প্রধানমন্ত্রীগী লোইশঙ
অর্বানাইজেসন্দা ইনবেস্তমেন্ত তৌনবা ভারতকী অচৌবা খুদোংচাবশিং লৈ হায়না পি.এম.না ইনবেস্তরশিংদা হায়খ্রে
কোবিদ মতুংদা মালেম অসিদা ৱাখল্লোন অমসুং খোঙথাংশিং অমুক হন্না শেমদোকপা মথৌ তাগনি
স্মার্ত সিতী ১০০না বিলিয়ন দোলর ৩০ ওইগদবা প্রোজেক্তশিং শেমখ্রে
৩শুবা এন্যুএল ব্লুমবর্গ ন্যু ইকনোমী ফোরমদা ৱা ঙাংখ্রে
Posted On:
17 NOV 2020 8:06PM by PIB Imphal
প্রধান মন্ত্রী শ্রী নরেন্দ্র মোদীনা ভারতকী অর্বানাইজেসনদা ইনবেস্তরশিংনা ইনবেস্ত তৌনবা হায়খ্রে। ভিদিও কনফরেন্সিংগী থোংদা ঙসি ৩শুবা এন্যুএল ব্লুমবর্গ ন্যু ইকনোমী ফোরমদা ৱা ঙাংলদুনা প্রধান মন্ত্রীনা হায়খি “করিগুম্বা অদোমনা অর্বানাইজেসনদা ইনবেস্ত তৌবা পাম্লবদি অদোমগীদমক্তা ভারত্তা অচৌবা খুদোংচাবশিং লৈ। করিগুম্বা অদোমনা মোবিলিতীদা ইনবেস্ত তৌবা পাম্লবা, অদোমগীদমক্তা ভারত্তা অচৌবা খুদোংচাবশিং লৈ। করিগুম্বা অদোমনা সস্তেনেবল সোলুসনশিংদা ইনবেস্ত তৌবা পাম্লবদি অদোমগীদমক্তা ভারত্তা অচৌবা খুদোংচাবশিং লৈ। আশা লৈবা দেমোক্রেসী, বিজিনেস তৌবা নুংঙাইবা মফম, অচৌবা কৈথেল, অমসুং ভারতপু মালেমগী ইনবেস্তমেন্ত তৌফম ওইহন্নবা অঙম্বা থাক্তা হোৎনরিবা সরকার অমগা লোইননা খুদোংচাবশিং অসি ফংহল্লি।”
শ্রী মোদীনা হায়খি কোবিদ-১৯গী মতুংদা মালেম অসি অমুক হন্না হৌবা অমা মথৌ তাগনি অদুবু হৌগদৌরিবা অসি শেমদোকপা অমা য়াওদ্রবদি ওইথোক্লোই। ৱাখল্লোন শেমদোকপা। প্রোসেসশিং শেমদোকপা অমসুং খোঙথাংশিং শেমদোকপা। লাইচৎ অসিনা ঐখোয়দা লম খুদিংমক্তা অনৌবা প্রোতোকলশিং দিবেলপ তৌনবগী খুদোংচাবা অমা পীরি। “করিগুম্বা ঐখোয়না তুংলমচৎতা মপাঙ্গল কনবা সিস্তেমশিং দিবেলপ তৌবা পাম্লবদি মালেম অসিনা খুদোংচাবা অসি লৌহৌগদবনি। ঐখোয়না মালেমদা কোবিদকী মতুংদা মথৌ তারক্কদবশিং অদুগী মতাংদা খন্থবা মথৌ তাই। ঐখোয়গী অর্বান সেন্তরশিং শেমগৎপা অসিনা অফবা অহৌবা তানফম অমা ওইগনি” হায়না প্রধান মন্ত্রীনা মখা তাখি।ংদা ব ঐখোয়না মালেমদা কোবিদকী
অর্বান সেন্তরশিং শেমগৎপা হায়বা থিম অসিদা য়ুম্ফম ওইরগা প্রধান মন্ত্রীনা রিকবরীগী প্রোসেস অসিদা মীয়ামনা মপুং ওইনা শরুক য়ানবা ফোঙদোকখি। মীয়াম্না খ্বাইদগী অচৌবা রিসোর্সনি অমসুং কাংলুপশিংনা খ্বাইদগী অচৌবা বিল্দিং ব্লোকনি হায়না ফোঙদোক্লদুনা প্রধান মন্ত্রীনা হায়খি, “লাইচৎ অসিনা খুন্নাইশিংগী অমসুং বিজিনেসশিংগী ওইনা ঐখোয়গী খ্বাইদগী চাউবা রিসোর্স অসি ঐখোয়গী মীয়াম্না হায়বা অমুক হন্না খঙহনখ্রে। কোবিদ মতুংগী মালেম অসি মসিগী মরু ওইবা অমসুং ফন্দামেন্তেল রিসোর্স অসি য়ৌখৎলকপা শেমগৎকদবনি।”
প্রধান মন্ত্রীনা লাইচৎকী মতম অসিদা খঙজিল হৌবশিং অসি মখা তানা চত্থবা মথৌ তাবা অদু ফোঙদোকখি। লোকদাউনগী মতমগী মনুংদা অকোইবগী ফীবম লুনান্না লৈবগী মতাংদা ৱা ঙাংলদুনা মহাক্না অকোইবগী ফীভম লুনান্না থম্বা অসি নোংফদোক তৌবা নত্তনা কাংলোন অমা ওইহন্দুনা ঐখোয়না সস্তেনেবল সিতীশিং শেমগৎপা য়ারোইদ্রা হায়খি? “ভারত্তা সহর অমগী খুদোংচাবশিং ফংবা অদুবু খুঙ্গং অমগী ৱাখল্লোন ওইবা অর্বান সেন্তরশিং শেমগৎপা হায়বা অসি ঐখোয়গী মঙলান্নি,” হায়না মোদীনা ফোঙদোকখি।
মহাক্না ফোরম অসিদা দিজিতেল ইন্দিয়া, স্তার্তঅপ ইন্দিয়া, শেল চংদনা য়ুম শাবা, রিএল ইস্তেৎ (রিগুলেসন) এক্ত অমসুং মেত্রোল রেল য়াওনা সহর ২৭তা ভারতকী অর্বান লেন্দস্কেপ রিভাইতেলাইজ তৌনবা হন্দক লৌখৎখিবা থৌরাংশিংগী মতাংদা ফোঙদোকখি। “ঐখোয়না লৈবাক অসিদা ২০২২ ফাওবদা মেত্রো রেল সিস্তেম কিলোমিতর ১০০০গী ময়াদা শেমগৎনবা হোৎনরি,” হায়না ফোরম অসিদা প্রধান মন্ত্রীনা ফোঙদোকখি।
প্রধান মন্ত্রীনা হায়খি “ঐখোয়না তাঙ্কক অনি থোকপা প্রোসেস অমগী খুত্থাংদা স্মার্ত সিতী ১০০ খনগৎখি। মদু কোওপরেতিব অমসুং কম্পিতিতিব ফেদরেলিজমগী ৱাখল্লোন্দা পাঙথোকপা লৈবাক শিনবা থুংবগী চাংদম্নবা অমা ওইখি। হায়রিবা সহরশিং অসি লুপা করোর লাখ অনি নত্ত্রগা বিলিয়ন দোলর ৩০রোমগী ওইগদবা প্রোজেক্তশিং পাইখৎখি। অমসুং লুপা করোর লাখ অমগা লিশিং নিফু নত্ত্রগা বিলিয়ন দোলর ২০রোমগী ওইগদবা প্রোজেক্তশিং লোইখ্রে নত্ত্রগা লোইশিল্লকদৌরে।”
******
(Release ID: 1673689)
Visitor Counter : 155
Read this release in:
Telugu
,
English
,
Urdu
,
Hindi
,
Marathi
,
Assamese
,
Bengali
,
Punjabi
,
Gujarati
,
Odia
,
Tamil
,
Kannada
,
Malayalam