প্রধান মন্ত্রী শ্রী নরেন্দ্র মোদীনা গুজরাতকী কেৱারিয়াদা পাঙথোকপা ৮০শুবা ওল ইন্দিয়া প্রিসাইদিং ওফিসর্স কনফরেন্সকী লৌশিনবগী সেসন্দা ঙসি ভিদিও কনফরেন্সকী থোংদা ৱা ঙাংখ্রে।

প্রধান মন্ত্রীনা হায়খি ঙসি অসি গান্ধীজিনা পীরম্বা ইথিল অমসুং সদর বল্লভভাই পতেলনা কত্থোক লম্বা অদু নীংশিংনবা নুমিৎ অমনি। মহাক্না ২০০৮গী নুমিৎ অসিদা মুম্বাইদা তেরোরিস্তনা লান্দবদা থৱায় থাখ্রবা মীওইশিংবুসু নীংশিংখি। মহাক্না লৈবাক্কীদমক থৱায় থাখ্রবা সেক্যুরিতী ফোর্সশিংদা ইকাই খুম্নবা উৎখি অমদি ঙসি ভারতনা অনৌবা লম্বীদা তেরোরিজমবু থেংনরি হায়খি অমসুং সেক্যুরিতী ফোর্সশিংদা মহাক্না ইকাই খুম্নবা উৎখি।

ইমর্জেন্সী লাউথোকখিবা মতম অদুবু নীংশিংলদুনা শ্রী মোদীনা হায়খি ১৯৭০দা সেপরেসন ওফ পাৱরগী দিগনিতীগী মায়োক্তা থবক তৌনবা হোৎনখি অদুবু মসিগী পাউখুম অসি কন্সতিত্যুসন অসিমক্তদা দেকোরম অমসুং সেপরেসন ওফ পাৱর হায়না য়াওরিবা অসিদগী ফংখি। ইমর্জেন্সী মতম অদুগী মতুংদগী লেজিসলেচর, এগজ্যুকেতিব অমসুং জ্যুদিসরী অহুমনা মতম অদুদগী করিগুম্বা খরা তমজদুনা মাংদা চখৎখিবনা চেক্স এন্দ বেলেন্সেসকী সিস্তেম অসুম অসুম কনশিনবা হৌখি। ভারত মচা করোর ১৩০না  সরকারগী মশা অহুমদা মপুং ফানা থাজবা থম্বনা ওইথোকখিবনি অমসুং মসিগী থাজবা অসি মতমগা ইরোইননা মপাঙ্গল কনখৎলকখি হায়না প্রধান মন্ত্রীবা মখা তাখি।  

প্রধান মন্ত্রীনা হায়খি ঐখোয়গী কন্সতিত্যুসনগী মপাঙ্গলনা ঐখোয়বু অৱাবা মতমশিংদা মপাং পাং্যুসনগী মপাঙ্গলনা ঐতনহ্ধঙি। ভারতকী ইলেক্তোরেল সিস্তেমগী মপাঙ্গল অমসুং কোরোনাগী লাইচৎ মায়োক্নখিবা অদুনা খুদম ওইখি। মহাক্না পার্লিয়ামেন্তগী মীহুৎশিংনা হন্দক কান্নবা কয়া তৌখিবা অমসুং কোরোনাগী মায়োক্তা লান্থেংনবদা মতেং পাংনবা তোলোপ হন্থনা লৌখিবগীদমক্তা থাগৎখি।

প্রধান মন্ত্রীনা প্রোজেক্তশিং পন্দুনা লৈকনবা অসিগী মতাংদা তৌদনবা হায়খি। মহাক্না চহি কয়া পন্দুনা লৈরুরবা অমসুং গুজরাত, মধ্য প্রদেশ, মহারাস্ত্র অমসুং রাজস্থানগী মীয়ামবু অচৌবা কান্নবশিং ফংহন্দনা থমখিবা অদু দাম অসি শাবা লোইরবা মতমদা কোন্না থংদা ফংহনখিবা সদর সরোবরবু খুদম অমা ওইনা পীখি।

শ্রী মোদীনা থৌদাংশিংগী মরু ওইবা অদু থমখি অমদি মহাক্না হাবখি থৌদাংশিং অসি হক, ইজৎ অমসুং ইশানা ইশাবু থাজনবগী হৌরকফম ওইনা লৌগদবনি। “ঐখোয়গী কন্সতিত্যুসন্দা ফীচর কয়া য়াওই অদুবু য়াম্না খন্নবা ফীচর অমদি থৌদাংশিংবু মরু ওইনা লৌবনা ওই। মহাত্মা গান্ধীনা মসি য়াম্না হকচিন্না লৌরমখি। মহাক্না হকশিং অমসুং থৌদাংশিংগী মরক্তা নক্নবা মরী অমা লৈবা উবা ফংখি। ঐখোয়না থৌদাংশিং অসি পাঙথোকপগা হকশিং অসি মশানা অদুমক ঙাক শেঞ্জগনি হায়না মহাক্না ফাওখি” হায়না প্রধান মন্ত্রীনা ফোঙদোকখি।

প্রধান মন্ত্রীনা কন্সতিত্যুসনগী ভেল্যুশিং শন্দোকপা মথৌ তাই হায়না ফোঙদোকখি। মহাক্না হায়খি কে.ৱাই.সি.- নো য়োর কন্সতিত্যুসন্না দিজিতেল সেক্যুরিতীগী মরু ওইবা শরুক ওইবনা, কে.ৱাই.সি.- নো য়োর কন্সতিত্যুসন্না সেফতী শিল্দগী অচৌবা ঙাকশেল অমা ওইগনি। লোগী শীজিন্নরিবা লোল অসি অরায়বা অমদি মীয়াম্না খঙবা ঙম্বা ওইহনগদবনি অসুম্না তৌদুনা মখোয়না লো খুদিংমক্কা লোইননা হকথেংননা মরী অমা লৈ ফাওহনগদবনি হায়না মহাক্না ফোঙদোকখি। চৎনদ্রবা লোশিং লৌথোকপগী থবক থৌরমশিং অসি অরায়বা ওইগদবনি অমসুং ঐখোয়না অমেন্দ তৌবা মতমদা অরিবা লোশিং রিপীল তৌনবা ওতোমেতিক সিস্তেম অমা থম্বা য়াই হায়না অপাম্বা ফোঙদোকখি।

ৱান নেসন ৱান ইলেক্সনগী মতাংদা খন্নবা মথৌ তারে হায়নসু প্রধান মন্ত্রীনা ফোঙদোকখি। মহাক্না লোক সভা, বিধান সভাশিং- থাক খুদিংমক্তা নত্ত্রগা লোকেল পঞ্চায়ৎকী থাক্তা অমুক্তদা মীখল তৌনবা হায়খি। মসিগীদমক চপ মান্নবা ভোতর লিস্ত শীজিন্নবা য়াগনি। মসিগীদমক লেজিসলেচরশিংগী লমদা দিজিতেল ইন্নোবেসনশিং শীজিন্নবা অসি য়াম্না লুম্না লৌবা মথৌ তাই।

প্রধান মন্ত্রীনা প্রিসাইদিং ওফিসরশিংনা মখোয় মশানা লমজিংবা অমদিং পাঙথোকপা স্তুদেন্ত পার্লিয়ামেন্তশিং লৈহন্নবসু অপাম্বা ফোঙদোকখি।

****