প্রধানমন্ত্রীগী লোইশঙ
পি.এম. মোদীনা নভেম্বর ১৭, ২০২০দা ৩শুবা এনুএল ব্লুমবর্গ নিউ ইকনমী ফোরমদা ৱা ঙাঙগনি
Posted On:
17 NOV 2020 12:17PM by PIB Imphal
প্রধান মন্ত্রী শ্রী নরেন্দ্র মোদীনা নভেম্বর ১৭, ২০২০গী নুমিদাংৱাইরম পুং ৬.৩০ রোম তাবা মতমদা ৩শুবা এনুএল ব্লুমবর্গ নিউ ইকনমী ফোরমদা ৱা ঙাঙগদৌরি।
ব্লুমবর্গ নিউ ইকনমী ফোরম অসি মিস্তর মাইকেল ব্লুমবর্গনা ২০১৮দা লিংখৎখিবনি। মসিনা পুৱারী ওইগদবা অহোংবা পুরকপগী মতমদা মালেমগী শেন্মিৎলোন্না থেংনরিবা মরুওইবা শিংনবশিংগী থবক ওইনা পায়খৎবা য়াবা পাম্বৈশিং তশেং তশেংনা ৱারী ৱাতায় শানদুনা পুথোক্নবগীদমক লুচিংবশিংগী ওইবা কম্ম্যুনিতী অমা শেম্নবা পান্দম থম্লি। হৌদোকপগী ফোরম সিঙ্গাপুরদা পাঙথোকখি, অমদি অনিসুবা চহীগী ফোরম্না বৈজিংদা পাঙথোকখি। মসিনা মালেমগী শেন্মিৎলোন মেনেজ তৌবা, লল্লোন ইতিক অমসুং শেন থাদবা, তেক্নোলোজী, অর্বানাইজেসন, কেপিতেল কৈথেল, অইং-অশাগী খল কায়রকপা অমদি পুম্নমক কোনশিনবা অসিনচিংবা হীরম কয়াবু কোনশিল্লি।
চহী অসিদদি, কোবিদ-১৯ লাইচৎনা মালেমগী শেন্মিৎলোন শোকহনবনদা মরম ওইরগা, ফোরম অসিনা শেন্মিৎলোন্দা অমুক হন্না ইনোৎ পীবা অমদি তুংগী লম্বী য়াৎপা হায়বরিবসিদা য়ুম্ফম ওইদুনা খন্ন-নৈনগনি।
***
(Release ID: 1673471)
Visitor Counter : 208
Read this release in:
Assamese
,
Kannada
,
Tamil
,
English
,
Urdu
,
Marathi
,
Hindi
,
Bengali
,
Punjabi
,
Gujarati
,
Odia
,
Telugu
,
Malayalam