রোদ ত্রান্সপোর্ত অমসুং হায়ৱেজ মন্ত্রালয়না নবেম্বর ২৫, ২০২০দা থোকপা জি.এস.আর. ৭৩৪ (ই)দা অরিবা মোতোর গারীশিংগা মরী লৈনবা হীরমদা সি.এম.ভি.আর. ১৯৮৯দা শেমদোকপগী মতাঙদা মীয়ামগী ৱাখল্লোন অমদি ৱাফমশিং কৌরি‍। খঙহনচে অসিগী খুত্থাঙদা মন্ত্রালয়না ভিন্তেজ মোতোর গারীশিং রেজিস্ত্রেসন তৌবগী থৌওং মওং মরিল চুমহন্নবা পান্দম থম্লি‍। অসিগুম্বা অরিবা মতমগী ওইবা গারীশিং রেজিস্ত্রেসন তৌনবগী চৎন-পথাপ অমত্তা লৈত্রি‍। হায়রিবা চৎন-পথাপশিং অসি সেন্ত্রেল মোতোর ভেহিকল রুল্স, ১৯৮৯দা সব-রুল্স ৮১এ, ৮১বি, ৮১সি, ৮১দি, ৮১ই, ৮১এফ, ৮১জি হায়না হাপচিন্নবা ৱাফম হৌদোক্লি‍।

দ্রাফ্ত রুল্স অসিনা কাংখোঙ অনি অমদি মরি পানবা (কম্মর্সিএল নত্তবা/লনাই শিজিন্ননবা) গারী পুম্নমক মখোয়গী অহানবা রেজিস্ত্রেসন মতমদগী পারগা (মপান লৈবাক্তগী পুশিল্লকপা গারী য়াওনা) চহী ৫০ হেল্লবা গারীশিংবু অরিবা (ভিন্তেজ) মোতোর গারী হায়না খঙননবা ৱাফম পল্লি‍। ৱাফম অসিদা থম্লিবা অথিংবদি – চেসিস নৎত্রগা বোদী সেল, অমসুং/নৎত্রগা ইঞ্জিন য়াওনা গারীগী মশক মওংদা কা হেন্না শেমদোক শেমজিন তৌদ্রিবা ওইগদবনি‍।

থৌওং: রেজিস্ত্রেসনগী এপ্লিকেসন খুদিংমক ‘পরিবাহন’ পোর্তেলদা থারক্কদবনি‍। মখা তানা থম্লিবা ৱাফমশিংদি:

• স্তেত খুদিংমক্না ভিন্তেজ মোতোর ভেহিকলশিংগী রেজিস্ত্রেসনগী এপ্লিকেসন খুদিংমক প্রোসেস তৌননবা নোদেল ওফিসর অমা হাপকদবনি‍।
• মখা তানা, গারীশিং য়েংশিন্দুনা মদুবু ভিন্তেজ মোতোর ভেহিকলগী মখাতা রেজিস্ত্রেসন তৌবা য়াবরা য়াদবরা লেপথোক্নবা কম্মিতী অমমম স্তেতশিংনা শেমগদবনি‍।
• করিগুমবা অয়াবা পীরবদি, হায়রিবা অরিবা গারী অদুদা দিজিত ১০গী অল্ফান্যুমরিক নম্বর অমা পীগনি‍। রেজিস্ত্রেসন অসি চহী ১০ চৎনগনি‍। রেজিস্ত্রেসন মার্ককী মওং ময়েক “এক্স.এক্স. ভি.এ. ৱাই.ৱাই. ****”গী মওংদা পীগনি, অদুগা ভি.এ.না খঙনরিবনা ভিন্তেজ হায়বনি, এক্স.এক্স.না স্তেতকী কোদ ওইগনি, ৱাই.ৱাই.না ময়েক অনিগী সেরিজ ওইগনি অমসুং “****”না স্তেত রেজিস্তরিং ওথোরিতীনা পীবা মশীং ০০০১দগী ৯৯৯৯ ফাওবা ওইগনি‍।
• নৌনা রেজিস্ত্রেসন তৌবগী ফী – লুপা ২০,০০০ অমদি মখা তাবা হন্না রেজিস্ত্রেসন তৌবগীনা – লুপা ৫,০০০
• করিগুম্বা গারী অমা ভিন্তেজ মোতোর ভেহিকল ওইনা রেজিস্তর তৌরবদি, ভারী অদু লৈবা য়োনবা চৎন-পথাপ অসিগী মখাদা য়াহল্লি‍।
• ভিন্তেজ মোতোর ভেহিকল শীজিন্নবগী অকক্নবশিং: ভিন্তেজ মোতোর গারীশিং অসি ভারতকী লম্বীদা উৎননবা, তেক্নিকেল রিছর্চ নৎত্রগা ভিন্তেজ কার রেলীদা শরুক য়ানবা, থাউ হান্নবা অমদি শেম্নবা, একজিবিসনগীদমক, ভিন্তেজ রেলীশিংগীদমক অমদি অসিগুম্বা এক্সিবিসন/কার রেলীদা শরুক য়ানবা চত্থোক চৎশিনগীদমক্তা শীজিন্নবা য়াগনি‍।

মসিগী পান্দমদি ভারতকী অরিবা গারীশিংগী পুৱারী ঙাক্তুনা থম্নবা অমদি য়োকখৎনবনি‍।

হায়রিবা দ্রাফ্ত রুল্স অসিদা য়ানিংদবা, পাউতাক পীনিংবশিং দাইরেক্তর (এম.ভি.এল.) ইমেল: ক, রোদ ত্রান্সপোর্ত অমসুং হায়ৱেজ মন্ত্রালয়, ত্রান্সপোর্ত ভৱন, পার্লিয়ামেন্ত স্ত্রীত, নই দিল্লী-১১০০০১দা খঙহনচে থোকখিবা মতমদগী নুমিৎ ৩০নিগী মনুংদা থাজিল্লকপা য়াগনি‍।

***