আয়ুর্বেদ, সিদ্ধ, সোৱা-রিগপা অমসুং য়ুনানী মেদিসিনগী ভারতকী মোদিকেল সিস্তেমবু রেগুলেৎ তৌরিবা স্তেতুতরী বোদী, সেন্ত্রেল কাউন্সিল ওফ ইন্দিয়ন মেদিসিন (সি.সি.আই.এম.)না ক্লেরিতী অমসুং দিফিনিসনবু অমত্তা ওইনা পুনশিন্দুনা পোস্ত গ্রেজুএৎ আয়ুর্বেদ এজুকেসনগা মরী লৈনবা প্রোবিজনশিংবু লাইথোকহন্নবা নবেম্বর ২০, ২০২০দা নোতিফিকেসন অমা থোকখ্রে।

আয়ুশ মন্ত্রালয়গী নোতিস্তা য়াওরি মদুদি মীদিয়া প্লেৎফোর্ম খরদা মসিগী নোতিফিকেসন অসিগা মরী লৈননা অরানবা রিপোর্ত খরা লাক্লি মসিনা মরম ওইদুনা মসিগী মওং-মতৌ অমসুং পান্দমগী মতাংদা অরানবা ই-পাউ শন্দোক্লি। অরানবা রিপোর্তশিং অসিদগী ওইহল্লকপা ফিভম অদুবু কোকহন্নবা মন্ত্রালয়না হৌজিক মখাগী ময়েক শেংনা খঙহনবা (ক্লেরিফিকেসন) অসি থাদোরক্লি। মসিদা মসিগী মতাংদা থাংগৎলকপা ৱাহংশিংগী পাউখুম পীরিঃ

১. ইন্দিয়ন মেদিসিন সেন্ত্রেল কাউন্সিল (পোস্ত গ্রেজুএৎ আয়ুর্বেদ এজুকেসন) এমেন্দমেন্ত রেগুলেসন্স, ২০২০গী মতাংদা নোতিফিকেসন্দা করি হায়রি?

নোতিফিকেসন অসি আয়ুর্বেদদা পোস্ত গ্রেজুএৎ এজুকেসনগী শল্য অমসুং শলাক্য পরিংশিংগী মতাংদা পল্লি। নোতিফিকেসন্দা হায়রি মদুদি (হিরম অসিদা মমাংগী নোতিফিকেসন্দগী হেন্না ময়েক শেংনা) পি.জি. দিগ্রী তৌবা মহৈরোইশিংনা পুন্না সর্জিকেলগী থৌওং ৫৮দা প্রাক্তিকেল ওইনা ত্রেন তৌবা মথৌ তাই মরমদি মহৈ মপুং ফারবা মতুংদা মখোয়না থৌওং অসিবু মনীং তম্না পাংথোকপদা মতিক চাবা ওইনবনি। নোতিফিকেসন অসি মরুওইনা হায়রিবা সর্জিকেলগী থৌওংশিং অসিগী মতাংদনি অমসুং করিগুম্বা অতৈ মখল অমগী সর্জরী তৌবগী হায়রিবা শল্য অমসুং শলাক্য পি.জি তোরিবা মহৈরোইশিংদা অয়াবা পীদে।

২. হায়রিবা নোতিফিকেসন অসিদা আয়ুর্বেদগী প্রেক্তিস্নরশিংনা সর্জিকেল থৌওংগী প্রেক্তিস তৌবগী মতাংদা পোলিসী হোংদোকপগী  মতাংদা পনবরা?

পন্দে, নোতিফিকেসন অসি ২০১৬কী হান্না লৈরম্বা কাংলোন অদুদা মরী লৈনবা ৱারোলশিংগী ময়েক শেংনা খঙহনবনি। হৌরকপদগী হৌনা, শল্য অমসুং শলাক্য সর্জিকেল থৌওংশিংগীদমক্তা আয়ুর্বেদ কোলেজশিংদা মনীং তম্বা দিপার্তমেন্তশিং লৈ। অদুম ওইনমক ২০১৬কী নোতিফিকেসনদা মসি পল্লি মদুদি সি.সি.আই.এম.না শেম্বা পি.জি. কোর্সশিংগীদমক্তা থাদোকপা মরী লৈনবা সিল্লেবসকী মখাদা মহৈরোইনা মরী লৈনবা থৌওংশিংদা ইনভেস্তিগেতিব প্রোসিদ্যুরশিং, তেক্নিকশিং অমসুং সর্জিকেল পর্ফোর্মেনশিংগী ত্রেনিং পীগনি। হায়রিবা তেক্নিকশিং, থৌওংশিং অমসুং সর্জিকেল পর্ফোর্মেন্সশিংগী ৱারোল সি.সি.আই.এম.না থাদোকপনি রেগুলেসন্দা য়াওদে। সি.সি.আই.এম.না রেগুলেসনগী মতাংদা ৱারোল অসি থাদোক্তুনা মীয়ামদা খঙহন্নবা ক্লেরিফিকেসন অসি থাদোকপনি মসি পোলিসী শোমদোকপগী খুদম নত্তে।

৩. হায়রিবা নোতিফিকেসন অসিদা মোদর্ন তর্মিনোলোজী (অনৌবা ৱাহৈ) শিজিন্নবগী মতাংদা করিগী চয়েৎনবা থোক্লিবনো?

মন্ত্রালয়না হায়রিবা নোতিফিকেসন অসিদা অনৌবা ৱাহৈ শিজিন্নবগী মতাংদা ৱারোল অমত্তা পনবা নত্ত্রগা য়ানীংদবা ফোংদোরকপা থেংনদে, অমসুং মরম অসিনা অসিগুম্বা মখলগী চয়েৎনবা অমত্তগী মতাংদা খঙবা লৈতে।

অদুম ওইনমক, মসি ময়েক শেংলি মদুদি স্তেন্দর্লাইজ তর্মিনোলোজীশিং য়াওনা সাইন্তিফিক এদভান্স পুম্নমক মীওইবা পুম্নমক্কী লন্নি। কনাগুমবা মীওই অমা খক্তগী নত্ত্রগা কাংলুপ অমা খক্তগী হক অসিগুম্বা তর্মিনোলোজীশিং অসিদা লৈবা নত্তে। মেদিসিনগী লমদা অনৌবা ৱাহৈ-ৱাতা, মতম খরগী ওইবা মিৎয়েংদা অনৌবা মওং নত্তে, অদুবু গ্রিক, লেতিন অমসুং সংস্কৃৎ ফাওবদা অমসুং মতুংদা অরবকী লোনশিংদা অদুক্কী মতিক পোক্লই।

৪. হায়রিবা নোতিফিকেসন অসিদা অনৌবা ৱাহৈ-ৱাতা শিজিন্নবনা আয়ুর্বেদগা চৎনরিবা (অনৌবা) মেদিসিন অসিগা “য়ানশিন্নরে” হায়রিবরা?

হায়দে। মোদর্ন সাইন্তিফিক তর্মিনোলোজী পুম্নমক্কী পান্দম তোঙান তোঙানবা স্তেকহোল্দর পুম্নমক্কী মরক্তা নীংথিজনা শন্দোকপা অমসুং খঙহনববু হেন্না খুদোং চাবা ওইহনবনি। হায়রিবা নোতিফিকেসনগী স্তেকহোল্দরশিংদা শুপ্নগী আয়ুর্বেদ প্রেক্তিস্নরশিং য়াওবতা নত্তনা মেদিকো-লিগেল, হেল্থ আই.তি., ইন্সুরেন্স অসিনচিংবা অতৈ স্তেকহোল্দরশিংগা লোইননা মীচম মীয়ামগী মীহুৎশিংসু য়াওরি। মরম অসিনা অনৌবা ৱাহৈ-ৱাতা শিজিন্নবগী মথৌ তাদে। চৎনরিবা (মোদর্ন) মেদিসিনগা লোইননা আয়ুর্বেদনা “য়ানশিন্নবগী” ৱাফম করিসু লৈতে মরমদি সি.সি.আই.এম. অসি ভারতকী মেদিসিন সিস্তেমগী ওথেন্তিসিতী ঙাক্তুনা থম্নবগীদমক চেৎনা ফোংদোক্লি, অমসুং অসিগুম্বা “য়ানশিন্নবা” অমা হেক্তগী মায়োক্তা লেপ্লি।

***