রেলৱে মন্ত্রালয়

ভারত রেলৱেজনা দিজিতেল ওনলাইন হুমেন রিছোর্স মেনেজমেন্ত সিস্তেম(ঐচ আর এম এস)হৌদোক্লে


ঐচ.আর.এম.এসনা থবক তৌরিবা অমসুং পোথারবা ইমপ্লোয়িশিংগী ইমুং-মনুং লাখ ২৭ হেন্না কান্নবা পীগনি

রেলৱেজগী থবক হেন্না ফগৎনবা অমসুং কান্নবা পুরক্নবা খোঙথাংনি

ঐচ.আর.এম.এসনা রেলৱেজগী থবকশিং মরম চানা পাংথোকপা অমসুং অরোন-অথুপ লৈতবা হেনগৎহনগনি

ঐচ.আর.এম.এস অসি ভারত দিজিতেলগী খুন্নাই অমা শেমগৎনবা অমসুং লৌশিংগী শেন্মীৎলোন লৈনবা প্রধান মন্ত্রীগী পান্দম অদু থবক ওইনা পাংথোক্নবা খোঙথাং অমনি

ঐচ.আর.এম.এসনা ইমপ্লোয়ি খুদিংমক থবক পাংথোকপদা অচৌবা কান্নবা পীগনি অমসুং মখোয় হেন্না তেক্নোলোজি শীজিন্নবা হৈরগনি

Posted On: 26 NOV 2020 1:45PM by PIB Imphal

ভারত রেলৱেজনা মপুংফানা দিজিতেল ওইরবা ওনলাইন হুমেন রিছোর্স মেনেজমেন্ত সিস্তেম(ঐচ আর এম এস)হৌদোক্লে। হুমেন রিছোর্স মেনেজমেন্ত সিস্তেম(ঐচ আর এম এস) অসি থবক পাংথোকপা অমসুং ইমপ্লোয়িশিং অপেনবা হেনগৎহন্নবা ভারত রেলৱেজগী অৱাংবা থাক্কী প্রোজেক অমনি। মসি রেলৱেজগী থবক হেন্না ফগৎনবা অমসুং কান্নবা পুরক্নবা খোঙথাং অমনি অমসুং ভারত দিজিতেলগী খুন্নাই অমা শেমগৎনবা অমসুং লৌশিংগী শেন্মীৎলোন লৈনবা প্রধান মন্ত্রীগী পান্দম অদু থবক ওইনা পাংথোক্নবা খোঙথাং অমনি। ঐচ.আর.এম.এসনা ইমপ্লোয়ি খুদিংমক থবক পাংথোকপদা অচৌবা কান্নবা পীগনি অমসুং মখোয় হেন্না তেক্নোলোজি শীজিন্নবা হৈরগনি হায়বগী থাজবা থম্লি।

ঙসি ভিদিও কনফরেন্সকী খুৎথাংদা রেলৱেজগী ইমপ্লোয়িশিং অমসুং থবক্তগী পোথারবশিংগীদমক রেলৱেজ বোর্দকী চিয়রমেন অমসুং সি.ই.ও, শ্রী বিনোদ কুমার য়াদবনা ঐচ.আর.এম.এসগী মোদুলশিং অমসুং য়ুজর দিপোতশিং হাংদোকখ্রে।

ইমপ্লোয়ি সেল্ফ সর্বিস(ই এস এস) মোদুলনা রেললেজগী ইমপ্লোয়িশিংনা দেতা হোংদোক-হোংজিনগী ই-পাউ পীনবা য়াওনা ঐচ.আর.এম.এসকী তোঙান-তোঙানবা মোদুলশিংগা শম্নগনি।

প্রোবিদেন্ত ফন্দ(পি এফ) এদভান্স মোদুলদা রেলৱেজ ইমপ্লোয়িশিংনা মখোয়গী পি.এফ বেলেন্স য়েংবা অমসুং পি.এফ এদভান্স ওনলাইন্দা এপ্লাই তৌবা য়াগনি। ওনলাইন্দা এদভান্স প্রোসেসিং য়াগনি অমসুং ইমপ্লোয়িশিংনা মখোয়গী ওনলাইন পি.এফ এপ্লিকেসনগী ফিবম য়েংবা য়াগনি।

সেত্তেলমেন্ত মোদুলদা থবক্তগী পোথারবা ইমপ্লোয়িশিংগী থবক খুদিংমক দিজিতেল ওইনা পাংথোক্লে। ইমপ্লোয়িশিংনা মখোয়গী সেত্তলমেন্ত/পেন্সন বুকলেত ওনলাইন্দা মেনশিনবা য়াগনি। থবক্কী অকুপ্পা ৱারোলশিংগী ওনলাইন্দা ফংলে অমসুং পেন্সনগী থবকশিং ওনলাইন্দা মপুংফানা পাংথোক্লে। মসিনা চে শীজিন্নদ্রে অমসুং থবক্তগী পোথারবা ইমপ্লোয়িশিংগী ফংফম থোকপশিং ফংনবা পাংথোক্লিবা থবকশিং মতম চানা য়েংশিনবা য়ানবগী খুদোংচাবসু পীরে।

হায়রিবা মোদুলশিং অসিগী মমাঙদা, ভারত রেলৱেজনা ঐচ.আর.এম.এসগী অতোপ্পা মোদুলশিং হাংদোকখ্রে। ইমপ্লোয়ি মাস্তর মোদুলদা রেলৱেজগী ইমপ্লোয়িশিংগী অকুপ্পা ৱারোলশিং, ইমপ্লোয়িশিংগী সর্বিস রেকোর্দশিং দিজিতেল ওইনা থম্নবা ফিজিকেল সর্বিস রেকোর্দশিং ইলেকত্রোনিক সর্বিস রেকোর্দ মোদুলনা মহুৎশিল্লে, রেলৱেজগী নন গেজেত্তেদ ইমপ্লোয়ি লাখ ১২গী এন্নুএল পর্ফোমেন্স এপ্রাইজেল ইবগী থবক এন্নুএল পর্ফোমেন্স এপ্রাইজেল রিপোর্ত(এ পি এ আর)না দিজিতেল ওইনা পাংথোক্লে, ইলেকত্রোনিক পাস মোদুলনা পেপর পাসকী মহুৎশিল্লে,  ওফিস ওর্দরশিং পীনবা অমসুং নৌনা থবক চঙলকপা ইমপ্লোয়িশিং, প্রোমোসন কারকপা, ত্রান্সফর লাকপা অমসুং পোথাখিবশিংগী দেতা অপদেৎ তৌনবা ওফিস ওর্দর মোদুল লৈরে।

*****



(Release ID: 1676035) Visitor Counter : 159