প্রধানমন্ত্রীগী লোইশঙ

পি.এম.না রি-ইনভেস্ত ২০২০ হৌদোকখ্রে

মেগাৱাৎতগী গিগাৱাৎ ফাওবগী থৌরাং হৌজিক চুম্লক্লেঃ পি.এম.

ভারতকী ইন্সতোল্দ তৌরবা রেন্যুএবল ইনর্জী কেপাসিতী হৌখিবা চহি তরুক্তা শরুক অনিমখাই হেনগৎলেঃ পি.এম.

ভারতনা উৎখ্রে মদুদি সাউন্দ ইনভাইরন্মেন্ত পোলিসীশিংনা সাউন্দ ইকোনোমীশিংসু ওইবা ঙম্মিঃ পি.এম.

Posted On: 26 NOV 2020 6:38PM by PIB Imphal

প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সকী থোংদা অহুমশুবা গ্লোবেল রেন্যুএবল ইনর্জী ইনভেস্তমেন্ত মীতিং অমসুং এক্সপো (রি-ইনভেস্ত ২০২০) হৌদোকখ্রে। সমিৎ অসি ন্যু অমসুং রেন্যুএবল ইনর্জী মন্ত্রালয়না শিল-লাংবনি। রি-ইনভেস্ত ২০২০গী থিম অসি ‘ইনোভেসন ফোর সস্তেনেবল ইনর্জী ত্রাঞ্জিসন’নি।

প্রধান মন্ত্রীনা রেন্যুএবল ইনর্জীগী লমদা মেগাৱাৎতগী গিগাৱাৎতা ফাওবগী জেনরেসন কেপাসিতীদা হন্দক্তা ওইরক্লিবা খোংহৌ অমসুং ‘ৱন সন, ৱন ৱর্ল্দ, ৱন গ্রিদ’না অচুম্বা ওইরকপদা হরাওবা ফোংদোকখ্রে, হৌখিবা এদিসনশিংদা মসিগী মতাংদা খন্ন-নৈনখিবনি। শ্রী মোদীনা হায়খি মদুদি হৌখিবা চহি ৬তা, ভারতনা চাংদমনীংঙাই লৈতবা খোংচৎ অমদা চৎলি। মহাক্না হায়খি মদুদি ভারতকী জেনরেসন কেপাসিতী অমসুং ইনফ্রাস্ত্রকচরদা শাফরক্লি। মসিগী ফল ওইনা, লৈবাক অসিগী মীপুম খুদিংনা ইলেক্ত্রিক্ত শিজিন্নদুনা মখোয়গী তৌবা ঙম্বা পুম্নমক শিজিন্নবা ঙমহল্লি। মহাক্না হায়খি মদুদি ভারতকী রেন্যুবল পাৱর কেপাসিতী অসি মালেমগী মরিশুবা থাক্তা লৈরি অমসুং মসি মকোক থোংবা লৈবাক পুম্নমক্তগী খ্বাইদগী খোংজেল য়াংনা হেনগৎলক্লি। ভারতকী হৌজিক্কী রেন্যুএবল ইনর্জী কেপাসিতী অসি গিগাৱাৎ ১৩৬নি, মসি ঐখোয়গী অপুনবা কেপাসিতীগী ৩৬%নি। 

প্রধান মন্ত্রীনা অপেনবা ফোংদোকখি মদুদি ২০১৭কী মতুংদগী ভারতকী চহিগী রেন্যুএবল ইনর্জী কেপাসিতী অসি কোয়লাদা য়ুম্ফম ওইবা থর্মেল পাৱরদগী য়াম্না হেল্লে। মহাক্না হায়খি মদুদি ভারতকী ইন্সতোল তৌরবা রেন্যুএবল ইনর্জী কেপাসিতী অসি হৌখিবা চহি ৬তা শরুক অনিমখাই হেনগৎলে। রেন্যুএবল ইনর্জীদা, মমল হোংবা ওইদ্রবসু মতম অদুদসু ইনভেস্ত তৌখি। মদুনা মরম ওইদুনা অচংবা মমলদা হন্থখি। মোদীনা হায়খি, “ঐখোয়না মালেমদা উৎলি মদুদি অফবা ইনভাইরনমেন্তেল পোলিসীশিং অসি অফবা শেন্মিৎলোনশিংসু ওইহনবদা মতেং ওইবা য়াই।” ইনর্জী ইফিসিএন্সী অসি শুপ্নগী মন্ত্রালয় নত্ত্রগা দিপার্তমেন্ত খক্তদা অকক্নবা থমদে, মদুগী মহুত্তা মসি সরকার অপুনবগী পান্দম অমা ওইহনগদবনি। ঐখোয়গী পোলিসী পুম্নক্তা ইনর্জী ইফিসিএন্সী

প্রধান মন্ত্রীনা হায়খি মদুদি ইলেক্ত্রোনিক্স মেন্যুফেকচরিংদা পি.এল.আই. মায় পাকখ্রবা মতুংদা, ঐখোয়না হাই ইফিসিএন্সী সোলর মোদ্যুলশিংদা মান্নবা ইন্সেন্তিবশিং পীনবা ৱারেপ লৌরে। মহাক্না ফোংদোকখি মদুদি “ইজ ওফ দোইং বিজিনেস” ফংহনবা অসি ঐখোয়গী খ্বাইদগী মরুওইবনি অমসুং ইনভেস্তরশিংগী খুদোংচানবগীদমক কৎথোক্লবা প্রোজেক্ত দিবেলপমেন্ত সেলশিং শেমগৎলে। মহাক্না ইনভেস্তরশিং, দিবেলপরশিং, অমসুং বিজিনেসশিংদা ভারতকী রেন্যুএবল ইনর্জীগী খোংচৎতা য়াউরনবা পাউজেন পীখি।

***



(Release ID: 1676351) Visitor Counter : 6