদি কোবিদকা চুনবা চৎন লোনচৎকী রেকোর্দ তৌরবা মেসেস অদু এ.ভি. সিস্তেমশিংগী খুত্থাংদা থাদোক্নবা কৈথেলগী মফমশিংদা ইনস্তোল তৌবা।

iii. দুকানশিংগী মোবাইল এপ্লিকেসন নত্ত্রগা ৱেবসাইৎতা, করিগুম্বা লৈরবদি, মদুগী লেন্দিং পেজতা কোবিদ-১৯গী চেকশিল থৌরাংশিং দিস্প্লে তৌবা। ৱেবসাইৎ/মোবাইল এপ্লিকেসন অদুনা লাক্লিবা মীওইশিংদা মশানা হকচাং য়েংশিন্নবা অমসুং কোবিদ-১৯গী লাইওং উৎলবদি কৈথেলদা লাক্তনবা পাউতাক পীগদবনি।

iv. মীনা উবা মফমশিংদা স্তেৎ হেল্পলাইন নম্বরশিং অমসুং লোকেল হেল্থ ওথোরিতীশিংগী নম্বরশিংসু দিস্প্লে তৌবা।

৬.৭. কোবিদকা মরী লৈনবা সপ্লাইশিং ফংহনবা

i. ফেস কভরশিং/মাস্কশিং, অমসুং অতোপ্পা হেন্দ সেনিতাইজরশিং, সাপোন, সোদিয়ম হাইদ্রোক্লোরেৎ সোলুসন(১%) অসিনচিংবা লোজিস্তিক্স অসিগুম্বা পর্সনেল প্রোতেক্তিব দিভাইসশিং মপুং ফানা শিল লাংদুনা ইমপ্লোইয়ীশিংগী মথৌ তারকপদা পীনবা দুকান মপুংশিংনা থমগদবনি। পব্লিক য়ুতিলিতী মফমশিংগী সেনিতাইজেসন তৌনবা হায়রিবা অসি মার্কেৎ এসোসিএসনশিংনা লৈশিনগনি।াাইস্লে ত

ii. মথৌ ফজনা তৌবা ঙমগদবা থর্মেল গনশিংগী সপ্লাই মরাং কাইনা তৌবা।

iii. সি.পি.সি.বি. গাইদলাইনশিংগী মতুং ইন্না ৱেস্তশিং মেনেজ তৌনবা দস্তবিনশিং অমসুং ত্রাশ কেনশিং মশিং মতিক চানা লৈহনবা (https://cpcb.nic.in/uploads/Projects/BioMedical-Waste/BMWGUIDELINES- COVID_1.pdf দা ফংবা)

৭. কৈথেল মফমশিংদা শাফনা থম্বা

i. কন্তেনমেন্ত জোনশিংদা লৈবা দুকান মপুশিং, ইমপ্লোইয়ীশিং অমসুং লাক্লিবা মীওইশিং কৈথেলগী মফমশিংদা চংবা য়াহন্দবা।

ii. দুকানশিংগী চংফমদা ইমপ্লোইয়ী/লাক্লিবা মীওই পুম্নমক শোইদনা হেন্দ হাইজিন (সেনিতাইজর দিস্পেন্সর) অমসুং থর্মেল স্ক্রীনিং শোইদনা তৌবা। দুকান মনুংশিংদা লাইওং উৎতা ইমপ্লোইয়ীশিং/লাক্লোই উলিবা মীওইশিং খক্তা চংবা য়াহনবা।সুং াইজর দিস্পেন্সরইদনা হেন্দ আইজ

iii. ফেস কভর/মাস্কশিং শীজিন্নরবা মতমদা খক্তা ইমপ্লোইয়ীশিং/লাক্লিবা মীওইশিং চংবা য়াহনবা। দুকানশিংগী মনুং অমসুং মপানদা মতম পুম্বদা ফেস কভর/মাস্ক উপকদবনি।

iv. য়ামদ্রবদা ফীৎ ৬কী ফিজিকেল দিস্তেন্সিং থমদুনা চংফমদা পরেং ওইনা লেপ্পা মতমদা লাক্লিবা মীওইশিং লাপ্না-লাপ্না লেপহনবা।

v. দুকানগী মনুংদা কস্তমরশিংগী মশিং য়ামহনদনা ফিজিকেল দিস্তেন্সিংগী কাংলোনশিং ঙাকপা।

vi. করিগুম্বা দুকানশিংগী মনুংদা ফমনবা মফম লৈরবদি মদু চৌক্রি, ফান অসিনচিংবগী মরক্তা ফীৎ ৬কী অরাপ্পা থম্বা

vii. ইলিবেতরশিংদা তোংবা মীওইগী মশিংদা অকক্নবা ওইহনদুনা ফিজিকেল দিস্তেন্সিংগী কাংলোনশিং ঙাকপা

viii. ইকালেতরশিংদা মীওই অমা নত্ত্রগা স্তেপ অমা কাল্লগা শীজিন্নবা।

ix. দুকান ফমলিবা মীওই/স্তাফমা তোইনা খুৎ হাম্বা/ হেন্দ সেনিতাইজর শীজিন্নবা।

*****