نئی لّی ، 30 نومبر  / صدرِ جمہوریہ  ٔ ہند جناب رام ناتھ  کووند   نے  گرو نانک دیو جی کے یومِ پیدائش سے قبل  ہم وطنوں کو  اپنی مبارکباد دی ہے ۔

          صدرِ جمہویہ نے ایک پیغام میں کہا ہے کہ   گرو نانک دیو   کی سالگرہ  کے مقدس  موقع پر  ، میں بھارت میں اور بیرونِ ملک  رہنے والے تمام شہریوں  ، خاص طور سے سِکھ برادری کے بھائیوں اور بہنوں کو   دِلی مبارکباد اور نیک خواہشات  پیش کرتا ہوں ۔ 

          گرو نانک دیو جی کی زندگی  اور تعلیمات  تمام انسانوں کے لئے  ترغیب کا باعث ہیں ۔ انہوں نے عوام کو  اتحاد ، ہم آہنگی  ، بھائی چارے   اور  سماجی خدمت   کا راستہ دکھایا  اور  سخت محنت   ، ایمانداری  اور عزتِ نفس کی بنیاد پر   طرزِ زندگی کے حصول کے لئے اقتصادی فلسفہ  فراہم کیا ۔

          گرو نانک دیو  نے اپنے عقیدت مندوں کو ‘‘ ایک اونکار ’’ کا منتر دیا اور  تمام انسانوں  کے ساتھ   کسی ذات پات   ، نسل  اور صنف  کے امتیاز کے بغیر برابری  کا سلوک کرنے پر زور دیا ۔   اُن کا پیغام  ‘‘ نام  جَپو ، کیرت کرو  اور وَند چاکھو ’’ میں  ، اُن کی تمام  تعلیمات کا نچوڑ  ہے ۔

          گرو نانک دیو  کی سالگرہ  کے مقدس موقع  آئیے ، ہم عہد کریں کہ ہم خود   ایسا  عمل اپنائیں گے ،  جو ہمیں  ، اُن کی تعلیمات پر پورا  اترنے  میں مدد دے ۔ ’’

۔۔۔۔۔۔۔۔۔۔۔ ۔۔۔۔۔۔۔۔۔۔ ۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔ ۔۔۔ ۔۔۔۔۔۔۔۔۔۔

( م ن ۔ و ا ۔ ع ا ) 

U. No. 7675