পেত্রোলিয়ম অমসুং নেচরেল গ্যাস অমদি স্তীলগী কেন্দ্র মন্ত্রী শ্রী ধর্মেন্দ্র প্রধান্না ঙসি এম.এন.জি.এল.গী স্তেসন ৫ ভিদিও কন্ফরেন্সিংগী খুত্থাঙদা শঙ্গাদুনা কম্পেনী অসিগী সি.এন.জি. স্তেসন ১০০ শুহনবগা লোয়ননা লৈবাক মীয়ামগী মফমদা কত্থোকখ্রে‍। মন্ত্রীনা পতার্দি, নাসিক, মহারাস্ত্রদা লৈবা এল.এন.জি./সি.এন.জি. স্তেসন, নাসিক্তা সি.এন.জি. সপ্লাই বস য়ৌহনবা অমদি পুনেদা মোবাইল রিফ্যুলিং য়ুনিৎ (এম.আর.য়ু.)গী খুত্থাঙদা সি.এন.জি. দিস্ত্রিব্যুসনগী সিভিল ৱর্কশিংসু হৌদোকখি‍।

থৌরমদুদা ৱা ঙাঙলদুনা শ্রী প্রধান্না হায়খিবদা ভারতনা মতমগা হেন্না চুশিন্নবা ইনর্জী শীজিন্নবগী মওং মতৌ ফংননবগীদমক্তা ২০৩০ ফাওবগী মনুংদা মরুওইবা ইনর্জী মিক্সতা নেচরেল গ্যাসকী শরুক চাদা ১৫ য়ৌহন্নবা খোঙফম চেৎনা লেপ্লি‍। মসিনা অকোইবগী ফীভমদা মোৎশিলহনবা হন্থহন্দুনা সি.ও.পি.ই.-২১ ক্লাইমেত চেঞ্জ কম্মিতমেন্তকী ফিরেপ ফংবদা ওইগনি‍। নেচরেল গ্যাস হেন্না শীজিন্নবনা ফোসিল থাউদা তাংবগী ফীভম হন্থহনগনি অমদি মপান্দগী পুশিল্লকপগী চাদিং অমসুং তাংবগী ফীভমসু হন্থহনগনি‍। ঐখোয়গী ইনর্জীদা অওনবা পুরকপগী লম্বী অসিনা ইরোমদোম লেপচবা ফীভম পুরক্তুনা থবক মশিং য়াম্না পীগনি হায়না মহাক্না মখা তাখি‍।

ঙসি শঙ্গারিবা অসিগা লোয়ননা এম.এন.জি.এল.গী সি.এন.জি. স্তেসন ১০০গী নেতৱর্ক লৈরে হায়না মন্ত্রীনা হায়খি‍। “ঙসি স্তেসন ৫ হাপচিনবগা লোয়ননা ঐখোয়না স্তেসন ২৫০০গী চাং য়ৌবগী ফীভমদা লৈরগনি‍। অদুবু ঐখোয় মখা তানা হোৎনদুনা লাক্কদৌরিবা চহী ৭-৮সিদা সি.এন.জি. স্তেসন ১০,০০০গী পান্দম য়ৌবা ঙম্নবা হোৎনবা মথৌ তাই”, হায়না মহাক্না মখা তাখি‍। “মহারাস্ত্র এস.আর.তি.সি.না বসশিং সি.এন.জি. ওন্থোক্নবা ওর্দর তৌরক্লে, কেরলা এস.আর.তি.সি.সু চাংয়েং ওইনা বসশিং ওন্থোক্নবা ৱাফমগী ৱারোইশিন পুরক্লি হায়না পাউ ফংই‍। এম.এন.জি.ঐল.না লৈবাকসিদা অহানবা ওইনা মোবাইল রিফ্যুলিং য়ুনিৎ (এম.আর.য়ু.) থমবগী মাঙজিল থাবা থৌরাং লৌখৎলি”, হায়না মহাক্না ফোঙদোকখি‍।

শ্রী প্রধান্না হায়খিবদা সি.জি.দি. সেক্তর অসি নেচরেল গ্যাস শীজিন্নবগী লমদা অচৌবা ইন্দস্ত্রী ওইনা লিৎখৎলক্লি‍। অহেনবা জি.এ.শিং মথৌ তৌরকপা অমদি ইমুং মনুং, চত্থোক চৎশিন, লল্লোন ইতিক অমদি সি.জি.দি. নেতৱর্ক্কী ইন্দস্ত্রিএল সেক্তরদা শীজিন্নবা হেল্লক্কদবা মরম্না দিমান্দ অসুম অসুম হেনগৎলকখিগনি‍।

শ্রী প্রধান্না হায়খিবদা গোল্দন ক্বাদ্রিলেতরেল শিনবা থুংনা অমদি হান্না লৈবা এল.এন.জি.দা য়ুম্ফম ওইবা সি.এন.জি. স্তেসনশিং লৈবা মরুওইবা অচৌবা নেসনেল হায়ৱে খুদিংমক্তা ভারতকী অহানবা এল.এন.জি. ফ্যুল স্তেসন ৫০ শাননবা উরেপ উয়ুং তমখ্রে‍। ভারত লৈঙাক্না ভারত্তা এল.এন.জি. স্তেসন ১,০০০ শানবগীদমক্তা লাক্কদৌরিবা চহী অহুমসিদা লুপা করোর ১০,০০০ থাদনবা থৌরাং তৌরি, হায়না মহাক্না ফোঙদোকখি‍।

সি.এন.জি./এল.এন.জি. ইন্ফ্রাস্ত্রকচরদা অহেনবা ইনোৎ পীবনা ও.ই.এম. সেক্তর, সি.জি.দি.কী খুৎশু খুৎলায় পুথোকপা, ত্রান্সপোর্ত সেক্তরদা শেন থাদবগী খুদোংচাবা হেনগৎহনগনি অমদি মসিনা থবক হেন্না পীদুনা আত্মনিরভর ভারতকী মায়কৈদা অচৌবা খোঙফম অমা ওইগনি হায়না মন্ত্রীনা হায়খি‍।

থৌরমদুদা ৱা ঙাঙলদুনা পি.এন.জি. মন্ত্রালয়গী সেক্রেতরী শ্রী তরুন কাপুরনা সি.এন.জি./এল.এন.জি. স্তেসনশিং লিংখৎনবগীদমক লৈঙাক্না মপুং ফানা শৌগৎলি হায়খি অমদি কম্পেনীশিংদা মখোয়গী থৌরাং খুমাঙ চাওশিলহন্নবা ৱাফম থমখি‍। মখোয়গী মফমদা সি.বি.জি. প্লান্ত ২-৩দি গ্যাস নেতৱর্ক্কা শম্নহন্নবা ৱাফমসু মহাক্না থমখি‍।

****