প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা পাঙথোকখিবা কেন্দ্রগী মন্ত্রী মন্দল মীফমনা অসীম ইনফ্রাস্ত্রকচর ফাইনান্স লিমিতেদ (এ.আই.এফ.এল.) অমসুং এন.আই.আই.এফ ইনফ্রাস্ত্রকচর ফাইনান্স লিমিতেদ (এন.আই.আই.এফ-আই.এফ.এল.) য়াওবা নেস্নেল ইনবেস্তমেন্ত এন্দ ইনফ্রাস্ত্রকচর ফন্দ (এন.আই.আই.এফ.) না স্পোন্সর তৌবা এন.আই.আই.এফ. দেত প্লেৎফোর্মদা সরকারনা লুপা করোর ৬০০০গী ইক্বিতী ইনফ্যুজনগী প্রপোজেল মখাদা পীরিবা কন্দিসনশিং অসিগী মখাদা অয়াবা পীখ্রে।
i.    চৎলিবা চহি ২০২০-২১ অসিদা লুপা করোর ২,০০০ খক্তা এলোকেৎ তৌগনি। অদুম ওইনমক কোবিদ-১৯না মরম ওইদুনা অমুক্তা ওইখিদ্রিবা ফাইনান্সিএলগী ওইবা ফীভম অমসুং অকক্নবা ফিস্কেল স্পেস লৈবনা, প্রপোজ তৌখিবা শেনফম অসি দেত হেনগৎনবা শেম-শাবা অমসুং দিমান্দ লৈরবা খক্তদা কাইথবা য়াগনি।
ii.    এন.আই.আই.এফ.না দোমেস্তিক অমসুং গ্লোবেল পেন্সন ফন্দশিং অমসুং সোভরেন ৱেল্থ ফন্দসতগী ইক্বিতী ইনবেস্তমেন্ত মপুং ফানা শীজিন্ননবা মথৌ তাবা খোঙথাং পুম্নমক লৌখৎকনি।
মসি আত্মাানির্ভর ভারত ৩.০গী মখাদা ভারত সরকারগী শেন্মীৎলোনগী স্তিমুলসকী শরুক অমা ওইনা নবেম্বর ১২, ২০২০দা ফাইনান্স অমসুং কোর্পরেৎ এফিয়র্সকী কেন্দ্রগী মন্ত্রী শ্রীমতি নর্মালা সীতারমন্না লৌখৎখিবা মরু ওইবা খোঙথাং তরানিথোইগী মনুংদা অমনি।
এন.আই.আই.এফ. স্ত্রেতেজিক ওপুর্চুনিতীস ফন্দনা এন.বি.এফ.সি. ইনফ্রা দেত ফন্দ অমা অমসুং এন.বি.এফ.সি. ইনফ্রা ফাইনান্স কম্পনী অমা য়াওবা দেত প্লেৎফোর্ম অমা লিংখৎখি। এন.আই.আই.এফ.আ মখোয়গী স্ত্রেতেজিক ওপুর্চুনিতীস ফন্দগী খুত্থাংদা (‘এন.আই.আই.এফ. এস.ও.এফ.’) কম্পনী অনিমক্কী মরু ওইবা ফম পাইরি অমসুং প্লেৎফোর্ম অসিদা ~ লুপা ১,৮৯৯ হান্না ইনবেস্ত তৌখ্রে। স্ত্রেতেজিক ওপুর্চুনিতীস ফন্দগী খুত্থাংদা এন.আই.আই.এফ.না ইনবেস্তমেন্ত তৌখিবা অসিনা অতোপ্পা চান্নবা ইনবেস্তমেন্তগী খুদোংচাবশিংদা ইনবেস্ত তৌবগী মথক্তা মসিনা কম্পনী অনি অসি মখা তানা শৌগৎখিগনি। হৌজিক্কী প্রপোজেল অসিনা জি.ও.আই.না হকথেংননা ইনবেস্তমেন্ত তৌবীদুনা ইনফ্রাস্ত্রকচর দেত ফাইনান্সিং স্পেস্তা এন্তিতী অনিনা তৌবা ঙম্বা হেনগৎনবা হায়জরি। মসিনা প্লেৎফোর্ম অসিনা ইন্তরনেস্নেল ইক্বিতী হেনগৎহনবদসু মতেং পাংগনি।  এন.আই.আই.এফ. এস.ও.এফ.না হান্না ইনফ্যুস তৌখিবা ইক্বিতী অমদি লনাই সেক্তরদগী শরুক য়ারক্লিবা পোতেন্দিএল লৈবা ইক্বিতীগী মথক্তা সরকারনা নৌনা ইনফ্যুজন তৌবা ইক্বিতী অসিগা লোইননা দেত প্লেৎফোর্মনা ২০২৫তা প্রোজেক্তশিংদা লুপা করোর ১,১০,০০০গী দেতকী মতেং পীনবা রিসোর্স মরাং কাইনা লৈহনবা ঙমগনি হায়না পান্নরি।
ইমপ্লিমেন্ত তৌবগী লালোং অমসুং পান্দমশিং:
a.    লালোং অদুদি এ.আই.এফ.এল.না চল্লাইবা চহি অমদগী তাবা অন্দর কনস্ত্রকসন/গ্রীনফিল্দ/ ব্রাউনফিল্দ এসেৎশিংদা মপুং ওইনা মীৎয়েং থমগনি। এন.আই.আই.এফ ইনফ্রাস্ত্রকচর দেত ফাইনান্সিং প্লেৎফোর্মগী মশাগী ইন-হাউস এপ্রাইজেল সিস্তেম লৈজৈ মসিনা ফন্দশিং থুনা দিপোইমেন্ত তৌহনগনি।
b.    এন.আই.আই.এফ. আই.এফ.এল. (এন.বি.এফ.সি. –আই.দি.এফ)না মেচ্যুর ওইরবা ওপরেতিং এসেৎশিংগীদমক তেক-আউৎ বেহিকল অমা ওইনা মথৌ তৌগনি। মসিনা পোস্ত-কম্মিসসন্নিংদা ইনফ্রাস্ত্রকচর ইনবেস্তরশিংনা শেল চংবা বেঙ্ক ফাইনান্সকী মহুৎ অহোংবা আই.দি.এফ. ফাইনান্সনা শিনবদা মতেং পাংগনি। লাক্কদৌরিবা চহি ৫ অসিদা (এন.আই.পি. প্লান পিরদ), এন.আই.আই.এফ ইনফ্রাস্ত্রকচর দেত ফাইনান্সিং প্লেৎফোর্মনা ~লুপা করোর ১০০,০০০গী ইনফ্রাস্ত্রকচর প্রোজেক্তশিং শাবদা মতেং মপুং ফানা পাংবা ঙম্লগনি।
c.    প্লেৎফোর্ম অসিনা জি.ও.আই.দগী প্রপোজ তৌখিবা কেপিতেল ইনফ্যুজন লুপা করোর ৬,০০০ অসি শরুক ১৪-১৮ ওইহনবা ঙম্নবা লাক্কদৌরিবা চহি খরা অসিদা দোমেস্তিক অমসুং ইন্তরনেস্নেল মার্কেৎ অনিমক্তগী এক্সতর্নেল লোং-তর্ম ইক্বিতী কেপিতেল লোইননা দেত হেনগৎহনবসু মথৌ তাই।
d.    এন.আই.আই.এফ.না এন.আই.আই.এফ ইনফ্রাস্ত্রকচর দেত ফাইনান্সিং প্লেৎফোর্মদা দোমেস্তিল অমসুং গ্লোবেল পেন্সন, ইনসুরেন্স অমসুং সোভরেন ৱেল্থ ফন্দসকী ইনবেস্ত তৌরিবা ইক্বিতী হেনগৎহন্না সরকারনা ইনবেস্ত তৌরিবা ইক্বিতী শীজিন্ননবা কন্না হোৎনগনি।
চাদিং তৌগদবা:
এন.আই.আই.এফ. দেত প্লেৎফোর্মদা শেনবা চহি অনি মদুদি ২০২০-২১ অমসুং ২০২১-২২দা ইক্বিতী ওইনা লুপা করোর ৬,০০০ ইনবেস্ত তৌগনি।
ইমপেক্ত:
এন.আই.আই.এফ ইনফ্রাস্ত্রকচর দেত ফাইনান্সিং প্লেৎফোর্মনা লাক্কদৌরিবা চহি ৫ অসিদা ইনফ্রাস্ত্রকচর সেক্তরদা দেত লুপা করোর লাখ ১গী ময়াদা থাদবা ঙম্লবা য়াই। মসিনা নেস্নেল ইনফ্রাস্ত্রকচর পাইপলাইন্না ওইরকপা য়াই হায়না পান্নখিবা ইনফ্রাস্ত্রকচর সেক্তরদা অহেনবা ইনবেস্তমেন্তশিং লাকহনবা হেনগৎহনগনি।
প্রোসেস অসিনা বেঙ্কশিংনা ইনফ্রাস্ত্রকচর প্রোজেক্তশিংদা শেল থাদবা হন্থদা মতেং পাংদুনা অনৌবা গ্রীন-ফিল্দ প্রোজেক্তশিংগী মফম পীরগনি। আই.দি.এফ. মপাঙ্গল কনখৎহনবা/ইনফ্রাস্ত্রকচর সেক্তরদা ফাইনান্সিং স্পেস লৌথোকপনা ইনফ্রাস্ত্রকচর এসেৎশিংগী লিক্বিদিতী হেনগৎহনবদা অমসুং খুদোংচাদবা হন্থহনবদা মতেং ওইরগনি।
ভারত্তা ইনফ্রাস্ত্রকচর প্রোজেক্তশিং অসি এস.পি.ভি.শিংগী খুত্থাংদা চল্লাই। মহৌশানা কনস্ত্রকসন লোইরবা মতুংদসু এস.পি.ভি.শিংনা স্তেন্দ এলোন বেসিস্তদি ইনবেস্তমেন্ত গ্রেদ রেতিং ফংবা অসি অৱাবা ওই। দে প্লেৎফোর্মনা বোন্দ মার্কেৎতগী দেত হেনগৎহনগনি অমদি থাজবা য়াবা ইন্তরমেদিএরী অমা ওইগনি হায়নসু পান্নরি। এ.আই.এফ.এল. অসি কিয়র রেতিংসনা এ.এ. রেতিং ফংঙি অমদি এন.আই.এফ.-আই.এফ.এল.বু কিয়র রেতিংস অমসুং আই.সি.আর.এ.না এ.এ.এ. রেতিং ফংঙি। বোন্দ ইনবেস্তরশিংনা বেঙ্কশিংদগী মর্জিনশিং তাবা পাম্মী অদুবু এ.এ.এ/এ.এ. রেতিং ওইবা দেততা ইনবেস্ত তৌদুনা মখোয় মশাগী রিস্ক মেনেজমেন্ত গাইদলাইনশিং থুংহন্নবা তৌই। পেন্সন অমসুং ইনসুরেন্স ফন্দশিং য়াওনা লোং-তর্ম বোন্দ ইনবেস্তরশিংনা মহৌশানা এ.এ.এ. রেতিং ফংবা বোন্দশিংদা ইনবেস্ত তৌই।
মপুং ফানা কেপিতেলাইজ তৌরবা, মপুং ফানা ফন্দ লৈরবা অমসুং মপুং আনা চল্লাইবা এন.আই.আই.এফ. প্লেৎফোর্মনা বোন্দ মার্কেৎ অমসুং ইনফ্রাস্ত্রকচর প্রোজেক্তশিং অমসুং কম্পনীশিংগী মরক্তা এ.এ.এ./এ.এ. রেৎ ফংবা ইন্তরমেদিএরী ওইদুনা ভারতকী বোন্দ মার্কেৎকী ইনফ্রাস্ত্রকচর শেন-থুম অমসুং চাউখৎ থৌরাংশিংদা  মরু ওইবা থোদাং অমা লৌরি।
বেকগ্রাউন্দ:  
নেস্নেল ইনফ্রাস্ত্রকচর প্লেৎফোর্ম (এন.আই.পি.)গী মতুং ইন্না দেত ফাইনান্সিংগী মথৌ তাবা লেপ্তনা লৈহন্নবা তোঙান তোঙানবা সব-সেক্তরশিংদা লাক্কদৌরিবা চহি ৫ অসিদা লুপা করোর লাখ ১১১ থাদনবা পান্দম থমখি। মসিনা সেত ফাইনান্সিংদা য়ামদ্রবদা লুপা করোর লাখ ৬০দগী ৭০ মথৌ তাগনি। হৌজিক লৈরিবা ফীভম অসিদা মপুং ফানা কেপিতেলাই্ তৌরবা স্পেসিএলাইজ তৌরবা ইনফ্রাস্ত্রকচরনা অচৌবা কেপিতেল বেজ অমদি খোঙজেল য়াংনা থবক তৌবা এপ্রোচকা লোইননা প্রোজেক্তকী লাইফ সাইকল পুম্নমক্তা শেল পুহনবদা মীৎয়েং চংদবা নেস্নেল ইনবেস্তমেন্ত এন্দ ইনফ্রাস্ত্রকচর ফন্দ (এন.আই.আই.এফ.)না দিবেলপ তৌবা ফাইনান্সিএল ইন্সতিত্যুসনশিংদা মীৎয়েং থম্বা মথৌ তারি।

****