ভারতকী রাস্ত্রপতি শ্রী রামনাথ কোবিন্দনা গুরু নানক দেবগী মপোক নুমিৎ নোংমা ৱাৎলিঙৈদা লৈবাক মীয়ামদা য়াইফ-পাউজেল পীখ্রে।

রাস্ত্রপতিনা পাউজেল অমদা হায়, “গুরু নানক দেবজীগী মপোক কুমওনকী য়াইফরবা থৌরম অসিদা, ঐনা ভারতকী অমসুং মীরমদা লৈখ্রবা মীপুম খুদিংমক্কী মফমদা, মরুওইনা সিখ কাংলুপকী ইচিল-ইনাওশিংগী মফমদা হায়নীংঙাই লৈতনা য়াইফ-পাউজেল পীজরি।

গুরু নানক দেবগী পুন্সি অমসুং মহাক্না তম্বীরম্বা পুম্নমক মীওইবা খুন্নাইগী ইথিল পোক্নফম্নি। মহাক্না মীয়ামদা, অপুনবা, অমত্তা ওইবা, নুংশি-চান্নবা, মরূপ-মপাং ওইবগী লম্বী তাকপীরম্মি অমসুং শুবা কনবা, পুকচেল শেংবা অমসুং ইশানা ইশাবু ইকাইজবগা লোইননা পুন্সি মহিংগীদমক্তা ইকোনোমিক ফিলোশোফী তাকপীরম্মি।

গুরু নানক দেবনা মাগী তুং ইনবশিংদা ‘এক ওংকার’গী মন্ত্র পীনবীখি অমসুং খুন্নাই, লাইনীং অমসুং নুপা-নুপীগী খেন্নবা থমদনা মীওইবা পুম্নমক্তা মান্নবা লমচৎ চৎনবা শাফু পীখি। ‘নাম জপো, কীরৎ করো অমসুং বন্দ ছকো’গী মহাক্কী পাউজেলদা মহাক্না তম্বীরম্বা পুম্নমক্কী মহাও য়াওরে।

গুরু নানক দেবকী মকোক কুমওনগী শেংলবা তাঞ্জা অসিদা, ঐখোয় পুম্নমক্না ঐখোয়গী লমচৎ-শাজৎতা মহাক্না তম্বীরম্বশিং অদুগী মতুং ইল্লসি।”

রাস্ত্রপতিগী পাউজেল য়েংবীনবা মসিদা ক্লিক তৌবীয়ু

***