ইজুকেসন মিনিস্ত্রিগী তোঙান-তোঙানবা স্কিমশিং অমসুং থবক-থৌরমশিং হন্না য়েংশিন্নবা য়ুনিয়ন ইজুকেসন মিনিস্তর শ্রী রমেস পোখ্রিয়াল ‘নিশাঙ্ক’না লুচিংদুনা অৱাংবা থাক্কী মীফম অমা ঙসি পাংথোকখ্রে। মীফম অদুদা হায়র ইজুকেসনগী সেক্রেতরি শ্রী অমিত খারে, স্কুল ইজুকেসনগী সেক্রেতরি শ্রীমতি অনিতা করৱাল অমসুং মিনিস্ত্রিগী সেনিয়র ওফিসিএলশিং শরুক য়াখি।

স্কোলারসিপশিং, ফেল্লোসিপশিং মতম চানা য়েন্থোক্নবা অমসুং মখোয়গী হেল্পলাইন অমা হাংদোক্নবা য়ুনিয়ন মিনিস্তর শ্রী পোখ্রিয়ালনা য়ু.জি.সিদা খঙহনখ্রে। মহৈরোয়শিংগী খুদোংচাদবশিং খুদক্তা কোকহন্নবসু মহাক্না খঙহনখি।

মথং চহিদগী লাইরিক তম্বা হৌবদা ইঞ্জিনিয়ারিং কোর্সশিং য়াওনা তেক্নিকেল ইজুকেসন মমালোন্দা তাকপী-তম্বীবা হৌনবা মরুওইবা ৱারেপ অমা লৌখি। হায়রিবা থবক অসিগীদমক আই.আই.তি অমসুং এন.আই.তি খর খনগৎলে।

মিনিস্তরনা হায়খি মহৈরোয়শিং চাউখৎনবা অমসুং লৈবাক অসিগী লাইরিক-লাইশু তম্বগী থবকশিংদা অওনবা পুরক্নবা পান্দম ফংনবা নেসনেল ইজুকেসন পোলিসি নিংথিনা থবক ওইনা পায়খৎনবা মিনিস্ত্রিগী ওফিসিএলশিং থবক পায়খৎলি।

তোঙান-তোঙানবা বোর্দশিংগী হৌজিক লৈরিবা ফিবমশিং য়েংশিল্লবা মতুংদা নেসনেল তেস্তিং এজেন্সিনা কম্পিতিতিপ একজামিনেসনশিংগী সেল্লেবস পুথোক্নবা মীফম অদুদা ৱারেপ লৌখি। মথং চহিগী করম্বা মতমদা কমদৌনা পরিখাশিং পাংথোক্কদগে হায়বগী মতাংদা মহৈরোয়শিং, মমা-মপাশিং অমসুং ওজাশিংদগী মখোয়গী ৱাখল্লোনশিং খোঙদোক্নবা ইজুকেসন মিনিস্ত্রিনা খোঙজং অমা হৌদোক্নবা মীফম অদুদা ৱারেপ লৌখ্রে।

*****