গৃহ মন্ত্রী শ্রী অমিৎ শহানা স্পাইস হেল্থ অমসুং আই.সি.এম.আর.না পুন্না লোঞ্চ তৌখিবা মোবাইল কোবিদ-১৯ আর.তি.-পি.সি.আর. লেব অমা ইন্দিয়ন কাউন্সিল ওফ মেদিকেল রিসর্চ (আই.সি.এম.আর.), নই দিল্লীদা ঙসি শঙ্গাখ্রে। হকশেল অমসুং য়াইফ য়ুম্বালগী কেন্দ্রগী মন্ত্রী দা. হর্শ বর্ধনসু শঙ্গাবগী থৌরম অসিদা শরুক য়াখি। শঙ্গাবগী থৌরম অসিদা দি.ঐচ.আর.গী সেক্রেতরী অমসুং আই.সি.এম.আর.গী দিরেক্তর জেনরেল দা. বালরম ভার্গবা, স্পাইসজেৎকী চিয়রমেন অমসুং মেনেজিং দিরেক্তর শ্রী এজে সিংহ অমসুং স্পাইস হেল্থকী সি.ই.ও. মিস অবানি সিংহনসু শরুক য়াখি।

তেস্তিং লেব অসি অমসুং লিংখৎনবা থৌরাং তৌরিবা অসিগুম্বা লেব কয়ানা কোবিদ-১৯ তেস্তিং তৌবা ঙম্বগী থাক্তা হেনগৎহনবদা মতেং পাংলগনি। লেব অসি এন.এ.বি.এল.না এক্রেদিতেদ তৌখি অমসুং আই.সি.এম.আর.না এপ্রোব তৌখি। আর.তি.-পি.সি.আর. তেস্তশিং অসি কোবিদ-১৯ তেস্তিংদা অরোইবা ৱারেপ লৌবা অমসুং মরু ওইবা অমা ওইরি। তেস্তশিং অসি লুপা ৪৯৯/- চংগনি অমসুং তেস্ত তৌবগী শেল অসি আই.সি.এম.আর.না পুথোক্কনি। দিল্লীগী মীয়াম্না মসিগী শেল অমত্তা পুথোক্লোই। থৌরাং অসি কোবিদ-১৯ তেস্তিং অসি হোংনা ফংনবা অমসুং প্রজা মীয়ামদা ফংবা হেনগৎনবা খোঙথাং অমনি।

তেস্ত রিপোর্ত অসি চপ মান্নবা তেস্ত রিপোর্তনা চাংচৎতা পুং ২৪দগী ৪৮ চংলম্বা অদুগা চংদম্নবদা সেম্পল লৌখিবা মতমদগী পুং ৬তগী ৮ ফাওবগী মনুংদা ফংহনগনি।

স্পাইস হেল্থনা লৈবাক শিনবা থুংনা তেস্তিং ফেসিলিতীশিং (লেবোরেতরীশিং) অমসুং কল্লেক্সন সেন্তরশিং লিংখৎনবা আই.সি.এম.আর.গা লোইননা মেমোরেন্দম ওফ অন্দর্স্তেন্দিং অমা খুৎয়েক পীখি। অহানবা হৌবা ওইনা দিল্লীদা অহানবা তেস্তিং ফেসিলিতী লিংখৎখি। লাক্কদৌরিবা মতম অসিদা লৈবাক অসিগী কেপিতেলগী তোঙান তোঙানবা শরুকশিংদা অসিগুম্বা তেস্তিং ফেসিলিতীশিং লিংখৎলগনি। অহানবা তাঙ্কক্কি ওইনা লেব ১০ লিংখৎনবা থৌরাং তৌরি। অহৌবা ওইনা লেব অমমমদা নোংমদা সেম্পল ১,০০০ ফাওবা তেস্ত তৌবা ঙমগনি অমসিং তপ্না-তপ্না লেব অমনা নোংমদা সেম্পল ৩,০০০ তৌনবা হেনগৎহনগনি।

*****