উপ-রাস্ত্রপতিগী লোইশঙ
উপ রাস্ত্রপতিনা দীপাবলীগী নোংমা মাওইননা লৈবাক মীয়ামদা নুংঙাইবা ফোংদোকখ্রে
Posted On:
13 NOV 2020 4:18PM by PIB Imphal
ভারতকী উপ রাস্ত্রপতি, শ্রী এম. ভেনকৈয়া নাইদুনা দীপাবলীগী নোংমা মাংওইননা লৈবাক মীয়ামদা নুংঙাইবা ফোংদোকখ্রে।
মখাগী অসি পাউজেলগী ৱারোলনি -
“মঙালগী কুম্মৈ – দীপাবলীগী শেংলবা থৌরম অসিদা ঐনা ঐগী ইরৈবাকচা পুম্নমক্কী অমসুং মীরমদা লৈরিবা ভারত মচা পুম্নমক্কী মফমদা হায়নীংঙাই লৈতনা নুংঙাইবা অমসুং য়াইফ-মঙ্গল পীজরি।
হরাও-তয়াম্বগা লোইননা থাইনদগী পাংথোক্নরক্লিবা, দীপাবলীগী কুম্মৈ অসি ফত্তববু অফবনা মায়থিবা পীবগী খুদম্নি অমসুং ভগবান রামগী পুন্সিগী শেংলবা ফিদমশিং অমসুং অফবা মগুনশিংদা ঐখোয়গী থজবা মপুং ফানা থম্লি। হিংচাবা রাবন মায়থিবা পীরম্লবা মতুংদা চহি ১৪গী উমংগী খোংচৎতগী ঙসিগী নুমিৎ অসিদা শ্রী রাম, ইমা সীতা অমসুং লক্ষ্মনগা লোইননা অয়োধ্যাদা হল্লকখি। মসি ভগবান রামগী পুন্সি অমসুং থবক্তা য়াওরিবা শেংলবা অমসুং ফিদমনীংঙাই ওইরবা ৱাখল্লোন অদুগী থৌরম অমসু ওইরি। কুম্মৈ অসিনা ঐখোয়দা নীংশিংহল্লি মদুদি ঐখোয়না হিংচাবগী শক্তি অদুবু তত্তনা নমথবা অমসুং খুন্নাইগী ফনবা অমদি অফবা ৱাখল্লোন অদুবু হেনগৎহনবা মথৌ তাই।
দীপাবলীগী থৌরম অসি শুপ্নগী ভারত্তদা নত্তনা মালেম অপুনবদা মশিং য়াম্না পাংথোক্নৈ। ঐখোয়না হায়বা ঙম্মি মদুদি মসি মালেমগী খ্বাইদগী চাউবা কুম্মৈশিংগী মনুংদা অমনি। মীরমদা লৈরিবা ভারত মচাশিংনা দীপাবলী অসি য়াম্না চাউনা অমদি নুংশিনা পাংথোক্নৈ।
দীপাবলীগী অহিংদা লন-থুমগী লাইরেম্বী লক্ষ্মীগী পুজা তৌবা অসিসু কুম্মৈ অসিগী মরুওইবা চৎনবী অমনি।
কুম্মৈ অসিনা খঙদবশিংগী অম্ববু কোকহনবীদুনা লৌশিং অমসুং মঙাল ফংহনবীবা ওইরসনু। কুম্মৈ অসিনা ঐখোয়গী পুন্সিদা শান্তি, অফবা, ৱাৎ-পাদবা অমসুং হরাও তয়াম্বা পুরকপা ওইরসু হায়না ঐনা থৌনীজরি।”
*******
(Release ID: 1672808)
Visitor Counter : 160