পথ পৰিবহণ আৰু ঘাইপথ মন্ত্ৰালয়
‘ভিণ্টেজ যান-বাহণৰ পঞ্জীয়ণ বিধি’ প্ৰণয়ণ সন্দৰ্ভত ৰাজহুৱা পৰামৰ্শ আহ্বান
পোষ্ট কৰা হৈছে:
27 NOV 2020 11:12AM by PIB Guwahati
‘ভিণ্টেজ যান-বাহণৰ পঞ্জীয়ণ সম্পৰ্কীয় বিধি-ব্যৱস্থা’ৰ পৰিৱৰ্তন কৰাৰ উদ্দেশ্যে ‘কেন্দ্ৰীয় যান-বাহণ বিধি’ৰ সংশোধন কৰিব পৰাকৈ ৰাজহুৱা মতামত আৰু পৰামৰ্শ বিচাৰি স্থলপথ পৰিবহণ আৰু ঘাইপথ মন্ত্ৰালয়ে যোৱা ২৫ নৱেম্বৰত প্ৰকাশিত জিএছআৰ ৭৩৪(ই)নং জাননী জাৰি কৰিছে। এই জাননীৰ জৰিয়তে মন্ত্ৰালয়টোৱে ‘ভিণ্টেজ যান-বাহণ’সমূহৰ পঞ্জীয়ণ প্ৰক্ৰিয়াক আনুষ্ঠানিকতা প্ৰদান কৰিব বিচাৰিছে। এই পৰ্যন্ত ঐতিহাসিক প্ৰমূল্য বিশিষ্ট যান-বাহণসমূহক নিয়ন্ত্ৰণ কৰাৰ বাবে কোনো ধৰণৰ বিধিগত ব্যৱস্থা নাছিল। এনে ব্যৱস্থাৱলীক ১৮৮৯ চনৰ ‘কেন্দ্ৰীয় যান-বাহণ বিধি’-ৰ ৮১ক, ৮১খ, ৮১গ, ৮১ঘ, ৮১ঙ, ৮১চ, ৮১ছ উপ-বিধি হিচাপে অন্তৰ্ভুক্ত কৰাৰ প্ৰস্তাৱ উথ্থাপন কৰা হৈছে।
এই সম্পৰ্কীয় খচৰাত ‘সকলোধৰণৰ দুচকীয়া আৰু চাৰিচকীয়া(অনা-বাণিজ্যিক-ব্যক্তিগত ব্যৱহাৰ) আৰু প্ৰথম পঞ্জীয়ণ(আমদানীকৃত যানসমূহকে ধৰি)ৰ পৰা ৫০বছৰতকৈ অধিক বছৰৰে পুৰণি যানসমূহক ভিণ্টেজ যান’ হিচাপে সংজ্ঞায়িত কৰাৰ প্ৰস্তাৱ লোৱা হৈছে। এই সংজ্ঞাৰ আওতালৈ আহিবলৈ হ’লে- যানসমূহৰ ‘চেছিছ বা ন্যায়াধাৰ’ আৰু অথবা ইঞ্জিনৰ সাল-সলনিকে ধৰি বিস্তৃত ৰূপত পৰিৱৰ্তন সাধন হ’ব নোৱাৰিব।
পঞ্জীয়ণ সম্পৰ্কীয় সকলো ধৰণৰ আবেদন ‘পৰিৱহণ’ প’ৰ্টেলৰ জৰিয়তে সম্পাদিত কৰিব লাগিব।
ভাৰতৰ পুৰণি যান-বাহণসমূহৰ সংৰক্ষণ আৰু উত্তৰণ সাধনৰ প্ৰয়াসেই হ’ল ইয়াৰ উদ্দেশ্য।
এই খচৰা সন্দৰ্ভত উথ্থাপিত আপত্তি তথা পৰামৰ্শাৱলী ‘সঞ্চালক (এমভিএল), ই-মেইল: director-morth[at]gov[dot]in স্থলপথ পৰিবহণ আৰু ঘাইপথ মন্ত্ৰালয়, পৰিবহণ ভৱন, সংসদ ভৱন মাৰ্গ, নতুন দিল্লী-১১০০০১’ ঠিকনাত জাননী প্ৰকাশৰ ৩০ দিনৰ ভিতৰত প্ৰেৰণ কৰিব লাগিব।
***
RCJ/MS/jk/KB
(ৰিলিজ আই ডি : 1676456)
অতিথি কক্ষ : 134