য়ুমলৈ-কৈরৈ মন্ত্রালয়

কেবিনেৎ সেত্রেতরীনা দীপ দিপ্রেসনগী মতাংদা পাংথোকপা এন.সি.এম.সি.গী মীফমদা ময়াই তাংবল লৌখ্রে

Posted On: 01 DEC 2020 3:42PM by PIB Imphal

তমিল নাদু অমসুং কেরলাগী খা থংবা সমুদ্র মপান্দা ওইরক্লিবা দিপ দ্রিপেসনগী য়েংদুনা, কেবিনেৎ সেক্রেতরী, শ্রী রজীব গৌবানা ঙসি নেস্নেল ক্রাইসিস মেনেজমেন্ত কমিতী (এন.সি.এম.সি.)গা লোইননা মীফম পাংথোকখ্রে। ভিদিও কনফরেন্সকী থোংদা পাংথোকখিবা মীফম অদুদা তমিলনাদু, কেরলা, লক্ষদ্বীপকী এদভাইজর অমসুং তোঙান তোঙানবা মন্ত্রালয়শিংগী সেক্রেতরীশিংনা শরুক য়াখি।

আই.এম.দি.গী দি.জি.না খঙহনখি মদুদি দীপ দিপ্রেসন মনুংদা তোঙান তোঙানবা নুংশিৎকী খোংজেল অসিনা দিসেম্বর ২-৪ ফাওবা অকনবদগীনা য়াম্না কন্না নোং চুবগা লোইননা তমিলনাদু, কেরলা অমসুং লক্ষদ্বীপকী খা থংবা সমুদ্রা মপান্দা শোকহনবা য়াই। মহাক্না হায়খি মদুদি নোং কন্না চুবনা মরম ওইদুনা মহৈ-মরোং অমসুং মরুওইবা সর্বিসশিংদা অমাং-অতা থোকহনবা য়াই। মরম অসিনা দিসেম্বর ফাওবা হায়রিবা মফম অসিদা ঙা ফাবগা মরী লৈনবা থবক-থৌরমশিং মপুং ফানা থিংজিনগদবনি।

তমিলনাদু, কেরলাগী চীফ সেক্রেতরীশিং অমসুং লক্ষদ্বীপকী এদভাইজরনা এন.সি.এম.সি.দা মখোয়না শেম-শারিবশিং অমসুং মরী লৈনবা দিস্ত্রিক্তশিংদা দিস্ত্রিক্ত মেনেজমেন্ত কমিতীশিংনা পায়খৎলিবা থৌরাংশিংগী মতাংদা পাউদমখি, ঙা ফাবশিংদা চেকশিন ৱা হায়রি অমসুং মী কন্নবা তীমশিং থারি।

এন.দি.আর.এফ.কী দি.জি.না মেম্বরশিংদা খঙহনখি মদুদি হায়রিবা মফম অসিদা মথৌ তাবা তীমশিং লৈখ্রে অমসুং লেমহৌরিবা তীমশিং তমিলনাদু অপুনবদা স্তেন্দ-বাই ওইনা থমখ্রে।

সিবিল এবিএসন মন্ত্রালয়গী সেক্রেতরীশিং, তেলিকম্যুনিকেসন, পাৱর, হোম, এন.দি.এম.এ. অমসুং ঙাক-শেল মন্ত্রালয়গী মীহুৎশিংনসু এন.সি.এম.সি.দা মখোয়না শেম-শারিবশিংগী মতাংদা পাউদমখি।

কেবিনেৎ সেক্রেতরীনা রাজ্য সরকারশিং অমসুং কেন্দ্রগী মন্ত্রালয়শিংদা অমাং-অতা অদুক্কী মতিক হন্থহন্নবা অমসুং মথৌ তাবা সর্বিসশিং মাংজৌননা থমজিলহৌনবগী শেম-শানবা তঙাইফদবা থবকশিং পায়খৎনবা খঙহনখি।

*****

 

 

 



(Release ID: 1677455) Visitor Counter : 84