কেন্দ্রগী কোয়লা অমসুং মাইনিংগী মন্ত্রী শ্রী প্রহলাদ জোশীনা হায়খ্রে মদুদি সরকারনা মাইনিং সেক্তরগী অশেংবা পোতেন্সিএল অদু ফংননবা স্ত্রকচরেল রিফোর্মশিং পুরক্কদৌরি। শ্রী জোশীনা ঙসি গ্লোবেলমাইনিং সমিৎ এন্দ ইন্তর্নেস্নেল মাইনিং এন্দ মেচিনরী এগজিবিসনগী ১৫শুবা এদিসন্দা ৱা ঙাংখি।

শ্রী জোশীনা হায়খি, “মাইনিং সেক্তরদা পুখৎলক্লিবা স্ত্রকচরেল রিফোর্মশিংগী পান্দম অসি থিবদগী হৌরগা পোৎথোক পুথোকপা ফাওবদা কান্নরবা অহোংবা পুরক্নবগীদমক্তা মাইনিং থিবদা প্রাইবেৎ সেক্তর শরুক য়াহনবা হেনগৎহন্নবা অমসুং মাইনিং ব্লোকশিংগী ওক্সনগীদমক্তা থিবগী নোর্মশিংবু অমুকহন্না ৱাহন্থোক পীবনি।”

                                                                                                                                                                                                                                     প্রোএক্তিব রিফোর্মশিং অসিগা মরী লৈনবা সরকারগী মিৎয়েং অদু ফোংদোক্লদুনা, শ্রী জোশীনা হায়কি মদুদি মার্চ, ২০২০ অসি য়াম্না মরু ওইবা মতমনি, মসিদা মশিং য়াম্না মথৌ তৌরিবা মাইনশিংগী মতম লোইখি অমসুং মখোয় খুদক্তা ওক্সন তৌবা তাখি। সরকারনা অচেৎপা অমদি ইন্দস্ত্রীদা য়ুম্ফম ওইবা খ্বাইদগী চাউবা খোংথাং লৌখৎলদুনা ওর্দিনান্স অমা চৎনহন্দুনা স্তেতুতরী ক্লিয়রেন্স পুম্নমকপু অনৌবা লীজ অমদা হোংদোকখি। রো মেতরিএলশিংগী ঙমখৈ লৈতবা পোৎথোক হেনগৎহন্নবগী মায়কৈদা মসি অচৌবা খোংথাং অমনি।

শ্রী জোশীনা হায়খি মদুদি মসিগী অখন্নবা রিফোর্ম অসিগী পল পুক্নীং থৌগৎনীংঙাই ওইরি অমসুং ওর্দিনান্স অসি চৎনবদগী, ওরিশানা হন্দক্তা মশিং য়াম্না আইরন ওর মাইনশিং মায় পাক্না ওক্সন তৌখ্রে। অদুমওইনমক, মায় পাক্লবা বিদ্দর খরা পোৎথোক্তা থেংথহন্দুনা ওক্সনগী থৌওংদগী কন্ননবা হোৎনরি। মহাক্না হায়খি অসিগুম্বা কেসশিং লুম্না লৌগনি অমসুং মন্ত্রালয়না রাজ্য সরকারগা লোইননা চুংশিন্নদুনা এক্ততা অচেৎপা প্রোবিজন পুরক্নবগী মতাংদা খন্নরি, মসিনা লুম্না লৌদবা বিদ্দরশিং লৌথোকপা ঙমহনগনি অমসুং মখোয়বু তুংলমচৎকী ওক্সন্দা শরুক য়াবদগী থিংবা ঙমগনি।

সরকারনা লৈবাক অসিগী মিনরেলগী ওক্সনশিং মপুং ফানা মায় পাক্নবা অমসুং রাজ্য সরকারশিংগীদমক রেভিন্যু অমসুং থবক পীবা ঙম্ননবা হোৎনরি।

শ্রী জোশীনা হায়খি মদুদি মাইনিং ইন্দস্ত্রী অসি ভারতকী য়ু.এস.দি. ত্রিলিয়ন ৫গী শাহৌগী পান্দমগী মরুওইবা মফম্নি। ভারত্তা পাক-চাউরবা নেচরেল রিসোর্সশিংনা পীক থন্না লৈরি অমসুং ইন্দস্ত্রী অসিনা লৈবাক্কী শেন্মিৎলোন্দা মখল কয়াগী থৌদাং য়ারি, মসিদগী জি.দি.পি.দা হকথেংননা থৌদাং য়াবা, দাউনস্ত্রিম ইন্দস্ত্রীশিং অমসুং ইম্প্লোইমেন্তকী শাহৌগী থোংদা নাকোইননা থৌদাং য়ারি।  

মহাক্না হায়খি মদুদি ইন্দস্ত্রীগী চাউখৎ-থৌরাংগা লোইননা মাইনিং সেক্তরগী ইন্তর্লিঙ্কেজশিংদা মিৎয়েং থম্লদুনা, সরকারনা রো মেতরিএল ফংবা, লৈবাক্কী শেন্মিৎলোন অমসুং নেচরেল রিসোর্সশিংগী শিল্লাংবগী মতাংদা মসিগী মরুওইবা অদুসু হোংদোক্লে। ললোন ইতিক তৌবদা লাইহনবা, নুং-পান উহনবা অমসুং অকক্নবা মতমগী থৌওংশিংগা লোইননা খুদোংচাবা রেগুলেতরী ইনভাইরনমেন্ত ফংহনবা অসি সরকারগী মরুওইবা ওইরে।

সরকারনা মাইনিং অমসুং কোয়লাগী লমদা হন্দক্তা তৌখিবা রিফোর্মশিংগী মতাংদা শন্দোক্না তাক্লদুনা শ্রী জোশীনা হায়কি মদুদি থবক পীনবা, ফুএল ইম্পোর্ত্তা মীপান তাংবা হন্থহন্নবা অমসুং শেন্মিৎলোন চাউখৎ-থৌরাংদা ইনোৎ হাপ্পদা নত্তনা কোয়লা সেক্তরদা প্রাইবেৎ সেক্তরশিংগীদমক হাংদোকপা অসিনা লৈবাক অসিদা মথংগী চহি ৫-৭তা য়াম্না চাউবা কেপিতেল ইনভেস্তমেন্ত ওইরগনি।

মেতাল অমসুং নন-মেতাল ওরশিংগী মাইনিং অমসুং এক্সপ্লোরেসন্দা এফ.দি.আই. ১০০% ফাওবা ওতোমেতিক রুৎতা হেনগৎহল্লে। ভারতকী জিওলোজিকেল সর্ভেনা তোঙান তোঙানবা মিনরেলগী পোৎথোকশিংগা মরী লৈনবা চাউরাক্না মিনরেল এক্সপ্লোরেসন প্রোজেক্ত ৪০০ চৎনহন্দুনা মসিগী এক্সপ্লোরেসন এক্তিবিতী অসি চাউরাক্না শরুক অনি ওইহনখ্রে।

****