মশক থোক্না মায় পাকপা অমদা, ই-সঞ্জীবানি, নেস্নেল তেলেমিদিসিন হকশেল মিনিস্ত্রীনা ঙসি ৱারি শান্নবা লাখ ৯ মপুং ফাখ্রে। ই-সঞ্জীবানি মখাদা খ্বাইদগী ৱাংনা ৱারি শাখিবা মকোক থংবা স্তেত ১০ অমসুং ই-সঞ্জীবানিগী ও.পি.দি. প্লেতফোর্ম অদুদি তামিল নাদু (২,৯০,৭৭০), উত্তর প্রদেশ (২,৪৪,২১১), কেরলা (৬০,৪০১), মধ্যা প্রদেশ (৫৭,৫৬৯), গুজরাত (৫২,৫৭১), হিমাচল প্রদেশ (৪৮,১৮৭), অন্ধ্র প্রদেশ (৩৭,৬৮১), উত্তরাখন্দ (২৯,১৪৬), কর্নাতাকা (২৬,৯০৬), অমসুং মহারাস্ত্রা (১০,৯০৩) অসিনি।

তেলেমেদিসিন অসি ইন্তরনেৎতা অনাবশিংবু লাপ্না লায়োং খংদোকপা অমসুং লায়েংবগী অনৌবা মখল অমনি। ই-সঞ্জীবানিনা ভর্চুএল ওইবা মিতিং তৌদুনা লম্বী লমদাং নুঙাইতবা মফমদা লৈবা অনাবশিংগা অমসুং দোক্তর অমদি স্পেসিএলিস্তশিংগা ভিদিও কনফরেন্সকী খুত্থাংদা ৱারি শান্নবা ফংহল্লি। মসিগী অরাপ্পদগী ৱারী শান্নবা অসিদা, ই-সঞ্জীবানি ইলেক্ত্রোনিক্স ওইবা প্রেসক্ত্রিপসন পীদু হিদাক ফংহন্নবদা শিজিন্নৈ। কোবিদ-১৯ লায়চৎ মনুংদা অরাপ্পদা লৈবা অনাবাশিং অসি খুদোংচাবা পীনবা স্তেত ২৮ অসিদা হকশেল মিনিস্ত্রীনা ই-সঞ্জীবানি অসি হৌদোকখিবনি। মসিগী স্তেতশিং অসিনা য়াম্না কন্না হোৎনদুনা তেলেমেদিসন সর্বিস অসি মতম শাংনা লৈনবা হোৎনরি।      

হেলথ অমসুং ফেমিলি ৱেলফিয়র মিনিস্ত্রীনা ই-সঞ্জীবানি মখল অনি হৌদোকখি মিং ওইনা – দোক্তর তু দোক্তর (ই-সঞ্জীবানি এ.বি. ঐচ.দবল্যু.সি.) হবতা অমসুং স্পোক মোদেল অমসুং অনাবদগী দোক্তরদা (ই-সঞ্জীবানি ও.পি.দি.) অসিনি। ই-সঞ্জীবানি অয়ুশমান ভারত-ঐচ.দবল্যু.সি. চৎথরকপা অসি হৌজিক চহি অমা ফারে। অন্ধ্র প্রদেশ অসিনা ২০১৯গী নবেন্বরদা ই-সঞ্জীবানি এ.বি. ঐচ.দবল্যু.সি. অসি হৌদোক্তুনা থবক অসি হৌদোকপা অহানবা স্তেত ওইরি অমসুং হায়রিবা মতম অসিদগী চাওরাকমনা হব ২৪০ অমসুং স্পোক ৫০০০গী মথক্তা স্তেত কয়াদা লিংখৎখ্রে। ই-সঞ্জীবানি এ.বি. ঐচ.দবল্যু.সি. অসি ৱারি শান্নখিবা ১,৮৩,০০০ মপুং ফাখ্রে।

ই-সঞ্জীবানি ও.পি.দি. অসি অরাপ্পদগী মায়ামদা পীবা মখল কয়াগী তেলেমেদিসিন অমনি, হায়রিবা অসি লৈবাক অসিদা লোকদাউন থমখিবা মতম ২০২০গী এপ্রিল ১৩দগী হৌরকখিবনি। হৌজিক ফাওবদা ই-সঞ্জীবানি ও.পি.দি. অসি ৱারি শান্নবা ৭,১৬,০০০ লৈখ্রে অমসুং ওনলাইন ও.পি.দি. ২৪০ হেন্না য়েংখ্রে।

সি.-দি.এ.সি. মোহালি গী ই-সঞ্জীবানি তিম্না স্তেতশিং অসিগী অৱাৎপা ফংনবা মিনিস্ত্রী ওফ হেলথনা কুপ্না য়েংশিল্লি। হকশেল মিনিস্ত্রী অসিনা সমাজ অসিগী শোৎথরবা মফমশিং অসিদা ই-সঞ্জীবানিগী সর্বিস অসি য়ৌহন্নবা থৌরাং কয়া পাইখৎলি। স্তেত খর হায়বদি তামিল নাদু, উত্তর প্রদেশ, গুজরাত অসিনচিংবা অসিদা প্রোবিজন কয়া  অমা চাংয়েং তৌদুনা ই-সঞ্জীবানিগী সর্বিস অসি আই.তি. সেভি ওইদবা অমসুং ইন্তরনেৎকী খুদোংচাবা ফংদবা অনাবশিং অসিদা ফংহন্নবা হোৎনরি।   

****