সাইন্স অমসুং তেক্নোলোজী মন্ত্রালয়

জি.আই.তি.এ. অসি লৈবাক অনিগী ওইবা একাদেমিক-ইন্দস্ত্রী অমসুং সরকারগী তেংবাংপীনবা অসিবু হেনগৎহন্দুনা ইনোবেসন অমসুং ইন্দস্ত্রীগী আর. & দি.গীদমক্তা মতিক চারবনিঃ দা. হর্শ বর্ধন

Posted On: 28 NOV 2020 2:59PM by PIB Imphal

কেন্দ্রগী সাইন্স এন্দ তেক্নোলোজী, হকশেল অমসুং য়াইফ-য়ুম্বাল অমসুং আর্থ সাইন্স মন্ত্রী দা. হর্শ বর্ধন্না জি.আই.তি.এ.গী ৯শুবা লিংখৎখিবা নুমিত্তা ভিদিও মেসেজ অমা ৱা ঙাংখ্রে। মহাক্না ফোংদোকখি মদুদি গ্লোবেল এলায়েন্স ফোর ইনোবেসন এন্দ তেক্নোলোজী (জি.আই.তি.এ.)না লৈবাক অনিগী একাদমিক-ইন্দস্ত্রী অমসুং সরকারনা শরুক য়াবা হেনগৎহন্দুনা ইনোবেসন অমসুং তেক্নোলোজী অমসুং ইন্দস্ত্রীগী রিসর্স & দিবেলপমেন্ত হেনগৎহনবদা মরুওইবা থৌদাং য়ারি।

দা. হর্শ বর্ধন্না থৌরম অসিবু দিজিতেল ওইনা হৌদোক্লদুনা হায়খি, “জি.আই.তি.এ.গী থোংদা, দি.এস.তি.না মালেমগী খ্বাইদগী নৌবা লৈবাক খরা খুদম ওইনা ইজরেল, কোরিয়া, কনাদা, ফিনলেন্দ, ইতলী, স্পেন অমসুং য়ু.কে.গা লোইননা পুন্না নাকল অনিগী ওইবা ইন্দস্ত্রিয়েল আর. & দি. প্রোজেক্তশিং মায় পাক্না হৌখ্রে।

গ্লোবেল ইনোবেসন এন্দ তেক্নোলোজী এলাইন্স (জি.আই.তি.এ.); (দিপার্তমেন্ত ওফ সাইন্স এন্দ তেক্নোলোজী (দি.এস.তি.) অমসুং কনফিদরেসন ওফ ইন্দিয়ন ইন্দস্ত্রীগী তেক্নোলোজী দিবেলপমেন্ত বোর্দ (তি.দি.পি.))গী মরক্তা পি.পি.পি.না হন্দক্তা সি.আই.আই. আচ.আই.এন. প্লেৎফোর্মদা ‘আত্মনির্ভর ভারতকী থিমগা লোইননা ৯শুবা লিংখৎখিবা নুমিৎ পাংথোকখি।

মহাক্না হায়খি, “ভারতনা আত্মনিভর ওইননবগী তাঞ্জা অমা ওইনা শিংনবতনা থল্লবা মতম অসিবু শিজিন্ননবা প্রধান মন্ত্রীনা লাওথোকখ্রবা মতুংদা, সাইন্স অমসুং তেক্নোলোজী মন্ত্রালয়না লৈবাক অসিদা আত্মনির্ভর ভারতকীদমক্তা সাইন্তিফিক ওইরবা ফিভম অমা শেম্বদা খ্বাইদগী মাংদা থারি।”

সাইন্স & তেক্নোলোজী দিপার্তমেন্ত (দি.এস.তি.)কী সেক্রেতরী অমসুং গেস্ত ওফ ওনর প্রোফেসর অশুতোশ শর্মনা হায়খি মদুদি হৌখিবা চহি খরদা পুরকখিবা অহোংবশিং, খুদম ওইনা থবক-থৌরমশিং হেনগৎহনবা, ইজরেল, কাদা, স্বীদেন, কোরিয়া, ইতলী অমসুং ফিনলেন্দগুম্বা লৈবাকশিংগা লোইননা তেংবাং পীনবা হেনগৎহল্লে। 

প্রোফেসর শর্মনা হায়খি, “আত্মনির্ভর ভারত অসি য়াওহন্দনা নত্তে, মসি মালেমগী আর. & দি.গী সপ্লাই চেনগী শরুক অমা ওইনবা অমসুং মালেমগী থাক্তা দিলিভর তৌনবগীদমক্তসু শরুক অমা ওইনা পুনশিনগদবনি। মসি মালেমগী থাক্তা পোৎশক খুদিংমক্কা লোইননা ঐখোয়গী পাঙ্গলগী অপুনবনি।

থৌরম অসিনা মালেমগী শরুক য়ামিন্নরিবা লৈবাকশিংগা লোইননা চহি অসিদা প্রোজেক্ত মায় পাক্না লোইশিনখ্রে।

মাইক্রো, স্মোল অমসুং মেদিয়ম ইন্তর্প্রাইজ মন্ত্রালয়গী এদিস্নেল দিবেলপমেন্ত কমিস্নর শ্রী পিয়ুশ শ্রীবাস্তব, ইন্তর্নেস্নেল কোওপরেসন, দিপার্তমেন্ত ওফ সাইন্স এন্দ তেক্নোলোজীগী মকোক দা. এস.কে. বর্শনে, দীপ কপুরিয়া, অহানবা মেম্বর অমসুং জি.আই.তি.এ. বোর্দকী চিয়রমেন, অমসুং হাইতেক গ্রুপ কম্পনীজসপ থৌরম অসিদা শরুক য়াখি।

http://static.pib.gov.in/WriteReadData/userfiles/image/image003L1QD.jpg

http://static.pib.gov.in/WriteReadData/userfiles/image/image0042A3F.jpg

******



(Release ID: 1676799) Visitor Counter : 49