লেফতিনেন্ত জেনরেল এস.কে. সাইনীনা দিসেম্বরর ০২, ২০২০দা ভর্চুএল প্লেৎফোর্ম অমগী থোংদা “সেক্যুরিতী চেলেঞ্জেস পোস্ত কেবিদ-১৯ পেন্দমিক” হায়বা হিরমসিদা নেস্নেল দিফেন্স কোর্স বঙ্গলাদেশতা শরুক য়ারিবশিংদা ৱা ঙাংখ্রে। মহাক্কী মমাংগী কেরিয়রদা, ভি.সি.ও.এ.এস. অসিনা ২০১১দা নেস্নেল দিফেন্স কোলেজ বঙ্গলাদেশতা শরুক য়াখ্রে। মহাক্কী ৱারোল পীবদা শাহৈরক্লিবা মালেমদা কোরোনা পীরিবা শাফু অমসুং পনখি অমসুং মসিবু মায়োক্ননবা মিলিতরীনা য়েংলিবা মিৎয়েং অমসুং সেক্যুরিতী চেলেঞ্জেশিং মতাংদা মহাক্কী ওইবা মিৎয়েং ফোংদোকখি।

ভাইরসনা পীরিবা শাফু অসিদা, ভি.সি.ও.এ.এস.না হায়খি মদুদি “মিলিতরী কেপাবিলিতী অমসুং প্রোজেক্তশিংগীদমক্তা ফন্দ ৱাৎপনা মরম ওইদুনা অয়াম্বা লৈবাকশিংনা স্ত্রেতেজিক সেক্যুরিতীতা শোকহল্লে মরমদি খুদক্কী ওইবা হকশেলগী মথৌ তাবশিংগীদমক্তা ফন্দগী চাউরবা শেনফম থৈদোকখ্রে।” “দি-গ্লোবেলাইজেসন”গী মতাংদা ফোংদোক্লদুনা ভাইস চীফনা, হায়খি মদুদি “অলত্রা-নেস্নেলিজম লৈবাক কয়ানা দি-গ্লোবেলাইজেসনগী থৌওং অসি মায়োক্নরি, মসিনা গুদ্স, মীয়াম, সর্বিসেস অমসুং ৱাখল্লোনগী মুবমেন্তকীদমক ঙমখৈ ফাওবা থিংজিন্নবা চংশিল্লক্লি।” মহাক্কী পনখি মদুদি “লৈবাক কয়ানা ভাইরস অসিবু লাকশিন্নবা হোৎনরিবা অসিদা, লৈবাক খরনা মিলিতরীগী ওইনা, শেন্মিৎলোনগী ওইনা অমসুং পোলিতিকেলগী ওইনা মখোয়গী শাফু হেনগৎহন্নবা তাঞ্জা অদু লৌরি, মসি ৱর্ল্দ কম্যুনিতীগীদমক্তা অফবা নত্তে।”

তুংলমৎকী লানফমশিংগী মতাংদা ফোংদোক্লদুনা, ভাইস চীফনা পনখি মদুদি “তুলংচৎকী লানফমশিং অসি জিরো কোস্ত ৱারশিংগী মায়কৈদা ওইরবা য়াই, মসিদা য়াম্না কনবা পেথোজেল হাই-তেক্নোলোজী ওইবা খুৎলাইশিং লেংহনদবা ঙম্বা য়াই।”

মিলিতরীদা কোবিদ-১৯না পীরিবা শাফু অসিগী মতাংদা, ভি.সি.ও.এ.এস.না ফোর্সকী রেদিনেস, ত্রেনিং, ওপরেস্নেল লোজিস্তিক্স অমসুং ঐচ.আর.গী ইসুশিংদা মসিনা পীরিবা শাফুগী মতাংদা পনখি মদুদি “ফোর্স মেন্তিনেন্স অসি শিংনবা অমনি, মসিনা মরম ওইদুনা দিলিবরী সেদ্যুলদা থেংথহনবনা মরমদগী প্রদক্সনগী ফিভম অমসুং ৱর্কফোর্স্তা অপনবা থোকহল্লি।”

ভি.সি.ও.এ.এস.কী ৱাফম অসি বঙ্গলাদেশকা লোইননা ঙাক-শেলগী তেংবাং পীনবা হেনগৎহনবদা য়াম্না মরুওইবা খোংথাং অমনি, ঐখোয়গী পুৱারী, নাৎ অমসুং মিলিতরী এফিনিতীগী মিৎয়েংদা মসি মরুওইবা ওইদুনা লৈরি।

***